Google Pixel Tag भारतात लॉन्च; ₹३,७९९ मध्ये हरवलेल्या वस्तू शोधणे होणार सोपे

Google ने भारतात आपला पहिला Bluetooth Tracker Pixel Tag लॉन्च केला आहे. हा छोटा ट्रॅकर Bluetooth Channel Sounding आणि Ultra-Wideband (UWB) कनेक्टिव्हिटीसह येतो. त्यामुळे हरवलेल्या वस्तूंचे अचूक लोकेशन शोधणे अधिक सोपे होते. Pixel Tag ला Google च्या Find Hub मध्ये इंटिग्रेट करण्यात आले आहे. याच्या मदतीने यूजर्स आपल्या Pixel फोनवरून ट्रॅकरचे लोकेशन शोधू शकतात. यामध्ये बिल्ट-इन स्पीकर, एक बटण आणि एक वर्षापेक्षा जास्त काळ चालणारी बदलता येणारी बॅटरी देण्यात आली आहे.

Google Pixel Tag हा Android 9 आणि त्यानंतरच्या व्हर्जनवर चालणाऱ्या डिव्हाइसेससोबत कम्पॅटिबल आहे. यामध्ये Accelerometer देण्यात आला असून, याची बॉडी पॉलीकार्बोनेट आणि मेटलपासून तयार करण्यात आली आहे. ट्रॅकरचा आकार 28x46.1x5.4mm असून त्याचे वजन सुमारे 11.8 ग्रॅम आहे.

Pixel Tag चा वापर Find Hub सोबत करता येतो. यूजर आपल्या Pixel फोनवर Find Hub उघडून ट्रॅकरचे लोकेशन पाहू शकतो. यामध्ये दिशादर्शक सुविधा देखील देण्यात आली आहे. त्यामुळे Pixel Tag नेमक्या कोणत्या दिशेला आहे आणि तो किती अंतरावर आहे, याचा अंदाज यूजरला घेता येतो.

ट्रॅकरमध्ये Bluetooth Channel Sounding आणि Ultra-Wideband कनेक्टिव्हिटी देण्यात आली आहे. याशिवाय Google Pixel डिव्हाइसेससोबत Fast Pair चा सपोर्ट मिळतो. त्यामुळे Pixel Tag ला स्मार्टफोनसोबत जोडणे आणि सेटअप करणे अधिक सोपे होते.

Google Pixel Tag केवळ हरवलेल्या वस्तू शोधण्यासाठीच उपयोगी नाही, तर त्यामध्ये एक बटणही देण्यात आले आहे. हे बटण दाबल्यास त्याच्याशी कनेक्ट असलेल्या Pixel फोनमध्ये अलार्म वाजू शकतो. विशेष म्हणजे फोन Silent Mode वर असला तरी हा अलार्म ऐकू येतो.

Pixel Tag मध्ये बिल्ट-इन स्पीकरही देण्यात आला आहे. ट्रॅकर हरवला असल्यास यूजर आपल्या Pixel फोनमधील Find Hub अॅपच्या माध्यमातून Pixel Tag मध्ये आवाज वाजवू शकतो. एवढेच नाही, तर Google Pixel फोनवरील Gemini ला कमांड देऊनही Pixel Tag मध्ये अलार्म वाजवता येतो.

Google Pixel Tag मध्ये बदलता येणारी CR2032 कॉइन सेल बॅटरी देण्यात आली आहे. कंपनीच्या दाव्यानुसार ही बॅटरी एक वर्षापेक्षा जास्त काळ चालू शकते. बॅटरी संपल्यानंतर यूजर ती स्वतः बदलू शकतो.

या ट्रॅकरला IP67 रेटिंग मिळाले आहे. त्यामुळे धूळ आणि पाण्यापासून Pixel Tag चे संरक्षण होते. कंपनीच्या माहितीनुसार, हा ट्रॅकर 1 मीटरपर्यंत खोल पाण्यात 30 मिनिटांपर्यंत सुरक्षित राहू शकतो.

भारतामध्ये Google Pixel Tag च्या एका युनिटच्या पॅकची किंमत ३,७९९ रुपये, तर चार Pixel Tag असलेल्या पॅकची किंमत १२,९०० रुपये ठेवण्यात आली आहे. हा ट्रॅकर Fog कलरमध्ये उपलब्ध होईल. नोव्हेंबरपासून Google India च्या ऑनलाइन स्टोअरवरून त्याची विक्री सुरू होणार आहे. कंपनीकडून Pixel Tag सोबत एक वर्षाची वॉरंटी देण्यात आली आहे.