HMD कडून नवे Feature Phones, Barca-Themed Smartphones ची घोषणा

HMD Barca Fusion आणि HMD Barca 3210 ची झलक समोर आली आहे. हा स्मार्टफोन रविवारी Mobile World Congress (MWC 2025)मध्ये समोर आला आहे. Finnish company ने यासाठी Spanish football club FC Barcelona सोबत पार्टनरशीप केली आहे. पहिला स्मार्टफोन हा कलेक्टर एडिशन स्मार्टफोन आहे ज्यामध्ये एक्सक्लुझिव्ह थीम असलेली कंटेंट आहे. तर HMD Barca 3210 हा कंपनीच्या क्लासिक फीचर फोनसारखा दिसतो, जो 4G कनेक्टिव्हिटी देतो. कंपनीने HMD Fusion X1 हा स्मार्टफोन देखील सादर केला, जो तरुण युजर्सना इंटरनेट वापरताना सुरक्षित ठेवण्यासाठी डिझाइन केलेला आहे.

कंपनीने नवीन HMD Barca Fusion, HMD Barca 3210 आणि HMD Fusion X1 मॉडेल्सच्या किंमती जाहीर केलेल्या नाहीत. येत्या काही महिन्यांत हे स्मार्टफोन जागतिक बाजारपेठेत विक्रीसाठी उपलब्ध होण्याची शक्यता आहे. HMD Barca 3210 हा Blau आणि Grana रंगांमध्ये उपलब्ध आहे.

HMD Fusion X1 चे फीचर्स काय?

HMD ने Fusion X1 मध्ये Snapdragon 4 Gen 2 चिपसेट, 8GB पर्यंत RAM आणि 256GB पर्यंत बिल्ट-इन स्टोरेज ठेवले आहे असे म्हटले जाते. या स्मार्टफोनमध्ये 6.56 इंचाचा एचडी डिस्प्ले आहे ज्याचा रिफ्रेश रेट 90 हर्ट्झ आहे. या स्मार्टफोनमध्ये 108 मेगापिक्सेलचा प्रायमरी कॅमेरा आहे, जो 2 मेगापिक्सेल सेन्सरसह येतो. या हँडसेटमध्ये 50 मेगापिक्सेलचा सेल्फी कॅमेरा आहे.

HMD Fusion X1 मध्ये 5,000mAh बॅटरी देखील आहे जी 33W वर चार्ज करता येते. कंपनीने विविध "आउटफिट्स" देखील सादर केले आहेत, जे गेल्या वर्षी आलेल्या मूळ HMD Fusion प्रमाणेच फोनशी सुसंगत अॅक्सेसरीज आहेत. कंपनीच्या मते, HMD Fusion X1 हा त्यांचा पहिला स्मार्टफोन आहे जो तरुण यूजर्सना, किशोरवयीन मुलांना सुरक्षितपणे इंटरनेट वापरण्यास मदत करण्यासाठी डिझाइन केलेला आहे. पालकlocation safety features वापरू शकतील, कॉन्टॅक्ट्सना मान्यता देऊ शकतील, विशिष्ट अॅप्सचा अॅक्सेस ब्लॉक करू शकतील (किंवा टायमर सेट करू शकतील) आणि त्यांच्या मुलाचे रिअल टाइम लोकेशन पाहू शकतील. ही फीचर्स HMD च्या Xplora parental controls service चा भाग म्हणून उपलब्ध असतील.