HMD Touch 4G मध्ये 3.2-इंच डिस्प्ले, Unisoc T107 प्रोसेसर; इथे पहा स्पेसिफिकेशन्स

HMD Touch 4G भारतामध्ये लॉन्च झाला आहे. हा HMD चा नवा 4G फोन असून देशातील पहिला हायब्रिड फोन आहे. हा फोन ग्राहकांसाठी फीचर फोन आणि स्मार्टफोनमधील दुवा म्हणून काम करण्याची अपेक्षा आहे. त्यामध्ये 3.2-इंचाचा QVGA टचस्क्रीन, ड्युअल सिम कनेक्टिव्हिटीसाठी सपोर्ट आणि फ्लॅश युनिटसह 2 -मेगापिक्सेल रिअर कॅमेरा आहे. हा फोन 64 MB रॅम आणि 128 MB इनबिल्ट स्टोरेजच्या कॉन्फिगरेशनमध्ये उपलब्ध आहे. हा फोन S30+ टच युजर इंटरफेसवर चालतो आणि क्विक-कॉल बटणाने सुसज्ज आहे. त्याची 30 तास बॅटरी लाईफ आहे.

HMD Touch 4G चे स्पेसिफिकेशन्स

HMD Touch 4G मध्ये 3.2-इंचाचा QVGA टचस्क्रीन डिस्प्ले आहे. त्यामध्ये Unisoc T107 प्रोसेसर आहे. तर 64MB RAM आणि 128MB internal storage आहे. microSD card slot च्या मदतीने त्याची क्षमता 32GB expandable storage पर्यंत वाढवता येऊ शकते. हा फोन ड्युअल सिम कार्ड सपोर्टसह येतो आणि RTOS टच इंटरफेस सिस्टमवर चालतो. हा फोन अँड्रॉइडद्वारे सपोर्ट केलेला नाही परंतु त्यात 4G कनेक्टिव्हिटी, व्हिडिओ कॉल आणि वाय-फाय हॉटस्पॉट सारख्या अनेक आधुनिक फीचर्सचा समावेश आहे. फोनमधील कॅमेरा पाहता मध्ये फ्लॅशसह 2 मेगापिक्सेलचा प्रायमरी कॅमेरा आहे. सेल्फीसाठी फ्रंटला 0.3 मेगापिक्सेलचा सेन्सर आहे.

फोनमध्ये 3.5 मिमी हेडफोन जॅक, एफएम रेडिओ, एमपी 3 प्लेयर, 4G LTE, VoLTE, Wi-Fi 802.11 b/g/n, Bluetooth 5.0, GPS, Beidou, आणि USB Type-C support आहे. याला IP52 रेटिंग आहे, म्हणजेच फोन पाण्यात बुडाला तरी टिकू शकणार नाही, परंतु काही स्प्लॅश तो नक्कीच सहन करू शकतो.

HMD Touch 4G खास डिझाइनमध्ये येतो जो जुन्या नोकिया काळाची आठवण करून देतो. फोनच्या मागील बाजूस एक गोलाकार कॅमेरा मॉड्यूल आहे ज्याच्या तळाशी HMD लोगो आहे, जो मेटल युनिबॉडी डिझाइनमध्ये गुंडाळलेला आहे.

HMD Touch 4G फोनची जाडी 10.85mm आहे आणि वजन 100 ग्रॅम आहे. यात 1950mAh बॅटरी आहे जी रोजच्या वापरात 30 तास चालते असा दावा केला जातो.

​HMD Touch 4G हा Cyan आणि Dark Blue रंगांमध्ये उपलब्ध आहे. यामध्ये एकच प्रकारातील फोन असून त्याची किंमत 3999 रूपये आहे. हा फोन HMD च्या वेबसाइटवरून खरेदी करता येईल. ऑफलाईन स्टोअर्स मधूनही खरेदी करता येणार आहे.