लॉन्चच्या काही दिवस आधी Vivo X300 सीरीजची किंमत व्हायरल; जाणून घ्या अपडेट्स

Vivo X300 सीरीज आता 2 डिसेंबर दिवशी भारतात लाँच होणार असल्याची माहिती समोर आली आहे. Vivo X300 आणि Vivo X300 Pro बाजारात येण्यापूर्वी फक्त पंधरा दिवस शिल्लक असताना, एका नवीन लीकमध्ये व्हॅनिला मॉडेलची किंमत समोर आल्याचा दावा करण्यात आला आहे. माहितीच्या आधारे, ते अलीकडेच लाँच झालेल्या OnePlus 15 शी स्पर्धा करू शकते. याव्यतिरिक्त, टिपस्टरने teleconverter kitची भारतीय किंमत देखील उघड केली आहे जी प्रो व्हेरिएंटसह स्वतंत्रपणे खरेदी करता येते. उल्लेखनीय बाब म्हणजे, फ्लॅगशिप सीरीज 13 ऑक्टोबर रोजी चीनमध्ये लाँच करण्यात आली होती, त्यानंतर त्याच महिन्यात ग्लोबल लाँच करण्यात आली.टिपस्टर संजू चौधरी यांनी, स्टँडर्ड Vivo X300 ची भारतातील किंमत शेअर केली आहे. लीकनुसार, 16 GB रॅम आणि 512 GB स्टोरेज असलेल्या मॉडेलची बॉक्स किंमत कमाल किरकोळ किमतीवर Rs. 89,999 आहे तरी विक्री सुरू झाल्यानंतर ते कमी किमतीत उपलब्ध होऊ शकते.

12 GB आणि 256 GB चे कॉन्फिगरेशन Rs 74,999 मध्ये लाँच होण्याची शक्यता आहे, तर 16 GB आणि 512 GB चा पर्याय Rs. 80,999 मध्ये उपलब्ध होण्याचा अंदाज आहे. या स्टेजला, हा फोन अलीकडेच रिलीज झालेल्या OnePlus 15 शी थेट स्पर्धा करेल अशी अपेक्षा आहे.

हँडसेटच्या किमतींसोबतच, टिपस्टरने Vivo च्या टेलिफोटो एक्स्टेंडर किटची किंमत देखील जाहीर केली आहे. या अ‍ॅड-ऑनची किंमत 20,999 रुपये असल्याचे म्हटले जाते आणि त्यात फोनची ऑप्टिकल झूम क्षमता वाढवण्यासाठी डिझाइन केलेले Zeiss 2.35x टेलिकन्व्हर्टर लेन्स समाविष्ट आहेत. अ‍ॅक्सेसरीमध्ये ऑटोमॅटिक डिटेक्शनसाठी NFC आहे आणि कॅमेरा अ‍ॅपमध्ये एक खास टेलिकन्व्हर्टर मोड ट्रिगर करू शकतो.

भारतामध्ये कोणत्या रंगात उपलब्ध होणार फोन?

टिपस्टर संजू चौधरी यांच्या माहितीनुसारच Vivo X300 साठी फक्त भारतातील नवीन रंग पर्यायाचे संकेत दिले आहेत. Summit Red नावाच्या या शेडची अधिक माहिती देण्यात आलेली नाही. ग्लोबल मार्केटमध्ये मिस्ट ब्लू आणि फॅंटम ब्लॅक रंगांचा पर्याय आहे तर X300 Pro हा फोन Dune Brown आणि Phantom Black रंगांमध्ये उपलब्ध असण्याचा अंदाज आहे.

Vivo ने आगामी सीरीज मधील काही प्रमुख फीचर्स आधीच उघड केली आहेत. दोन्ही मॉडेल्स MediaTek's 3 nm Dimensity 9500 चिपसेटद्वारे सपोर्टेड असतील.