फ्लिपकार्ट बिग बिलियन डेज सेलमध्ये Nothing Phone 3 अवघ्या 34,999 रूपयांत विकत घेण्याची संधी

Flipkart Big Billion Days sale हा आगामी दिवाळीच्या पार्श्वभूमीवर सुरू होणार आहे. पुढील आठवड्यापासून ई कॉमर्स वेबसाईट फ्लिपकार्टवर हा सेल सुरू होणार आहे. या सेल मध्ये मिळणार्‍या आकर्षक डील्सची माहिती फ्लिपकार्टने दिली आहे. Nothing Phone 3, Nothing Phone 3a, Phone 3a Pro ची डील प्राईज फ्लिपकार्ट कडून देण्यात आली आहे. यासोबतच अन्य डिव्हाईज आणि लोकप्रिय ब्रॅन्ड्स वर देखील डिस्काऊंट्स जाहीर करण्यात आले आहेत.Flipkart च्या Big Billion Days Sale लिस्टींग नुसार Nothing Phone 3 ची किंमत कमी झाली आहे. या स्मार्टफोनवर मोठी घसघशीत सूट जाहीर करण्यात आली आहे. Nothing Phone 3 भारतात लॉन्च झाला होता तेव्हा त्याची किंमत सुमारे 79,999 होती आता या बिग बिलियन डेज सेल मध्ये त्याची किंमत 34,999 आहे. त्यामुळे सेल मध्ये फ्लिपकार्टकडून 45 हजारांची सूट देण्यात आली आहे.

सध्या, हेच डिव्हाइस फ्लिपकार्टवर त्याच्या मूळ किमतीत विकले जात आहे. मात्र ज्यांना बिग बिलियन डेज सेलची वाट पाहायची नाही ते अमेझॉनवरून जवळजवळ त्याच सवलतीच्या दरात Nothing Phone 3 खरेदी करू शकतात. अमेझॉन सध्या ते 45,928 रुपयांना देत आहे, जे 12GB RAM + 256GB storage model साठी आहे. परंतु, ही ऑफर कधी संपेल हे माहित नाही.

इतर डिव्हाईज पाहता फ्लिपकार्ट Nothing Phone 3a हा सवलतीच्या दरानंतर 20,999 रूपयांना आणि Phone 3a Pro हा 24,999 रूपयांना उपलब्ध केला जाईल. तुमच्या माहितीसाठी, देशात फोन 3a ची किंमत 24,999 रुपये आणि फोन 3a Pro ची किंमत 29,999 रुपये असल्याचे जाहीर करण्यात आले आहे. यावरून असे दिसून येते की तुम्हाला 3a मॉडेलवर 4,000 रुपये आणि प्रो आवृत्तीवर 5,000 रुपयांची सूट मिळू शकते. डीलच्या किमतींमध्ये काही फ्लॅट डिस्काउंट आणि बँक ऑफर्सचा देखील समावेश असू शकतो. या किमती केवळ वर्षभर आपल्याला दिसणाऱ्या फ्लॅट डिस्काउंट ऑफर्सवर आधारित असण्याची शक्यता नाही. ई-कॉमर्स मधील अनेक बड्या कंपन्या विक्रीपूर्वी डील आकर्षक दिसावी यासाठी या डीलमध्ये एक्सचेंज ऑफर्स देखील समाविष्ट करण्याची योजना आखत आहे की नाही याबद्दल कोणतीही माहिती नाही. येत्या काही दिवसांत आम्हाला याबद्दल अधिक स्पष्टता मिळेल.