Vivo Y37c झाला लॉन्च; पहा फोनमध्ये काय आहे खास?

Vivo ने आपला स्वस्त फोन Vivo Y37c मार्केट मध्ये लॉन्च केला आहे. हा फोन किफायतशीर किंमतीमध्ये दमदार फीचर्स देण्याचा प्रयत्न करत आहे. फोनमध्ये 6.56 इंचाचा एलसीडी डिस्प्ले आहे जो ड्रॉप नॉच डिझाइनसह येतो. हा एचडी प्लस रिझोल्यूशनसह येतो आणि 90 हर्ट्झ रिफ्रेश रेटला सपोर्ट करतो. फोनमध्ये फास्ट चार्जिंगसह मोठी 5500mAh बॅटरी आहे. फोनमध्ये 6 जीबी रॅम आणि 128 जीबी स्टोरेज आहे. गेल्या वर्षी, Vivo ने जुलैमध्ये चीनमध्ये Dimensity 6300 ने सुसज्ज असलेले Vivo Y37 आणि Y37m लाँच केले. नंतर, Snapdragon 4 Gen 2-powered Y37 प्रो ची घोषणा केली. आता, ब्रँडने नवा Y37c ला त्यांच्या बाजारात आणण्यासाठी तयारी सुरू केली आहे.Vivo Y37c ची स्पेसिफिकेशन्स आणि फीचर्स काय?Vivo Y37c मध्ये HD+ रिझोल्यूशनसह 6.56-इंचाचा मोठा वॉटरड्रॉप नॉच LCD स्क्रीन, 90Hz रिफ्रेश रेट आणि 570nits पर्यंत ब्राइटनेस आहे. हे ब्लू ला ईट्सचे उत्सर्जन कमी करतात. Vivo Y37c ला धूळ आणि पाण्याच्या प्रतिकारासाठी IP64-रेटेड आहे, यामुळे फोन दैनंदिन वापरासाठी त्याचा टिकाऊपणा वाढवतो. फोटोग्राफीसाठी, Vivo Y37c फोन मध्ये सेल्फी आणि व्हिडिओ कॉलसाठी 5-मेगापिक्सेलचा फ्रंट-फेसिंग कॅमेरा आहे. मागील बाजूला LED फ्लॅशसह 13-मेगापिक्सेलचा रिअर कॅमेरा आहे, जो कॅज्युअल फोटोग्राफीसाठी एक साधा सेटअप देतो. फोनमध्ये साइड-माउंटेड फिंगरप्रिंट स्कॅनर आहे आणि हा फोन OriginOS 4-आधारित Android 14 वर चालतो.

Vivo Y37c मध्ये Unisoc T7225 चिपसेट आहे. यात 6GB LPDDR4x रॅम आणि 128GB eMMC 5.1 स्टोरेज आहे, ज्यामध्ये मल्टीटास्किंग परफॉर्मन्स वाढवण्यासाठी अतिरिक्त व्हर्च्युअल रॅम सपोर्ट आहे. यात 15W चार्जिंगसह 5,500mAh बॅटरी आहे. कनेक्टिव्हिटीच्या बाबतीत, डिव्हाइसमध्ये ड्युअल सिम 4G, Wi-Fi 5, Bluetooth 5.2 USB-C आणि 3.5mm ऑडिओ जॅक आहे. फोनचा आकार 167.30 x 76.95 x 8.19mm आहे आणि वजन 199 ग्रॅम आहे.

Vivo Y37c ची किंमत काय?

Vivo Y37c हा फोन 6GB RAM + 128GB स्टोरेज असलेल्या एकमेव व्हेरिएंट मध्ये उपलब्ध आहे. या फोनची किंमत 1199 युआन (अंदाजे 14,000 रुपये) आहे. हा फोन कंपनीने चीनमध्ये लाँच केला आहे आणि तो गडद हिरव्या आणि टायटॅनियम रंगांमध्ये आहे . हा फोन चीनमध्ये खरेदीसाठी उपलब्ध आहे. इतर बाजारपेठांमध्ये त्याच्या उपलब्धतेबद्दल अद्याप कोणतीही माहिती देण्यात आलेली नाही.