Itel A50 ची किंमत ऐकून व्हाल थक्क, लवकरच भारतात होणार लॉन्च

जर तुम्हाला देखील बजेट फ्रेंडली स्मार्टफोन खरेदी करायचा असेल तर सर्वात पहिला पर्याय समोर येतो, तो म्हणजे Itel. जो सध्या कार्यरत आहे त्यांच्या पुढच्या स्मार्टफोन म्हणजेच A50 स्मार्टफोनवर. जी यापूर्वी Itel च्या लॉन्च झालेल्या Itel A70 वर आधारित असणार आहे. या स्मार्टफोन मागे कंपनीचा मुख्य उद्देश्य असणार आहे तो म्हणजे हा स्मार्टफोन सर्व वर्गातील वापरकर्त्यांसाठी उपलब्ध करून देणे. चला तर मग बघूया काय आहेत या आगामी Itel A50 ची वैशिष्ट्ये आणि किंमत. 

Itel A50 ची वैशिष्ट्ये

Itel A50 जरी सध्या भारतात लॉन्च झालेला नसला तरी सुद्धा, Itel च्या अधिकृत वेबसाईटवर या स्मार्टफोनच्या वैशिष्ट्यांबाबत आवश्यक ती माहिती देण्यात आलेली आहे. माहितीनुसार Itel A50 या स्मार्टफोनचा डिस्प्ले HD+ रेसोल्युशन सोबत 6.6 इंचाचा LCD पॅनल बसविण्यात आला आहे. हा स्मार्टफोन काळया, सोनेरी, निळ्या आणि हिरव्या रंगांमध्ये खरेदीसाठी उपलब्ध असणार आहे. ह्या स्मार्टफोनची वैशिष्ट्ये पाहताच Itel A70 ची आठवण आल्याशिवाय राहत नाही. 

कंपनी विनामूल्य स्क्रीन रिप्लेसमेंटसह Itel A50 ऑफर करणार असून ही ऑफर स्मार्टफोन खरेदी केल्यानंतर 100 दिवसांच्या आत वैध असणार आहे. ब्रँडचे नवीन फोन 4G किंवा 5G कनेक्टिव्हिटीला समर्थन देतील की नाही हे कंपनीकडून स्पष्ट करण्यात आलेले नाही. पण या स्मार्टफोनच्या किंमतीवरून अंदाज बांधता येतो की, हा एलटीई नेटवर्किंगचे समर्थन करेल. 

Itel A50 या स्मार्टफोनचा प्रोसेसर octa-core Unisoc T603 वर आधारित आहे. या स्मार्टफोनच्या मागील बाजूस फ्लॅशसह दोन कॅमेऱ्यांचा सेटअप देण्यात आला आहे, ज्यामधील मागील प्राथमिक कॅमेरा हा आठ मेगापिक्सलचा असून सेल्फी साठी 5 मेगापिक्सलचा कॅमेरा देण्यात आलेला आहे. ह्या स्मार्टफोनची बॅटरी 5000 mAh ची असून उजव्या बाजूस सुरक्षा हेतू फिंगरप्रिंट स्कॅनर देण्यात आला आहे.

Itel A50 ची किंमत आणि लॉन्च होण्याची तारीख

Itel कंपनीकडून आगामी Itel A50 च्या किंमती बाबत कोणतीही स्पष्टता न मिळाल्याने या स्मार्टफोनचे प्रकार आणि किंमत ही 91Mobiles ह्या वेबसाइटवरून घेण्यात आली आहे. ह्या फोनची किंमत ही 7,000 रुपयांपासून सुरू होणार आहे, जी जी सर्व सामान्यांना अगदीच परवडणारी आहे. 

•    4GB रॅम + 64GB स्टोरेज, ज्याची किंमत आहे 6,299 रुपये. 
•    4GB रॅम + 128GB स्टोरेज, ज्याची किंमत आहे 6,799 रुपये.
•    4GB रॅम + 256GB स्टोरेज, ज्याची किंमत आहे 7,299 रुपये. 

Itel A50 हा स्मार्टफोन अजूनही भारतात लॉन्च झालेला नसून ह्या स्मार्टफोनची लॉन्च होण्याची तारीख सुद्धा कंपनीकडून सांगण्यात आलेली नाही. मिळालेल्या माहितीनुसार हा स्मार्टफोन भारतात लवकरच लॉन्च होण्याची शक्यता वर्तविण्यात येत आहे.