Vivo S50, S50 Pro Mini स्मार्टफोनचे रंग आणि लॉन्च टाइमलाइन पहा

Vivo S50 series पुढील आठवड्यात लॉन्चसाठी सज्ज झाला आहे. Weibo या सोशल मीडीया प्लॅटफॉर्मवर पोस्ट करत Vivo,ने त्याची माहिती दिली आहे. Vivo S50 Pro Mini,Vivo S50 स्मार्टफोन चीन मध्ये लॉन्च होणार आहेत. स्मार्टफोन निर्माता कंपनी चीनमधील त्यांच्या अधिकृत ऑनलाइन स्टोअरद्वारे Vivo S50 सीरीजसाठी आधीच प्री-बुकिंग स्वीकारत आहे. Vivo S50 चार शेड्समध्ये उपलब्ध असल्याचे सांगण्यात आले आहे, तर Vivo S50 Pro Mini तीन रंगांच्या पर्यायांमध्ये उपलब्ध असेल. Vivo S50 Pro Mini मध्ये Snapdragon 8 Gen 5 चिपसेट आणि 6.31-इंच फ्लॅट डिस्प्ले असेल याची पुष्टी झाली आहे.

15 डिसेंबर रोजी लाँच होणार Vivo S50 Pro Mini, Vivo S50

15 डिसेंबर रोजी चीनमध्ये Vivo S50 सीरीज सादर केली जाईल. लाँचिंग कार्यक्रम स्थानिक वेळेनुसार संध्याकाळी 7 वाजता (भारतीय वेळेनुसार 4.30 वाजता) सुरू होईल. Vivo S50 Pro Mini कन्फेशन, इन्स्पिरेसन पर्पल आणि स्पेस ग्रे रंग पर्यायांमध्ये लाँच होण्याची पुष्टी झाली आहे. स्टॅन्डर्ड Vivo S50 कन्फेशन, इन्स्पिरेसन पर्पल, सेरेन ब्लू आणि स्पेस ग्रे फिनिशमध्ये उपलब्ध असेल.

Vivo S50 (Gizmochina द्वारे) 12GB+256GB, 16GB+256GB, 12GB+512GB आणि 16GB+512GB RAM आणि स्टोरेज पर्यायांमध्ये उपलब्ध असल्याचा दावा केला जात आहे. Vivo S50 Pro Mini 12GB+256GB, 12GB+512GB, आणि 16GB+512GB RAM आणि स्टोरेज प्रकारांमध्ये उपलब्ध असण्याची शक्यता आहे.

कंपनीने चीनमधील त्यांच्या अधिकृत वेबसाइटवरून Vivo S50 सीरीजसाठी प्री-ऑर्डर घेणे आधीच सुरू केले आहे. कंपनीने यापूर्वीच खुलासा केला होता की Vivo S50 Pro Mini Qualcomm Snapdragon 8 Gen 5 चिपसेटवर चालेल. या डिव्हाइसने AnTuTu बेंचमार्किंग प्लॅटफॉर्मवर 3 दशलक्ष पेक्षा जास्त गुण मिळवल्याचा दावा केला आहे.

Vivo S50 Pro Mini मध्ये LPDDR5X RAM (9600Mbps पर्यंत) आणि UFS 4.1 स्टोरेज असेल. यात 6.31-इंचाचा फ्लॅट डिस्प्ले असेल आणि 512GB स्टोरेजसह उपलब्ध असेल अशी पुष्टी आहे. Vivo S50 मध्ये 50-मेगापिक्सेल Sony IMX882 1/1.95-इंच पेरिस्कोप टेलिफोटो शूटर असण्याची शक्यता आहे. हे दोघे अँड्रॉइड 16-आधारित OriginOS 6 सह येण्याची शक्यता आहे. कंपनीने Vivo S50 Pro Mini मध्ये 6,500mAh ची बॅटरी दिली आहे. ती 90W वायर्ड आणि 40W वायरलेस फास्ट चार्जिंगला सपोर्ट करेल.

सुरुवातीच्या अफवांनुसार, Vivo S50 मध्ये 6.59 इंचाचा फ्लॅट OLED 1.5K स्क्रीन आणि Snapdragon 8s Gen 3 असेल. यात 50 MP सेल्फी कॅमेरा असू शकतो.