Nothing Phone 3 जुलै मध्ये येणार पहा काय असतील रंगांचे पर्याय आणि प्राईज रेंज

जुलै महिन्यात भारतात Nothing Phone 3 लाँच होणार आहे. अनेक घोषणांद्वारे, कंपनीने खुलासा केला आहे की या मॉडेलमध्ये आयकॉनिक ग्लिफ इंटरफेस वगळण्यात येईल आणि त्याऐवजी मागील बाजूस डॉट मॅट्रिक्स डिझाइन असू शकते, ज्यामुळे फोनला एक अनोखा आणि फ्रेश लूक मिळेल. Nothing ने अलीकडेच “Goodbye Glyph Interface” नावाचा एक टीझर व्हिडिओ जारी केला आहे. हे मॉडेल ब्रँडचे पहिले खरे फ्लॅगशिप असणार आहे, जे उच्च दर्जाच्या मटेरियलपासून बनवले आहे आणि कार्यक्षमतेत लक्षणीय सुधारणांनी परिपूर्ण आहे.

Nothing Phone 3 ची भारतामध्ये काय असू शकते किंमत?

@MysteryLupin या लीकरच्या माहितीनुसार, Nothing Phone 3 हा भारतामध्ये काळा आणि पांढर्‍या रंगामध्ये उपलब्ध असणार आहे. 12 GB RAM आणि 256GB storage असलेल्या बेस मॉडेलची किंमत अंदाजे 799 डॉलर्स (अंदाजे 68295 रुपये) आहे, तर 16 GB RAM आणि 512 GB storage असलेल्या टॉप-टियर व्हेरिएंटची किंमत सुमारे 899 डॉलर्स (अंदाजे 76,839 रुपये) असू शकते.

हे आकडे Nothing चे सीईओ Carl Pei यांच्या मागील संकेतांशी जुळतात, ज्यांनी किंमत 800 युरोच्या जवळपास असल्याचे संकेत दिले होते. अमेरिकन डॉलरमध्ये किंमत असल्याने हे फोन अधिकृतपणे युनायटेड स्टेट्समध्ये लाँच होण्याची अपेक्षा आहे.

Nothing Phone 3 चं कसं असेल डिझाईन?

Nothing Phone 3 मध्ये मोठ्या प्रमाणात डिझाइनमध्ये बदल होण्याची अपेक्षा आहे. ज्यामध्ये वनप्लस 12 प्रमाणेच गोलाकार कॅमेरा सेटअप असेल. त्याच्या मागील बाजूस आयकॉनिक Glyph interface असेल. जो कॉल, मेसेज आणि नोटिफिकेशन्ससाठी dynamic visual alerts देईल. या डिव्हाइसमध्ये 6.77-inch AMOLED LTPO display असण्याची शक्यता आहे, जो 120Hz रिफ्रेश रेट आणि 3,000 nits पर्यंत पोहोचणारा peak brightness देईल. Nothing Phone 1 Phone 2, प्रमाणे स्लीक ब्लॅक आणि क्रिस्प व्हाइट फिनिश मध्येच असण्याचा अंदाज आहे.

Nothing Headphone 1

सूत्रांच्या माहितीनुसार, Nothing त्यांच्या पहिल्या ओव्हर-इअर हेडफोन्सवर काम करत आहे, ज्याचे नाव Nothing Headphone 1 असू शकते. हे 30 सप्टेंबर रोजी लाँच होण्याची शक्यता आहे. काळ्या आणि पांढऱ्या रंगात ते उपलब्ध असू शकतात. हेडफोन्सची अपेक्षित किंमत सुमारे $299 आहे, जे अंदाजे 25,500 रुपये आहे.