Galaxy Z Fold 7, Samsung चा फ्लॅगशिप फोल्डेबल अधिक परवडणाऱ्या किमतीत

Samsung ने गेल्या वर्षी त्यांचे नवीन फोल्डेबल स्मार्टफोन्स सादर केले, ज्यात Galaxy Z Fold 7, Galaxy Z Flip 7, आणि Galaxy Z Flip 7 FE यांचा समावेश आहे. त्यापैकी, Galaxy Z Fold 7 त्याच्या स्लिम डिझाइन आणि उच्च दर्जाच्या कामगिरीने सर्वात जास्त वेगळे ठरले. आता, Galaxy Z Fold 7 वर 19,000 रुपयांपेक्षा जास्त सूट देत आहे, ज्यामुळे प्रीमियम फोल्डेबल फोन खरेदी करणाऱ्या ग्राहकांसाठी ही एक उत्तम संधी आहे. तुम्ही खूप वेळ रेग्युलर फोन वापरत असाल आणि आता फोल्डेबल फोन घेण्याचा विचार करत असाल तर Galaxy Z Fold 7 हा एक उत्तम पर्याय ठरू शकतो. सध्या Galaxy Z Fold 7 वर अमेझॉनवर मोठी सूट मिळत आहे, जी सहसा नवीन फ्लॅगशिप फोनवर इतक्या लवकर दिसून येत नाही. Samsung Galaxy Z Fold 7 (12GB RAM + 512GB storage) भारतात 1,86,999 रुपयांना लाँच करण्यात आला. हे मॉडेल सध्या अमेझॉनवर 1,69,990 रुपयांना उपलब्ध आहे - 17,009 रुपयांची सूट आहे. त्याव्यतिरिक्त, IDFC First Bank credit card आणि फेडरल बँक क्रेडिट कार्ड ईएमआय व्यवहारांवर 2500 रुपयांची अतिरिक्त सूट मिळू शकते. जुना फोन देऊन तुम्ही 43,300 रूपये बचत करू शकता. मात्र ही किंमत फोनच्या स्थितीवर अवलंबून आहे.

Samsung Galaxy Z Fold 7 ची स्पेसिफिकेशन्स

Samsung Galaxy Z Fold 7 मध्ये 120Hz रिफ्रेश रेटसह 6.5-इंचाचा FHD+ AMOLED बाह्य डिस्प्ले आहे आणि 120Hz रिफ्रेश रेटला सपोर्ट करणारा 8-इंचाचा QXGA+ AMOLED अंतर्गत स्क्रीन आहे. हा बुक-स्टाईल फोल्डेबल फोन Qualcomm Snapdragon 8 Elite चिपसेटवर चालतो, ज्यामध्ये 16GB पर्यंत रॅम आणि 1TB पर्यंत स्टोरेज आहे. या डिव्हाइसला 25W फास्ट चार्जिंग सपोर्टसह 4,400mAh बॅटरीचा पाठिंबा आहे.

Galaxy Z Fold 7 मध्ये मागील बाजूस ट्रिपल कॅमेरा सेटअप आहे, ज्यामध्ये 200MP चा मुख्य सेन्सर, 12MP चा अल्ट्रा-वाइड लेन्स आणि 3x ऑप्टिकल आणि 30x पर्यंत डिजिटल झूमसह 10MP चा टेलिफोटो कॅमेरा आहे. सेल्फी आणि व्हिडिओ कॉलसाठी, कव्हर आणि आतील डिस्प्ले अशा दोन्हीवर 10MP चा कॅमेरा आहे.