Google Pixel 11 Pro आणि Pro XL भारतात लॉन्च; 16GB RAM, 50MP कॅमेरा आणि दमदार AI फीचर्स

Google Pixel 11 Pro आणि Google Pixel 11 Pro XL हे कंपनीच्या लेटेस्ट Pixel 11 सीरिजमधील टॉप व्हेरिएंट म्हणून लाँच करण्यात आले आहेत. दोन्ही फोनमध्ये प्रो फीचर्स देण्यात आले आहेत. हे फोन स्टँडर्ड व्हेरिएंटच्या तुलनेत अधिक प्रगत फीचर्ससह येतात. फोनमध्ये 16GB पर्यंत रॅम देण्यात आली आहे. तसेच 50MP मुख्य कॅमेरा, हाय ब्राइटनेस डिस्प्ले आणि दमदार बॅटरी मिळते. फोनमध्ये 4,850mAh बॅटरी असून फास्ट चार्जिंगचा सपोर्ट देण्यात आला आहे. चला जाणून घेऊया या फोनची किंमत आणि इतर फीचर्सबद्दल सविस्तर.

Google Pixel 11 Pro, Pixel 11 Pro XL ची किंमत

Google Pixel 11 Pro ची भारतातील किंमत १,०९,९९९ रुपयांपासून सुरू होते. हा फोन Canyon, Olive, Fog आणि Obsidian या चार कलरमध्ये लाँच करण्यात आला आहे.

Google Pixel 11 Pro XL ची किंमत १,२४,९९९ रुपयांपासून सुरू होते. हा फोनही Canyon, Olive, Fog आणि Obsidian या कलरमध्ये उपलब्ध आहे. दोन्ही फोनसाठी प्री-ऑर्डर सुरू झाले आहेत. कंपनीकडून एक्सचेंज बोनस आणि नो-कॉस्ट EMI चा पर्यायही देण्यात आला आहे. EMI ची सुरुवात ४,५८३ रुपये प्रतिमहिन्यापासून होते.

Google Pixel 11 Pro चे स्पेसिफिकेशन्स

Google Pixel 11 Pro मध्ये ६.३ इंचांचा Super Actua LTPO OLED डिस्प्ले देण्यात आला आहे. फोनमध्ये १२८० x २८५६ पिक्सेल रिझोल्यूशनचा सपोर्ट मिळतो. हा डिस्प्ले २,४०० निट्स HDR ब्राइटनेस आणि ३,५०० निट्स पीक ब्राइटनेसला सपोर्ट करतो. फोनला Gorilla Glass Victus 2 ची सुरक्षा देण्यात आली आहे. तसेच धूळ आणि पाण्यापासून संरक्षणासाठी IP68 रेटिंग मिळते.

Pixel 11 Pro मध्ये Tensor G6 चिप देण्यात आली आहे. फोनमध्ये १६GB पर्यंत रॅम आणि ५१२GB पर्यंत इंटरनल स्टोरेज मिळते. यात ४,८५०mAh क्षमतेची बॅटरी देण्यात आली आहे. कॅमेरा सेटअपमध्ये ५० मेगापिक्सलचा मुख्य कॅमेरा, ४८ मेगापिक्सलचा अल्ट्रावाइड कॅमेरा आणि ४८ मेगापिक्सलचा टेलिफोटो कॅमेरा देण्यात आला आहे. टेलिफोटो कॅमेऱ्यामध्ये OIS सपोर्टसह 5x झूम मिळतो. सेल्फीसाठी ४२ मेगापिक्सलचा ऑटोफोकस कॅमेरा देण्यात आला आहे. फोनमध्ये 8K पर्यंत व्हिडिओ रेकॉर्डिंग करता येते.

कनेक्टिव्हिटीसाठी फोनमध्ये 5G, Wi-Fi 7, Bluetooth 6, NFC, UWB आणि NavIC सपोर्ट देण्यात आला आहे. फोनचे डायमेंशन १५२.७ x ७१.९ x ८.४ मिमी असून वजन २०४ ग्रॅम आहे.

Google Pixel 11 Pro XL चे स्पेसिफिकेशन्स

Pixel 11 Pro XL मध्ये मोठा ६.८ इंचांचा Super Actua LTPO OLED डिस्प्ले देण्यात आला आहे. फोन १३४४ x २९९२ पिक्सेल रिझोल्यूशनला सपोर्ट करतो. यात १२०Hz रिफ्रेश रेट देण्यात आला आहे. डिस्प्लेची पीक ब्राइटनेस ३,६०० निट्सपर्यंत आहे. फोनला Gorilla Glass Victus 2 ची सुरक्षा देण्यात आली आहे. अॅल्युमिनियम फ्रेमसह फोनची निर्मिती करण्यात आली असून धूळ आणि पाण्यापासून संरक्षणासाठी IP68 रेटिंग देण्यात आली आहे.

Pixel 11 Pro XL मध्ये प्रोसेसिंगसाठी Tensor G6 चिपसेट देण्यात आला आहे. यामध्ये १६GB पर्यंत रॅम आणि ५१२GB पर्यंत स्टोरेज मिळते. कॅमेरा सेटअप Pixel 11 Pro प्रमाणेच आहे. यात ५०MP मुख्य कॅमेऱ्यासोबत ४८MP अल्ट्रावाइड आणि ४८MP टेलिफोटो कॅमेरा देण्यात आला आहे. टेलिफोटो कॅमेऱ्यामध्ये 120x पर्यंत Pro Zoom मिळतो. सेल्फीसाठी ४२MP कॅमेरा देण्यात आला आहे.

Pixel 11 Pro XL मध्ये ५,११५mAh क्षमतेची बॅटरी देण्यात आली आहे. ही बॅटरी 45W फास्ट चार्जिंगला सपोर्ट करते. कंपनीच्या दाव्यानुसार USB-C चार्जिंगच्या माध्यमातून फोन अवघ्या ३० मिनिटांत ७५ टक्क्यांपर्यंत चार्ज होऊ शकतो. फोनचे डायमेंशन १६२.७ x ७६.५ x ८.५ मिमी असून वजन २२६ ग्रॅम आहे.