Gemini मधील तुमची अ‍ॅक्टिव्हिटी कशी मॅनेज कराल? संपूर्ण प्रक्रिया येथे

Google Gemini सारखे AI असिस्टंट्स दैनंदिन जीवनात मोठ्या प्रमाणात वापरले जात आहेत. हे युजर्सचा अनुभव अधिक चांगला करण्यासाठी प्रॉम्प्ट, क्वेरी आणि इंटरॅक्शन स्टोअर करतात. यामुळे Gemini अधिक उपयुक्त ठरू शकते, मात्र यामुळे गोपनीयतेसंदर्भातील चिंता देखील निर्माण होतात. पण तुम्ही तुमची अ‍ॅक्टिव्हिटी व्यवस्थापित करण्यासोबतच ती डिलीटही करू शकता, ज्यामुळे काय सेव्ह केले जात आहे, किती काळासाठी सेव्ह केले जात आहे आणि भविष्यात प्रतिसाद वैयक्तिकृत करण्यासाठी त्याचा कसा वापर केला जातो यावर तुमचे नियंत्रण राहते. येथे आम्ही तुम्हाला सविस्तर सांगत आहोत की तुम्ही तुमची Gemini अ‍ॅक्टिव्हिटी कशी मॅनेज करू शकता.

अ‍ॅक्टिव्हिटी कशी सेव्ह होते

जेव्हा तुम्ही साइन इन करता आणि अ‍ॅक्टिव्हिटी सेव्ह पर्याय सुरू असतो, तेव्हा Google तुमची Gemini Apps अ‍ॅक्टिव्हिटी तुमच्या Google अकाउंटमध्ये स्टोअर करते. तुम्ही कधीही तुमचे प्रॉम्प्ट्स रिव्ह्यू करू शकता, Gemini Apps अ‍ॅक्टिव्हिटी डिलीट करू शकता आणि अ‍ॅक्टिव्हिटी सेव्ह करणे बंदही करू शकता.

तुमची Gemini अ‍ॅक्टिव्हिटी कशी डिलीट कराल:

• सर्वप्रथम तुम्हाला तुमच्या कंप्यूटरवर gemini.google.com वर जावे लागेल.
• त्यानंतर सेटिंग्स अॅंड हेल्प मधील अॅक्टिविटीवर क्लिक करावे लागेल. 
• याशिवाय तुम्ही myactivity.google.com/product/gemini वरही जाऊ शकता.
• आता तुम्हाला हटवायची असलेली Gemini Apps अ‍ॅक्टिव्हिटी निवडावी लागेल.
• तुम्ही खालील पर्याय निवडू शकता.
• तुमची सर्व Gemini अ‍ॅक्टिव्हिटी: तुमच्या अ‍ॅक्टिव्हिटीच्या वर असलेल्या डिलीटवर क्लिक करा.
• शेवटचा तास किंवा दिवस: तुमच्या अ‍ॅक्टिव्हिटीच्या वर असलेल्या Delete वर क्लिक करा
• विशिष्ट कालावधी: तुमच्या अ‍ॅक्टिव्हिटीच्या वर असलेल्या Delete वर क्लिक करा.
• विशिष्ट दिवस: त्या दिवसासमोरील डिलीट ऑल एक्टिविटी फ्रॉम  (day) वर क्लिक करा.
• विशिष्ट अ‍ॅक्टिव्हिटी: त्या अ‍ॅक्टिव्हिटीसमोरील डिलीट अ‍ॅक्टिव्हिटी आइटमवर क्लिक करा.

Gemini Apps मधून अ‍ॅक्टिव्हिटी डिलीट केल्यावर काय होईल
जर Gem सोबतचे संभाषण डिलीट केले तर Gem डिलीट होत नाही. जर एखादी शेअर केलेली चॅट डिलीट केली तर त्यासंबंधित सार्वजनिक लिंक हटवली जात नाही. जर तुम्ही Gemini Live चॅट अ‍ॅक्टिव्हिटी डिलीट केली, तर त्या अ‍ॅक्टिव्हिटीशी संबंधित सर्व ऑडिओ, ट्रान्सक्रिप्ट, व्हिडिओ आणि स्क्रीनशेअर देखील हटवले जातात.

हे सुद्धा वाचा : 
https://marathi.gadgets360.com/others/how-to-use-photo-unblur-in-google-photos-know-step-by-step-process-news-11605934