Oppo Find X9 सीरीजच्या किंमतीत वाढ? लॉन्चपूर्वीच लीकने निर्माण केली चर्चा

Oppo कडून Find X9 series भारतामध्ये मंगळवारी लॉन्च होणार आहे. Find X9 आणि Find X9 Pro ही मॉडेल्स या सीरीजमध्ये असणार आहेत. दोन्ही फोन Flipkart तसेच कंपनीच्या अधिकृत ऑनलाइन स्टोअरवर उपलब्ध असतील. आगामी सीरीजमध्ये कॅमेरा कामगिरी, स्क्रीन ब्राइटनेस आणि एकूण प्रोसेसिंग पॉवरमध्ये उल्लेखनीय सुधारणा होण्याची अपेक्षा आहे. अपेक्षेत भर म्हणून, रिटेल बॉक्स इमेजेस आणि रंग पर्याय देखील लाँच होण्यापूर्वी ऑनलाइन समोर आले आहेत.Oppo Find X9 ची फीचर्स,Oppo Find X9 मध्ये 6.7 इंच डिस्प्ले असून 120 Hz refresh rate आणि peak brightness हा 3,600 nits आहे. फोनमध्ये ट्रिपल रेअर कॅमेरा सेटअप आहे. त्यामध्ये 50MP मेन कॅमेरा, 50MP अल्ट्रा वाईड कॅमेरा आणि 50MP periscope telephoto lens चा समावेश आहे. True Colour Camera sensor अधिक अचूक रंग देण्यास मदत करतो. हा स्मार्टफोन MediaTek Dimensity 9500 चिपवर चालतो . यात 7,025mAh ची बॅटरी आहे जी 80W वायर्ड चार्जिंग, 50W वायरलेस चार्जिंग आणि 10W रिव्हर्स चार्जिंगला सपोर्ट करते. Find X9 मध्ये IP66, IP68 आणि IP69 प्रोटेक्शन रेटिंग देखील आहे.

Oppo Find X9 Pro ची स्पेसिफिकेशन्स

Oppo Find X9 Pro मध्ये 6.78 इंचाची AMOLED स्क्रीन आहे ज्याचा रिफ्रेश रेट 120 Hz आणि पीक ब्राइटनेस 3,600 nits आहे. फोनला IP69 रेटिंग असल्याने फोन टिकाऊपणासाठी सुरक्षित आहे. फोनमध्ये शक्तिशाली कॅमेरा सेटअप आहे ज्यामध्ये रिअल टाइम ट्रिपल एक्सपोजरसह Sony LYT 828 main sensor, 200MP Hasselblad telephoto camera, दोन 50MP कॅमेरे आणि 2MP मोनोक्रोम सेन्सर समाविष्ट आहे. ते 4K 120fps डॉल्बी व्हिजन HDR आणि LOG व्हिडिओ रेकॉर्डिंगला देखील सपोर्ट करते. हा स्मार्टफोन Trinity Engine optimisation सह Dimensity 9500 चिपद्वारे सपोर्टेड आहे. 7,500mAh बॅटरी फोनला पॉवर देते आणि Find X9 प्रमाणेच चार्जिंग स्पीडला सपोर्ट करते.

Oppo च्या माहितीनुसार, Oppo Find X9 स्मार्टफोन Space Black आणि Titanium Grey या दोन रंगांमध्ये विक्रीसाठी खुला असणार आहे. Find X9 Pro हा फोन Silk White आणि Titanium Charcoal रंगामध्ये उपलब्ध असेल. काही रिपोर्ट्सनुसार , Oppo Find X9 ची किंमत सुमारे 79,999 रूपये, तर Find X9 Pro ची किंमत भारतीय बाजारात 99,999 रुपयांच्या आसपास असू शकते.