POCO F8 Series येतोय 26 नोव्हेंबरला; Pro आणि Ultra चे स्पेसिफिकेशन्स चर्चेत

Poco त्यांच्या F series मध्ये अजून एक नवा फोन म्हणजे Poco F8 Ultra लॉन्च करण्याच्या तयारीत आहेत. F8 Ultra मध्ये नवीन Qualcomm flagship प्रोसेसर असणार आहे. सध्या या फोनच्या लीक्स आणि चर्चांवरून काही माहिती समोर आली आहे. सध्याच्या माहितीनुसार, 256GB इंटर्नल स्टोरेजसह Poco F8 Ultra हा 12GB रॅम व्हेरिएंट भारतीय बाजारात Rs 56,990 मध्ये येऊ शकतो. या स्मार्टफोनमध्ये पिवळा आणि काळा असे दोन रंग असतील. या गोष्टी केवळ लीक आणि अफवांवर आधारित आहेत. रिलीज तारखेबद्दल, हा फोन Poco F8 Pro सोबत 26 नोव्हेंबर 2025 रोजी भारतीय प्रमाण वेळेनुसार (IST) दुपारी दीड वाजता आणि इंडोनेशियाच्या बाली मध्ये स्थानिक वेळ 4 वाजता लाँच केला जाईल.

Poco F8 Ultra मध्ये 1.5K किंवा 2K LTPO OLED डिस्प्ले 120Hz रिफ्रेश रेटसह येऊ शकतो. त्याशिवाय, डिव्हाइसमध्ये ऑप्टिकल इमेज स्टॅबिलायझेशन (OIS)सह 50MP प्रायमरी लेन्स, 50MP पेरिस्कोप लेन्स आणि 50MP अल्ट्रा वाइड अँगल सेन्सर असलेला ट्रिपल रियर कॅमेरा सेटअप असू शकतो. सेल्फी आणि व्हिडिओ कॉल कॅप्चर करण्यासाठी, फोनमध्ये 50MP फ्रंट स्नॅपर असू शकतो.

Poco F8 Ultra मध्ये 7000mAh ची बॅटरी आणि 100W वायर्ड फास्ट चार्जिंग सपोर्ट असू शकतो. आणि हा फोन Qualcomm Snapdragon 8 Elite Gen 5 प्रोसेसरसह येईल याची पुष्टी झाली आहे. टेक फर्मचा असा दावा आहे की हँडसेटने AnTuTu बेंचमार्किंग प्लॅटफॉर्मवर 3,944,934 गुण मिळवले आहेत, जे त्याच्या कामगिरीचे संकेत देतात. Poco F8 Ultra हा स्मार्टफोन अलीकडेच Geekbench वर Xiaomi 25102PCBEG मॉडेल नंबरसह दिसला. या स्मार्टफोनचा बेस क्लॉक स्पीड 3.63GHz आणि पीक क्लॉक स्पीड 4.61GHz असल्याचे वृत्त आहे.

सुरक्षेसाठी Poco F8 Ultra मध्ये अल्ट्रासोनिक फिंगरप्रिंट स्कॅनर असू शकतो. आगामी Poco F8 Ultra हा स्मार्टफोन धूळ आणि पाण्याच्या प्रतिकारासाठी IP69 रेटिंगसह येईल अशी चर्चा आहे.या हँडसेटमध्ये साउंड बाय बोस ऑडिओ ट्यूनिंग, क्वाड रियर कॅमेरा युनिट देखील असल्याचे सांगण्यात आले आहे. किंमत, स्पेसिफिकेशन आणि फीचर्स यासारख्या इतर तपशीलांची घोषणा अद्याप झालेली नाही.