जूनमध्ये स्मार्टफोनचा धमाका! Redmi ते Samsung पर्यंत अनेक नवे फोन लॉन्चच्या तयारीत

मे महिन्यात स्मार्टफोन बाजारात अनेक प्रीमियम फ्लॅगशिप डिव्हाइसेस पाहायला मिळाले, तर जून महिना मिड-रेंज आणि बजेट स्मार्टफोन खरेदी करणाऱ्यांसाठी खास ठरू शकतो. येत्या काही दिवसांत Xiaomi, iQOO, Infinix, Vivo, Realme आणि Samsung हे ब्रँड्स आपले नवे स्मार्टफोन सादर करू शकतात. यामध्ये मोठी बॅटरी, हाय रिफ्रेश रेट डिस्प्ले आणि नवीन प्रोसेसरसह अनेक मॉडेल्सचा समावेश असू शकतो. मात्र, या स्मार्टफोन्सच्या लॉन्च डेटबाबत कंपन्यांनी अद्याप अधिकृत घोषणा केलेली नाही. तरीही लीक आणि विविध रिपोर्ट्सनुसार हे स्मार्टफोन जून महिन्यात लॉन्च होण्याची शक्यता आहे.

Redmi 17 आणि Redmi Turbo 5

Xiaomi जूनच्या दुसऱ्या आठवड्यात Redmi Turbo 5 आणि Redmi 17 लॉन्च करू शकते. Redmi Turbo 5 हा स्मार्टफोन 16 जून रोजी लॉन्च होणार असल्याचे सांगितले जात आहे. कंपनीने अलीकडेच ही तारीख जाहीर केली आहे. या फोनमध्ये 6.59 इंचाचा 1.5K AMOLED डिस्प्ले, 120Hz रिफ्रेश रेट आणि MediaTek Dimensity 8500 Ultra प्रोसेसर मिळण्याची शक्यता आहे. तसेच 7,560mAh बॅटरी आणि 100W फास्ट चार्जिंग सपोर्ट दिला जाऊ शकतो. कॅमेरा सेटअपमध्ये 50MP प्रायमरी आणि 8MP सेकंडरी सेन्सर मिळण्याची चर्चा आहे.

तर Redmi 17 हा बजेट सेगमेंटला लक्ष्य करू शकतो. यामध्ये हाय रिफ्रेश रेट LCD डिस्प्ले, Snapdragon 4 सिरीज प्रोसेसर आणि 7,000mAh पेक्षा मोठी बॅटरी मिळू शकते. कॅमेरा सेटअपमध्ये 50MP रिअर आणि 8MP फ्रंट कॅमेरा दिला जाऊ शकतो.
 

Infinix GT 50 Pro

गेमिंग स्मार्टफोन आवडणाऱ्यांसाठी Infinix GT 50 Pro देखील जूनमध्ये लॉन्च होऊ शकतो. यामध्ये AMOLED डिस्प्ले, 120Hz पेक्षा जास्त रिफ्रेश रेट आणि हाय-निट्स पॅनल मिळण्याची शक्यता आहे. हा डिव्हाइस MediaTek Dimensity चिपसेटसह येऊ शकतो. इतर GT मॉडेल्सप्रमाणेच यामध्ये RGB LED लाइट्स आणि ट्रिगर झोनसारखे फीचर्स मिळू शकतात. याशिवाय 50MP OIS कॅमेरा, 8MP अल्ट्रावाइड कॅमेरा आणि 6,500mAh बॅटरी मिळण्याची चर्चा आहे.

iQOO Z11

iQOO Z11 बाबतही बऱ्याच काळापासून चर्चा सुरू आहे. रिपोर्ट्सनुसार हा स्मार्टफोन जूनच्या मध्यापर्यंत बाजारात दाखल होऊ शकतो. यामध्ये 6.83 इंच AMOLED डिस्प्ले, 165Hz रिफ्रेश रेट आणि 5,000 निट्स पीक ब्राइटनेस मिळू शकते. फोनमध्ये Snapdragon 7s Gen 4 प्रोसेसर आणि 12GB पर्यंत RAM मिळण्याची अपेक्षा आहे. याचे सर्वात मोठे वैशिष्ट्य म्हणजे 9,020mAh क्षमतेची बॅटरी असू शकते, ज्यासोबत 90W फास्ट चार्जिंग सपोर्ट मिळण्याची शक्यता आहे. कॅमेरा  50MP रिअर आणि 32MP सेल्फी कॅमेरा दिला जाऊ शकतो.

Vivo T5 Lite, Realme P4R आणि Samsung Galaxy A27

जूनमध्ये Vivo T5 Lite देखील लॉन्च होऊ शकतो. रिपोर्ट्सनुसार यामध्ये 6,500mAh बॅटरी आणि 44W चार्जिंग सपोर्ट मिळू शकतो. प्रोसेसर म्हणून Dimensity 6300 किंवा Dimensity 6400 चिपसेट दिला जाऊ शकतो.

Realme P4R हा मोठ्या बॅटरीसह येणारा मिड-रेंज स्मार्टफोन म्हणून सादर केला जाऊ शकतो. यामध्ये 8,000mAh बॅटरी, 144Hz डिस्प्ले आणि MediaTek Dimensity 7400 प्रोसेसर मिळण्याची शक्यता आहे.

Samsung Galaxy A27 संदर्भातही अनेक लीक समोर आले आहेत. या स्मार्टफोनमध्ये Snapdragon 6 Gen 3 प्रोसेसर, 6.7 इंचाचा डिस्प्ले आणि ट्रिपल रिअर कॅमेरा सेटअप दिला जाऊ शकतो. मात्र, Samsung ने अद्याप त्याच्या लॉन्च टाइमलाइनची अधिकृत पुष्टी केलेली नाही.

लक्षात घ्या की वर नमूद केलेल्या बहुतांश स्मार्टफोन्सची माहिती लीक आणि रिपोर्ट्सवर आधारित आहे. कंपन्यांकडून अधिकृत घोषणा झाल्यानंतर स्पेसिफिकेशन्स आणि किंमतींमध्ये बदल होऊ शकतो.

हे सुध्दा वाचा : 
https://marathi.gadgets360.com/others/moto-g37-power-vs-realme-c83-5g-vs-oppo-k14x-5g-check-comparison-before-buying-news-11584948

https://marathi.gadgets360.com/mobiles/lava-bold-n2-5g-vs-redmi-a7-pro-vs-realme-narzo-70x-5g-know-which-is-best-to-buy-under-rs-15k-news-11589109