Flipkart वर दिसला Realme GT 8 Pro; भारतात लवकरच करता येणार खरेदी

Realme कडून GT 8 series चीन मध्ये 21 ऑक्टोबर दिवशी समोर आणली आहे. ज्यामध्ये  flagship GT 8 Pro आणि standard GT 8 चा समावेश आहे. कंपनीने नोव्हेंबरमध्ये Realme GT 8 Pro भारतात लाँच करण्याची माहिती दिली आहे, परंतु त्याची नेमकी लाँच तारीख मात्र गुलदस्त्यामध्ये आहे. एका टिपस्टरने भारतात Realme GT  8 Pro  लाँच होण्याची संभाव्य तारखेचा अंदाज वर्तवला आहे. tipster Yogesh Brar ने X, वर दिलेल्या माहितीनुसार हा फोन 20 नोव्हेंबरला लॉन्च होण्याचा अंदाज आहे. यापूर्वी, दोन खास मायक्रोसाईट्स लाईव्ह झाल्या होत्या, एक Realme च्या ऑनलाइन स्टोरीवर आणि दुसरी Flipkart वर, जी पुष्टी करते की GT 8 Pro या चॅनेलद्वारे उपलब्ध असेल.

Realme GT 8 Pro मधील स्पेसिफिकेशन्स 

Realme GT 8 Pro  चा इंडियन व्हेरिएंट Snapdragon 8 Elite Gen 5 प्रोसेसर सह येणार आहे. हा स्मार्टफोन HyperVision AI chip सोबत जोडलेला आहे. यात फोनच्या चीन व्हर्जन प्रमाणेच Ricoh GR-powered triple rear camera असण्याचा अंदाज आहे.  ज्यामध्ये 50 मेगापिक्सेल मेन सेन्सर, 50 मेगापिक्सेल अल्ट्रावाईड आणि 200 मेगा पिक्सेल टेलिफोटो आहे. 32MP selfie camera देखील आहे.  

GT 8 Pro चे एक वेगळे फीचर म्हणजे त्यात  कस्टमायझ करण्यायोग्य लूकसाठी अदलाबदल करण्यायोग्य कॅमेरा हाऊसिंग आहे ज्यामध्ये Realme यूजर्सना चौरस, गोल आणि रोबोट स्टाईल कॅमेरा आयलंडचा पर्याय देते. 

GT 8 Pro मधील डिस्प्ले 6.79-इंचाचा QHD+ flexible Amoled panel सह आहे जो 7,000 nits पीक ब्राइटनेस, 144Hz कमाल रिफ्रेश रेट आणि 3,200Hz टच सॅम्पलिंग रेट  सह येतो.  GT 8 Pro मध्ये 7,000mAh बॅटरी आहे, ज्यामध्ये 120W फास्ट चार्जिंग सपोर्ट आहे. प्रो मॉडेलमध्ये धूळ आणि पाण्यापासून फोन सुरक्षित असेल कारण त्याला  IP66, IP68 आणि IP69 रेटिंग देखील आहे. 

Realme GT 8 Pro च्या चीन मधील किंमती 

व्हेरियंट                   किंमत (CNY)         अंदाजे भारतीय किंमत
12GB + 256GB     CNY 3,999           रू. 50,000
16GB + 256GB     CNY 4,299           रू. 53,600
12GB + 512GB     CNY 4,499           रू. 56,000
16GB + 512GB     CNY 4,699            रू. 58,600
16GB + 1TB          CNY 5,199            रू. 64,800