Instagram वर दिवाळी-थीम इफेक्ट्स आले; Instagram Stories आणि Reels ला पहा कसं लावायचं हे फिल्टर

Instagram stories आणि edits ना यंदा दिवाळीच्या पार्श्वभूमीवर खास मेकओवर मिळणार आहे. इंस्टाग्रामने आता नवे फेस्टिव्ह अपडेट्स आणले आहेत ज्यात Restyle feature चा समावेश आहे. Restyl मध्ये अनेक दिवाळी इफेक्ट्स आहेत. तुम्ही इंस्टाग्राम वर फोटो शेअर करत असाल स्टोरीज शेअर करत असाल किंवा व्हिडिओ एडिट करत असाल तरीही हा पर्याय मिळणार आहे. दिवाळीच्या 3 खास इफेक्ट्स मधून एकाची निवड करून तुमचा कंटेड फेस्टिव्ह बनवू शकता. दिवाळी मधील रंग, रीती परंपरा आणि धम्माल लक्षात घेऊन हे इफेक्ट्स बनवण्यात आले आहेत.फोटोंसाठी, इंस्टाग्राम फटाके, दिवे आणि रांगोळी थीम ऑफर करते. व्हिडिओंसाठी, कंदील, झेंडू आणि रांगोळी इफेक्ट्स आहेत.

इंस्टाग्राम वर Restyle कसा वापराल?

• इंस्टाग्राम अॅप उघडा, प्लस बटणावर टॅप करा आणि स्टोरीज वर जा. तुमच्या कॅमेरा रोलमधून एक फोटो निवडा, नंतर वरच्या उजव्या कोपऱ्यात असलेल्या पेंटब्रशने रीस्टाईल आयकॉनवर टॅप करा.
• रीस्टाईल हे AI पॉवर्ड आहे आणि तुम्हाला फटाके, दिवे आणि रांगोळी सारख्या विविध थीम दिसतील. एक निवडा आणि तुमचा फोटो प्रोसेस्ड करण्यासाठी MetaAI ला वेळ द्या.
• प्रक्रिया पूर्ण झाल्यावर टॅप करा, नंतर तुमची स्टोरी नेहमीप्रमाणे पोस्ट करा.

दिवाळी-थीम असलेले इफेक्ट्स एडिट अ‍ॅपवरील व्हिडिओंवर रिस्टाईल पर्याय वापरून देखील लागू केले जाऊ शकतात.

• नवीन प्रोजेक्ट तयार करण्यासाठी एडिट अ‍ॅप उघडा आणि + वर टॅप करा.
• रील्स किंवा गॅलरीमधून व्हिडिओ निवडा किंवा कॅमेऱ्याद्वारे तो कॅप्चर करा.
• स्क्रीनच्या खालच्या बाजूला असलेल्या टॅबमध्ये रीस्टाइल पर्याय शोधा आणि त्यावर टॅप करा.
• आता, दिवाळी हेडरवर टॅप करा आणि खालील इफेक्ट्समधून कंदील, झेंडू आणि रांगोळी पैकी जे हवं ते निवडा.
• Meta AI ने इफेक्ट्स लागू केल्यानंतर, आवश्यक असल्यास इतर छोटे मोठे बदल करा.
• व्हिडिओ रिझोल्यूशन, फ्रेम रेट आणि रंग निवडा आणि Export करा. तुमचा व्हिडिओ आता एक्सपोर्ट केला जाईल.

इंस्टाग्राम कडून देण्यात आलेल्या माहितीनुसार, हे इफेक्ट्स मर्यादित काळासाठी उपलब्ध आहे. 17 ऑक्टोबर पासून दिवाळीची धामधूम सुरू होत आहे. दरम्यान हे फीचर 29 ऑक्टोबरपर्यंत यूजर्सच्या सेवेमध्ये असणार आहे. दरम्यान दिवाळी धूम भारतासह परदेशातही मोठ्या उत्साहात तेथे स्थायिक भारतीय करत असल्याने आता हे फीचर भारतासह अमेरिका, कॅनडा, सिंगापूर आणि ऑस्ट्रेलिया सारख्या देशांमध्ये उपलब्ध असणार आहे