Google Pixel 11 CAD रेंडर्स लीक: ओळखीचा डिझाइन कायम, स्लिम बेझेल्स आणि ब्लॅक कॅमेरा बार अपेक्षित

नवीन समोर आलेल्या CAD रेंडर्सनुसार Google आपला स्मार्टफोन डिझाइन Pixel 11 मध्ये अधिक सुधारणा करत असल्याचे दिसते. या प्रतिमांमध्ये डिस्प्लेचे बेझल्स अधिक पातळ असल्याचे आणि कॅमेरा बारमध्ये सूक्ष्म बदल करण्यात आल्याचे दिसते, मात्र एकूण डिझाइन मोठ्या प्रमाणात पूर्ववत ठेवले आहे. यावरून असे सूचित होते की, यावर्षी मोठ्या डिझाइन बदलांऐवजी लहान-लहान सुधारांवर भर दिला जाणार आहे. 

या व्हिज्युअल बदलांसोबतच, या लीकमध्ये अपेक्षित हार्डवेअर अपग्रेड्सचाही उल्लेख आहे, ज्यामुळे ऑगस्ट 2026 मध्ये अपेक्षित लॉन्चपूर्वी Pixel 11 कसा असू शकतो याची एक झलक मिळते.

Google Pixel 11 Leak: पातळ बेझल्स, Tensor G6 आणि 5,000mAh बॅटरी

Google Pixel 11 चे लीक झालेले CAD रेंडर्स Android Headlines च्या रिपोर्टमध्ये शेअर करण्यात आले आहेत. या प्रतिमांमध्ये डिस्प्लेच्या कडा (bezels) अधिक पातळ दिसत आहेत. Pixel 10 मध्ये त्याच्या सेगमेंटच्या तुलनेत जाड बॉर्डर्स होते, आणि Pixel 11 मध्ये हा मुद्दा सुधारला असल्याचे दिसते. मात्र, CAD रेंडर्स अंतिम मोजमाप दर्शवतीलच असे नाही.

Google Pixel 11 मध्ये पूर्ण रुंदीचा कॅमेरा बार कायम ठेवला असल्याचे दिसते. रेंडर्समध्ये तो पूर्णपणे काळ्या रंगात दाखवला आहे, जो फ्लॅशभोवतीच्या मागील पॅनेलमध्ये मिसळण्याऐवजी अधिक ठळकपणे दिसतो. हा रंग अंतिम नसून, फक्त डिझाइन हायलाइट करण्यासाठी वापरला गेला असण्याची शक्यता आहे.उर्वरित डिझाइन मात्र जवळपास पूर्वीसारखेच ठेवलेले दिसते. फोनमध्ये गोलाकार कोपऱ्यांसह फ्लॅट फ्रेम दिसते, आणि उजव्या बाजूला व्हॉल्यूम रॉकरच्या वर पॉवर बटण ठेवलेले आहे.

Google साधारणपणे दर दोन ते तीन वर्षांनी आपल्या डिझाइनमध्ये बदल करते, त्यामुळे सध्याच्या Pixel डिझाइनचा हा तिसरा वर्ष असल्याने Pixel 12 सिरीजसोबत अधिक मोठा डिझाइन अपडेट येण्याची शक्यता आहे.

रिपोर्टनुसार, Google Pixel 11 मध्ये 6.3-इंचाचा LTPO AMOLED डिस्प्ले असण्याची अपेक्षा आहे, ज्यात उच्च रिफ्रेश रेट आणि अॅडॅप्टिव्ह स्केलिंग असेल. हा फोन Tensor G6 प्रोसेसरवर चालण्याची शक्यता आहे, ज्यामध्ये 7-कोर डिझाइन असू शकते. Google सॅमसंग मॉडेमऐवजी MediaTek M90 मॉडेमकडे वळू शकते. या फोनमध्ये 12GB RAM दिली जाऊ शकते. स्टोरेजसाठी 128GB पासून सुरुवात होण्याची शक्यता आहे, तसेच यापेक्षा जास्त पर्यायही उपलब्ध असतील.

गूगल पिक्सेल 11 मध्ये 5,000mAh क्षमतेची बॅटरी असण्याची शक्यता आहे. याचा आकार 152.8×72×8.5 मिमी असा असू शकतो, जो पिक्सेल 10 सारखाच आहे, फक्त जाडीमध्ये थोडीशी घट दिसू शकते.

Google Pixel 11 ची सुरुवातीची किंमत $799 (सुमारे ₹75,200) इतकी असण्याची अपेक्षा आहे, जी मागील मॉडेलप्रमाणेच आहे. अंतिम किंमत अद्याप निश्चित झालेली नाही आणि घटकांच्या वाढत्या खर्चामुळे लॉन्चच्या जवळ ती बदलू शकते.

Google नेहमीच्या रिलीज सायकलनुसार Pixel 11 ऑगस्ट 2026 मध्ये लॉन्च करण्याची अपेक्षा आहे. हा फोन त्या महिन्याच्या शेवटी विक्रीसाठी उपलब्ध होऊ शकतो. यामुळे तो Samsung च्या नवीन फोल्डेबल्सनंतर आणि Apple च्या सप्टेंबरमधील iPhone लॉन्चच्या अगोदर बाजारात येईल.