Lava Agni 4 चा होम डेमो उपलब्ध, खरेदीचा निर्णय घेण्यापूर्वी घेऊ शकाल अनुभव

Lava Agni 4 home demo campaign हे 20 नोव्हेंबर ते 24 नोव्हेंबर दरम्यान बेंगळुरू, दिल्ली आणि मुंबई येथे चालणार आहे.

Written by Gadgets 360 Staff अद्यतनीत: 19 नोव्हेंबर 2025 23:13 IST

Lava Agni 4 चा होम डेमो उपलब्ध, खरेदीचा निर्णय घेण्यापूर्वी घेऊ शकाल अनुभव

Photo Credit: Lava

आगामी लावा स्मार्टफोन मीडियाटेक डायमेन्सिटी ८३५० एसओसीसह येण्याची पुष्टी झाली आहे

महत्वाचे मुद्दे

Lava Agni 4, हा स्मार्टफोन 20 नोव्हेंबर रोजी भारतात लाँच होणार
Lava Agni 4 ची किंमत भारतात 30,000 रुपयांपेक्षा कमी असू शकते असा रिपोर्ट्
हँडसेटमध्ये 5,000mAh बॅटरी असण्याचीही चर्चा आहे जी 66W च्या जलद चार्जिंगल

जाहिरात

Lava Mobiles कडून सोमवारी एक नवीन उपक्रम जाहीर केला आहे जो ग्राहकांना त्यांच्या आगामी फ्लॅगशिप स्मार्टफोन, Lava Agni 4 चा लवकर प्रवेश मिळवून देतो. Demo@Home campaign चे नाव देण्यात आले आहे. या व्यवस्थेचा उद्देश सहभागींना त्यांच्या स्वतःच्या घराच्या सोयीनुसार Lava Agni 4 च्या डिझाइन आणि क्षमतांची एक खास झलक दाखवणे आहे. विशेष म्हणजे, Lava Agni 4,हा 20 नोव्हेंबर रोजी भारतात लाँच होणार आहे. Demo@Home प्रोग्राम, जो संभाव्य ग्राहकांना थेट अधिक सोयीस्कर आणि यूजर फ्रेंडली प्रोडक्टची प्रात्यक्षिके प्रदान करून ग्राहकांचा अनुभव वाढवण्यासाठी डिझाइन केलेला आहे.

Lava Agni 4 home demo campaign हे 20 नोव्हेंबर ते 24 नोव्हेंबर दरम्यान बेंगळुरू, दिल्ली आणि मुंबई येथे चालणार आहे. वर उल्लेख केलेल्या शहरांमधील ग्राहक फॉर्म भरून केवळ आमंत्रित अनुभवासाठी नोंदणी करू शकतात. मर्यादित संख्येतील सहभागींची निवड केली जाईल आणि त्यांच्या घरच्या आरामात खास प्रत्यक्ष अनुभवासाठी संपर्क साधला जाईल, असे ब्रँडने एका प्रेस नोटमध्ये म्हटले आहे. हा Lava Agni 4 Elite Pass चा भाग असल्याचा दावा केला जात आहे. Lava Mobiles च्या मते, हे कोणतेही बंधन नसलेले प्रात्यक्षिक असेल, याचा अर्थ ग्राहकांना हँड्स-ऑन वॉकथ्रूनंतर स्मार्टफोन खरेदी करण्याचे बंधन नाही. Lava म्हणाले की, या उपक्रमाचे उद्दिष्ट उत्पादनांचे प्रात्यक्षिक थेट यूजर्सपर्यंत पोहोचवणे आहे.

Lava Agni 4 ची भारतामधील किंमत, स्पेसिफिकेशन्स

अहवालांनुसार, Lava Agni 4 ची किंमत भारतात 30,000 रुपयांपेक्षा कमी असू शकते. यात 1.5K रिझोल्यूशन आणि 120Hz रिफ्रेश रेटसह 6.67 इंचाची AMOLED स्क्रीन असण्याची अपेक्षा आहे. हा हँडसेट MediaTek च्या Dimensity 8350 चिपसेटद्वारे सपोर्टेट असेल, जो LPDDR5X रॅम आणि UFS 4.0 स्टोरेजसह असेल. फोनमधील कॅमेरा पाहता Lava Agni 4 मध्ये ड्युअल रियर कॅमेरा सेटअप मिळू शकतो, ज्यामध्ये ऑप्टिकल इमेज स्टेबिलायझेशन (OIS) साठी सपोर्ट असलेला 50मेगापिक्सेलचा प्रायमरी कॅमेरा आणि 8 मेगापिक्सेलचा अल्ट्रा-वाइड-अँगल लेन्स असेल. सेल्फी आणि व्हिडिओ कॉलसाठी 50 मेगापिक्सेलचा फ्रंट-फेसिंग कॅमेरा देखील मिळेल असे म्हटले जाते.

Lava Agni 4 मध्ये कनेक्टिव्हिटी पर्यायांमध्ये USB ३.२, इन्फ्रारेड (IR) आणि Wi-Fi 6E यांचा समावेश असू शकतो. येणाऱ्या हँडसेटमध्ये 5,000mAh बॅटरी असण्याचीही चर्चा आहे जी 66W च्या जलद चार्जिंगला सपोर्ट करते.