Oppo चा आगामी फ्लॅगशिप फोन Find X9s नव्हे तर Oppo Find X9s Pro?

आठवड्याच्या सुरूवातीला ऑनलाईन Oppo Find X9s चा फोटो समोर आला होता. या फोटोमध्ये फोनला चार रिअर कॅमेरा आहेत ज्यात दोन 200MP sensors सह असल्याचे सांगितले जात आहे. सुरूवातीला हा फोन मागील वर्षी आलेल्या Find X8s च्या पुढील व्हर्जेन असल्याचं म्हटलं जात होतं. पण आता आता चीनमध्ये सुरू असलेल्या नव्या ऑनलाईन चर्चांनुसार, हा आगामी फोन Find X9s नसून Find X9s Pro असल्याचं म्हटलं जात आहे. Weibo या सोशल मीडीया प्लॅटफॉर्मवर tipster Digital Chat Station ने दिलेल्या माहितीनुसार हा फोन Oppo Find X9s Pro नावासह येण्याचा दावा केला जात आहे. Digital Chat Station च्या माहितीनुसार हा फोन आहे की “Pro” टोपणनाव असलेला हा एकमेव फ्लॅगशिप फोन आहे ज्यामध्ये ड्युअल 200 मेगापिक्सेल कॅमेरे आहेत. आणखी एक Weibo insider, WhyLab यांनी नाव आणि कॅमेरा स्पेसिफिकेशन्सच्या दाव्याचे समर्थन केले आहे.

आगामी फोन बाबतची खास गोष्ट म्हणजे Find X9s Pro हा 6.3 इंचाचा डिस्प्ले असलेला कॉम्पॅक्ट फ्लॅगशिप असल्याचे म्हटले जात आहे. त्यामुळे हा दोन 200 मेगापिक्सेल कॅमेरे असलेला एकमेव प्रो फोन नाही तर ड्युअल 200 मेगापिक्सेल कॅमेरे देणारा एकमेव कॉम्पॅक्ट फोन आहे. आणि एवढेच नाही तर मागील सेटअपमध्ये 50 मेगापिक्सेल अल्ट्रावाइड कॅमेरा आणि मल्टीस्पेक्ट्रल सेन्सर देखील समाविष्ट आहे. Oppo च्या फोनमध्ये सेल्फी आणि व्हिडिओ कॉलसाठी समोर आणखी 50 एमपी कॅमेरा वापरण्याची अपेक्षा आहे. कॉम्पॅक्ट फ्लॅगशिपमध्ये हा ड्युअल 200 एमपी कॅमेरा सेटअप एक उत्कृष्ट फीचर असेल.

Find X9s Pro मध्ये flagship Dimensity 9500 आणि 7,000mAh ची मोठी बॅटरी असल्याची चर्चा आहे. चार्जिंग साठी फोनमध्ये 80W वायर्ड आणि 50W वायरलेस चार्जिंगचा समावेश असल्याचे म्हटले जाते. यात इतर प्रमुख फीचर्स देखील असण्याची शक्यता आहे, जसे की 3D अल्ट्रासोनिक फिंगरप्रिंट सेन्सर आणि पूर्ण पाणी प्रतिरोधकता असणार आहे. त्याच्या मार्केट पोझिशनिंगबद्दल, टिपस्टर सूचित करतो की तो स्टॅन्डर्ड Oppo Find X9 च्या वर असेल.

Find X9s Pro च्या लाँचिंग टाइमलाइनबद्दल अद्याप कोणतेही संकेत नाहीत. ते Find X9 Ultra सोबत डेब्यू करू शकते, जे मार्च 2026 मध्ये लाँच होण्याची अपेक्षा आहे.