Vivo X500 Pro Max मध्ये 200MP पेरिस्कोप कॅमेरा आणि 50MP LOFIC सेन्सर मिळण्याची शक्यता

Vivo कंपनी यावर्षाच्या अखेरीस आपल्या फ्लॅगशिप लाइनअपचा विस्तार करत Vivo X500 सिरीज लॉन्च करण्याची शक्यता आहे. नुकत्याच समोर आलेल्या एका लीकमधून या आगामी सिरीजबाबत काही प्राथमिक माहिती मिळाली असून, यात वेगवेगळ्या डिस्प्ले साइज पर्यायांसह कॅमेरा संबंधित काही तपशील समोर आले आहेत. ही नवीन सिरीज ऑक्टोबर 2025 मध्ये चीनमध्ये लॉन्च झालेल्या Vivo X300 आणि X300 Pro नंतर येणार असून, X300 Ultra मार्च 2026 मध्ये सादर करण्यात आला होता. याआधीच्या रिपोर्ट्समध्ये पुढील सिरिजमधील  स्मार्टफोन्समध्ये परफॉर्मन्स, बॅटरी क्षमता आणि डिस्प्ले टेक्नॉलॉजीमध्ये सुधारणा होण्याचे संकेतही देण्यात आले होते.

Vivo X500 सिरीजमध्ये मल्टीस्पेक्ट्रल सेन्सर दिला जाऊ शकतो

सोशल मीडिया प्लॅटफॉर्म Weibo वरील टिपस्टर Smart Pikachu यांच्या पोस्टनुसार, आगामी Vivo X500 सिरीज दोन वेगवेगळ्या डिस्प्ले साइजमध्ये येऊ शकते. या सिरीजमध्ये 6.4-इंच आणि 6.9-इंच पॅनेल असलेले व्हेरिएंट्स मिळण्याची शक्यता आहे. मोठ्या मॉडेलबाबत बोलायचे झाल्यास, टॉप-एंड व्हेरिएंट म्हणजेच Vivo X500 Pro Max मध्ये LOFIC (Lateral Overflow Integration Capacitor) तंत्रज्ञानासह 50-मेगापिक्सेलचा प्रायमरी कॅमेरा दिला जाऊ शकतो, अशी माहिती समोर आली आहे.

हा सेन्सर डिझाइन ब्राइट दृश्यांमध्ये निर्माण होणारा अतिरिक्त चार्ज नियंत्रित करण्यासाठी तयार करण्यात आला आहे. यामध्ये ओव्हरफ्लो इलेक्ट्रॉन्सना एका स्वतंत्र कॅपॅसिटरमध्ये वळवले जाते, ज्यामुळे डायनॅमिक रेंज मोठ्या प्रमाणात सुधारू शकते आणि ओव्हरएक्सपोजर कमी होण्यास मदत होते.

Vivo X500 Pro Max मध्ये 200-मेगापिक्सेल पेरिस्कोप टेलिफोटो कॅमेरा दिला जाऊ शकतो, ज्यामुळे लाँग-रेंज झूम क्षमतांवर विशेष भर असल्याचे संकेत मिळतात. याशिवाय,  अचूक रंग  आणि व्हाईट बॅलन्स अधिक सुधारण्यासाठी Vivo मल्टीस्पेक्ट्रल सेन्सरच्या वापराचाही विचार करत असल्याचे सांगितले जात आहे. लीकमध्ये याची स्पष्ट पुष्टी नसली तरी, या कॅमेरा सिस्टीममध्ये 50-मेगापिक्सेल अल्ट्रा-वाइड सेन्सरचाही समावेश असू शकतो.

यापूर्वीच्या एका अहवालानुसार, Vivo X500 Pro Max मध्ये MediaTek Dimensity 9600 Pro SoC प्रोसेसर आणि 7,000mAh बॅटरी दिली जाऊ शकते. तसेच, या स्मार्टफोनमध्ये 2K LTPO फ्लॅट पॅनेल डिस्प्ले असून त्याला 144Hz पर्यंत रिफ्रेश रेट मिळू शकतो. बायोमेट्रिक ऑथेंटिकेशनसाठी इन-डिस्प्ले अल्ट्रासोनिक फिंगरप्रिंट सेन्सर देखील दिला जाऊ शकतो.

स्टँडर्ड, Pro आणि Pro Max व्हेरियंट्ससह येणारी Vivo X500 सिरीज यावर्षी सप्टेंबरमध्ये चायनामध्ये लॉन्च होऊ शकते. याच कालावधीत Xiaomi ची आगामी फ्लॅगशिप Xiaomi 18 सिरीज देखील चायनामध्ये सादर केली जाण्याची शक्यता आहे.