Poco M7 Plus 5G चा नवा 4GB RAM व्हेरिएंट भारतात येतोय; पहा लॉन्च कधी

Poco ने गेल्या महिन्यात भारतात M7 Plus 5G लाँच केला होता ज्यामध्ये 6GB आणि 8GB रॅम पर्याय देण्यात आले आहेत. या दोन्हीमध्ये 128GB स्टोरेज चा समावेश असून ब्रँड आता नवीन 4GB रॅम व्हेरिएंटसह लाइनअप वाढवण्याच्या विचारामध्ये आहे.

फ्लिपकार्टच्या पोस्टरनुसार, हा नवीन व्हेरिएंट 22 सप्टेंबर रोजी दुपारी 12 वाजल्यापासून, Big Billion Days sale सुरू होण्याच्या एक दिवस आधी येईल. पोस्टरमध्ये ऑफर्ससह ₹10,999 ची प्रभावी किंमत नमूद केली आहे. सध्या ऑफरची माहिती अद्याप समोर आलेली नाही. फ्लिपकार्टवर लिस्ट केलेली नियमित किंमत ₹12,999 आहे. फक्त एक नवीन रॅम पर्याय सादर केला जात असल्याने, इतर सर्व फीचर्स तशीच राहणार आहेत.

Poco M7 प्लस 5G चा नवा 4GB RAM व्हेरिएंट भारतात लॉन्च झाला आहे. यापूर्वीपासून उपलब्ध असलेल्या 6GB आणि 8GB RAM मॉडेल्ससोबत हा व्हेरिएंटही मिळणार आहे. 4GB+128GB मॉडेलची किंमत ₹13,999 तर 8GB+128GB मॉडेलची किंमत ₹14,999 आहे. हा स्मार्टफोन अॅक्वा ब्लू, कार्बन ब्लॅक आणि क्रोम सिल्व्हर या रंगांमध्ये उपलब्ध आहे.

Poco M7 Plus 5G ची स्पेसिफिकेशन्स घ्या जाणून

Poco M7 Plus 5G हा Android 15-based HyperOS 2.0, वर चालतो आणि दोन अँड्रॉइड अपडेट्स तसेच चार वर्षांचे सिक्युरिटी अपडेट्स मिळणार असल्याची पुष्टी झाली आहे. यात 6.9-इंच फुल HD+ डिस्प्ले (1,080×2,340 पिक्सेल) असून 144Hz रिफ्रेश रेट सपोर्ट आहे. हा स्मार्टफोन Snapdragon 6s Gen 3 चिपसेटवर आधारित असून, यात 8GB पर्यंत LPDDR4x RAM आणि 128GB UFS 2.2 स्टोरेज मिळते.

Poco M7 Plus 5G च्या कॅमेर्‍यामध्ये 50MP प्रायमरी सेन्सरसह AI-आधारित ड्युअल रिअर कॅमेरा सेटअप आहे, तर सेल्फी आणि व्हिडिओ कॉलसाठी 8MP फ्रंट कॅमेरा दिला आहे. याला IP64 रेटिंग मिळाले असून धूळ आणि पाण्यापासून फोन सुरक्षित आहे.

फोनमध्ये कनेक्टिव्हिटीसाठी 5G, 4G, ब्लूटूथ 5.1, Wi-Fi, GPS आणि USB Type-C पोर्ट उपलब्ध आहे. तसेच यात साइड-माउंटेड फिंगरप्रिंट सेन्सर देखील आहे. Poco M7 Plus 5G मध्ये 7,000mAh सिलिकॉन-कार्बन बॅटरी आहे जी 33W वायर्ड फास्ट चार्जिंग आणि 18W रिव्हर्स वायर्ड चार्जिंगला सपोर्ट करते.