iPhone Air; अल्ट्रा-स्लिम डिझाइनमध्ये दमदार A19 Pro चिप; इथे पहा किंमत

Apple ने त्यांच्या ‘Awe Dropping' इव्हेंट मध्ये iPhone Air देखील लॉन्च केला आहे. कॅलिफॉर्नियामध्ये पार पडलेल्या या इव्हेंट मध्ये iPhone 17 series मध्ये iPhone Air देखील लॉन्च झाला आहे. हा फोन मागील सीरीज मधील iPhone 16 Plus च्या ऐवजी आहे. iPhone Air मध्ये iPhone 17 सीरिजची सर्व फीचर्स असणार आहेत. अ‍ॅप्पलच्या या सगळ्यात स्लीम फोनमध्ये A19 सीरिज चिपसेट आणि Apple Intelligence सपोर्ट असेल. या फोनची स्पर्धा अल्ट्रा-स्लिम स्मार्टफोन सेगमेंटमध्ये Samsung Galaxy S25 Edge सोबत असेल.आयफोन एअरची किंमत आणि उपलब्धता,आयफोन एअर 256 जीबी स्टोरेज असलेला बेस व्हेरिएंट $999 म्हणजेच भारतीय रूपयांमध्ये अंदाजे ८८,१०० पासून सुरू होईल. ते 512 जीबी आणि 1 टीबी स्टोरेजसह देखील उपलब्ध आहे. हा हँडसेट चार रंगांमध्ये उपलब्ध असेल ज्यात स्काय ब्लू, लाईट गोल्ड, क्लाउड व्हाइट आणि स्पेस ब्लॅक रंगाचा समावेश असणार आहे.भारतात, आयफोन एअरची किंमत बेस मॉडेलसाठी १,१९,९०० रुपयांपासून सुरू होते, तर ५१२ जीबी आणि १ टीबी प्रकारांची किंमत अनुक्रमे १,३९,९०० रुपये आणि १,५९,९०० रुपये आहे.

आयफोन एअर मध्ये काय आहेत फीचर्स?

iPhone Air हा eSIM-ओन्ली स्मार्टफोन असून तो iOS 26 वर सह आहे. यात 6.5-इंच Super Retina XDR OLED डिस्प्ले आहे, ज्याचा पीक ब्राइटनेस 3,000 nits आहे आणि ProMotion तंत्रज्ञानामुळे 10Hz ते 120Hz रिफ्रेश रेटला सपोर्ट करतो. फोनची जाडी फक्त 5.6mm आहे. 80% रिसायकल टायटॅनियमपासून तयार केलेला हा फोन, पहिल्यांदाच Ceramic Shield 2 सह फ्रंट आणि बॅक प्रोटेक्शन देतो, ज्यामुळे तो चार पट जास्त क्रॅक-रेसिस्टंट असेल. यामध्ये A19 Pro SoC ची बिन्ड आवृत्ती असून 6-कोर CPU, 5-कोर GPU आणि 16-कोर Neural Engine आहे.

दुसऱ्या पिढीच्या Dynamic Caching मुळे फोनची कार्यक्षमता वाढली आहे. याशिवाय, यात नवा N1 चिप आहे जो Wi-Fi 7, Bluetooth 6 आणि Thread साठी सपोर्ट देतो, तसेच C1X मोडेम द्वारे जास्त वेगवान आणि कार्यक्षम नेटवर्किंग देईल. कॅमेरामध्ये 48MP Fusion मुख्य कॅमेरा (OIS, f/1.6, 2X टेलिफोटो) आणि 18MP फ्रंट Centre Stage कॅमेरा आहे. Apple Intelligence फीचर्सलाही सपोर्ट करतो.