सर्वात वेगवान प्रोसेसर Snapdragon 8 Elite लाँच! स्मार्टफोनची बॅटरी वाचवणार, 2.5 तास अधिक गेमिंग करू शकणार

Hawaii मध्ये झालेल्या Snapdragon Summit ने Snapdragon 8 Elite chipset ही Qualcomm कडून समोर आणली आहे. Snapdragon 8 Gen 3 नंतर आता या चीपसेट मुळे परफॉर्मन्स मध्ये मोठा बदल होणार आहे. नवीन चिपसेटच्या मदतीने, फोन कंपन्या त्यांच्या युजर्सना अनेक चांगली AI फीचर्स देऊ शकणार आहेत. त्यांच्या AI इंजिनमध्ये सर्वात वेगवान Qualcomm Hexagon NPU असणार आहे. हे मागील मॉडेलच्या तुलनेत AI ची कामगिरी 45 टक्क्यांनी सुधारणार आहे. नवीन चिपसेटच्या मदतीने 5G कनेक्टिव्हिटी आणि त्याची कार्यक्षमता देखील सुधारली जाईल, असा दावा करण्यात आला आहे.

Qualcomm ची Snapdragon 8 Elite SoC येत्या काही आठवड्यामध्ये उपलब्ध होणार आहे. Asus, Honor, iQOO, OnePlus, Oppo, Realme, Samsung, Vivo आणि Xiaomi यांच्या आगामी मॉडेल मध्ये ही चिपसेट वापरली जाणार आहे.

Qualcomm च्या माहितीनुसार, Snapdragon 8 Elite चिपसेट, मॉडेल नंबर SM8750-AB सह, स्नॅपड्रॅगन 8 Gen 3 च्या वर फ्लॅगशिप उपकरणांसाठी असणार आहे. चीप 3-नॅनोमीटर फॅब्रिकेशन प्रक्रियेवर आधारित 64-बिट आर्किटेक्चरवर तयार केली गेली आहे आणि त्यात 4.32GHz च्या पीक क्लॉक स्पीडसह आठ कोर असलेले सेकंड जनरेशन कस्टम-बिल्ट क्वालकॉम ओरियन CPU आहे.

रिपोर्ट्सनुसार, नवीन प्रोसेसर मागील मॉडेलपेक्षा वेगवान आहे. सिंगल आणि मल्टी-थ्रेडेड बेंचमार्कमध्ये CPU चे काम 45 पट वाढवते आणि मागील मॉडेलपेक्षा 44 टक्के अधिक ऊर्जा कार्यक्षम आहे. असा दावा करण्यात आला आहे.

स्नॅपड्रॅगन 8 एलिटमध्ये 4.32 GHz पर्यंत 2 प्राइम कोर आणि 3.53 GHz पर्यंत 6 परफॉर्मन्स कोर आहेत. यात सर्वात वेगवान LPDDR5X मेमरी 5300 MHz आहे. स्नॅपड्रॅगन 8 एलिट केवळ कामगिरीच्या पातळीवरच नव्हे तर मोबाइल गेमिंगसाठीही शक्तिशाली बनवण्यात आले आहे. यामुळे फोनची बॅटरी वाचते आणि अडीच तास अधिक गेमिंग करता येते.

या चिपचे AI इंजिन फोटो आणि व्हिडिओचा अनुभव सुधारणार आहेत. रिअल-टाइम AI रिलायटिंग फीचर मुळे आपल्या सेल्फी आणि व्हिडिओंमधील प्रकाश आपोआप दुरुस्त केला जाऊ शकतो, ज्यामुळे आपण व्हिडिओ कॉल किंवा सोशल मीडिया पोस्ट अधिक चांगल्या करू शकता. व्हिडीओ ऑब्जेक्ट इरेजरसह तुम्ही फक्त एका टॅपने व्हिडिओमधून नको असलेल्या वस्तू काढू शकता.