15 सप्टेंबरला भारतात येणार Oppo F31 Series; डिझाईन, फीचर्स लीक

Oppo कडून त्यांच्या आगामी F31 series ला भारतामध्ये पुढील आठवड्यात लॉन्च करण्याच्या तयारीला सुरूवात झाली आहे. सोमवारी ओप्पो फोन कंपनीने त्यांच्या फोनची लॉन्च डेट जाहीर केली आहे. भारतामध्ये Oppo F31 series हा 15 सप्टेंबरला लॉन्च होणार आहे. दुपारी 12 च्या सुमारास फोन लॉन्च होणार आहे. रिपोर्ट्सनुसार, या आगामी फोनच्या सीरीज मध्ये Oppo F31 5G, Oppo F31 Pro 5G आणि Oppo F31 Pro+ 5G चा समावेश आहे. या तिन्ही डिव्हाईजच्या जाहिरात आणि टीझर मध्ये 'Durable Champion' असा उल्लेख करण्यात आला आहे. हे स्मार्टफोन मिडरेंज असणार आहे. नव्या सीरीज मध्ये या वर्षाच्या सुरुवातीला मार्चमध्ये रिलीज झालेल्या Oppo F29 lineup प्रमाणेच सार्‍या गोष्टी असतील.

F31 series च्या किंमती, फीचर्स

F31 series मधील फोनच्या किंमती या भारतामध्ये 20 हजारपेक्षा कमी असण्याचा अंदाज आहे. त्यामुळे हे फोन्स यापूर्वीच्या फोनपेक्षा अधिक किफायतशीर असणार आहेत. Oppo F29 model ची पूर्वी सुरूवातीची किंमत 23,999 ही बेस मॉडेलसाठी होती. ज्यात 8GB RAM आणि 128GB storage चा समावेश होता. तर Oppo F31 Pro 5G ची किंमत 30 हजार पेक्षा कमी असणार आहे. Oppo F31 Pro+ 5G ची किंमत 35 हजार पेक्षा कमी असण्याचा अंदाज आहे. ही किंमत 29,999 रुपयांना लाँच झालेल्या Oppo F29 Pro 5G शी अगदी जुळते. हे लक्षात घेण्यासारखे आहे की मागील जनरेशनमध्ये प्रो प्लस प्रकार समाविष्ट नव्हता.

Oppo F31 series मध्ये फोन IP66, IP68 आणि IP69सर्टिफिकेशनसह लाँच होईल अशी माहिती आहे. तिन्ही मॉडेल्समध्ये 50 MP प्रायमरी रियर कॅमेरा आणि 2 MP depth sensor असण्याची अपेक्षा आहे. सेल्फीसाठी, सीरीजमध्ये 32 MP front-facing camera असू शकतो. या स्मार्टफोन मालिकेत 7000 mAh क्षमतेची बॅटरी असण्याची अपेक्षा आहे.

स्टॅन्डर्ड Oppo F31 5G मध्ये चौकोनी आकाराचा कॅमेरा सेटअप असण्याची अपेक्षा आहे ज्यामध्ये मागील पॅनलच्या वरच्या डाव्या बाजूला गोलाकार कडा असतील. तो तीन रंग पर्यायांमध्ये उपलब्ध असण्याची शक्यता आहे ज्यात निळा, हिरवा आणि लाल रंगाचा समावेश आहे.

Oppo F31 Pro 5G मध्ये मागील बाजूस मध्यभागी स्थित असलेला squircle-shaped कॅमेरा मॉड्यूल असण्याची शक्यता आहे, ज्यामध्ये सोनेरी आणि राखाडी रंगाचे पर्याय अपेक्षित असतील. Oppo F31 Pro+ 5G मध्ये मध्यभागी स्थित असलेला वर्तुळाकार कॅमेरा सिस्टम असू शकतो आणि तो निळ्या, गुलाबी आणि पांढऱ्या रंगात देऊ शकतो.