iQoo z9s सिरीज चे किती स्मार्टफोन्स होणार लॉन्च आणि काय असेल किंमत.

iQoo ह्या मोबाईल कंपनीने नुकतीच त्यांची नवीन मोबाईल सिरीज iQoo z9 ही सिरीज लॉन्च करण्याचे आश्वासन दिले आहे. ह्या सिरीजमध्ये किती स्मार्टफोन मॉडेल्स लॉन्च करण्यात येतील, किंवा ते ऑगस्ट महिन्यातील कोणत्या तारखेला भारतात लॉन्च करण्यात येतील याबाबत कोणतीही स्पष्टता देण्यात आलेली नाही. पण ग्राहकांची उत्सुकता वाढविण्यासाठी कंपनीने एका स्मार्टफोनचा फर्स्ट लूक लॉन्च केला आहे, तो आहे iQoo z9s. चला तर मग बघुयात, काय विशेष असणार आहे iQoo च्या ह्या नवीन स्मार्टफोनमध्ये. 

iQoo z9s च्या डिझाईन्स.

iQoo z9s हा स्मार्टफोन अद्याप लॉन्च न झाल्याने त्याच्या डिझाइन ची सर्व कल्पना ही कंपनीने लॉन्च केलेल्या पोस्टर वरून येते. स्मार्टफोनच्या मागच्या भागावर असलेला कॅमेरा सेटअप हा चौकोनी आहे आणि त्याची वैशिष्टये ही iQoo 12 सारखीच असण्याची शक्यता आहे. ट्रिपल कॅमेरा सेटअप सोबत कॅमेरा सेन्सरच्या खाली रिंग लाईट फ्लॅश देण्यात आला आहे. 

iQoo Z9s च्या मागच्या पॅनेलमध्ये पांढऱ्या रंगाच्या सावलीत चमकदार संगमरवरी फिनिश देण्यात आली आहे.  दरम्यान, iQoo चा लोगो हा स्मार्टफोनच्या मध्यभागी किंव्हा तळाशी असू शकतो. स्मार्टफोनच्या उजवीकडे व्हॉल्यूम आणि पॉवर की असेल आणि हा स्मार्टफोन पूर्णपणे चौकोनी नसून त्याच्या चारही कडा ह्या वक्र असतील.

iQoo z9s ची वैशिष्ट्ये.

iQoo z9s चा डिस्प्ले 6.78 असून सोबतच 144Hz रिफ्रेश रेट सुद्धा देण्यात येत आहे. ह्या स्मार्टफोनचा प्रोसेसर Qualcomm Snapdragon 8s Gen 3 SoC आहे. आपण आता ह्या स्मार्टफोनची जर बॅटरी पहिली तर ती 6000 mAh ची असणार आहे आणि 80 वॅटच्या अती जलद चार्जिंचे समर्थन करणारी आहे. काही सूत्रांकडून मिळालेल्या माहितीनुसार iQoo z9s ह्या स्मार्टफोन सोबतच iQoo z9s pro सुद्धा लॉन्च होणार आहे. 

ह्या स्मार्टफोनमध्ये सगळ्यात महत्वाचा असणार आहे तो म्हणजे ह्याचा कॅमेरा. जो iQoo ने लॉन्च केलेल्या iQoo z9 turbo चा पुढचा मॉडेल असू शकतो, ज्यामुळे iQoo z9 turbo मध्ये दोन कॅमेऱ्यांचा सेटअप देण्यात आला होता तर iQoo z9s मध्ये ट्रीपल कॅमेरा देण्यात येणार आहे. 

iQoo z9 ह्या सिरीज चे नक्की कोणते मॉडेल्स भारतात ऑगस्ट मध्ये लॉन्च होणार आहेत, याबाबत बरीचशी माहिती ही कंपनीकडून देण्यात आलेली नाही. पण ह्या संबंधित अधिक माहितीसाठी आमच्या येणाऱ्या अपडेटसचा मागोवा नक्की ठेवा.