Samsung Galaxy S26 Ultra पोस्टर लीकमधून प्रीमियम डिझाइनची झलक

Samsung च्या आगामी फ्लॅगशीप स्मार्टफोन Galaxy S26 Ultra ची सध्या चर्चा सुरू आहे. या फोनचे लेटेस्ट लीक आणि रेंडर्स मधून त्याचे डिझाईन, हार्डवेअर बाबत काही माहिती समोर आली आहे. टीपस्टर Evan Blass च्या दाव्यानुसार, Samsung Galaxy S26 Ultra ची प्रमोशन इमेज समोर आली आहे. त्यामधून फोनच्या काही फीचर्सची माहिती मिळाली आहे.

Samsung Galaxy S26 Ultra चं डिझाईन पाहता त्याचा फ्लॅट लूक आहे. फोनच्या चारी बाजूला स्लीम आणि युनिफॉर्म बेजल्स आहेत. समोरच्या बाजूला मध्यभागी होल पंच कॅमेरा आहे. ज्यात फ्रेम फ्लॅट होण्यासोबत त्याचे कॉर्नर्स राऊंडेड आहेत. यामुळे फोनचे एकूणच प्रोफाईल आधीच्या मॉडलच्या तुलनेत अधिक क्लीन आणि बॅलन्स्ड आहे. रेंडर्स मध्ये हा फोन Cobalt Violet आणि Black या दोन रंगात उपलब्ध असल्याचं दिसून आलं आहे.

फोनच्या कॅमेर्‍याचं डिझाईन पाहता त्यामध्ये मोठा बदल दिसून येत आहे. Samsung Galaxy S26 Ultra मध्ये वेगवेगळ्या कॅमेरा लेन्स ऐवजी यूनिफाईड कॅमेरा आयलंड आहे. जी टॉप लेफ्ट कॉर्नर जवळ आहे. दरम्यान कॅमेरा मॉड्यूल थोडा बाहेर आला आहे. फोनचा लूक थोडा जास्त स्ट्रक्चर्ड आणि रिफाईंड दिसत आहे. रेंडर्स मध्ये S Pen दिसत आहे. फोनच्या लॉन्चच्या वेळेस अधिक रंग दिसून येऊ शकतात.

Samsung Galaxy S26 Ultra च्या स्पेसिफिकेशन्स मध्ये स्क्रीन 6.9-इंचची QHD+ Dynamic AMOLED डिस्प्ले सह येणार आहे. हा स्मार्टफोन Android 16 बेस्ड One UI 8.5 वर आधारित असणार आहे. परफॉर्मन्स साठी फोनमध्ये Qualcomm ची लेटेस्ट Snapdragon 8 Elite Gen 5 चिपसेट असणार आहे. ही कमीत कमी 256GB स्टोरेज सोबत लॉन्च केली जाऊ शकते. Samsung Galaxy S26 Ultra सुमारे 7.9 मिमी जाडीचा आणि सुमारे 214 ग्रॅम वजनाचा असल्याचे म्हटले जाते. यात 5,000mAh बॅटरी असण्याची अपेक्षा आहे, जी वायरलेस पॉवर शेअरिंगला देखील सपोर्ट करू शकते.

Samsung Galaxy S26 Ultra मध्ये 200 मेगापिक्सेलचा प्रायमरी कॅमेरा, 50 मेगापिक्सेलचा अल्ट्रावाइड सेन्सर, 10 मेगापिक्सेलचा टेलिफोटो लेन्स आणि 50 मेगापिक्सेलचा पेरिस्कोप टेलिफोटो कॅमेरा असण्याची अपेक्षा आहे. तर समोर, 12 मेगापिक्सेलचा सेल्फी कॅमेरा आहे. हा सेटअप फोटोग्राफी आणि व्हिडिओग्राफीसाठी फ्लॅगशिप-लेव्हलचा अनुभव देऊ शकतो. लाँच टाइमलाइनबद्दल बोलायचे झाले तर, येत्या Samsung Galaxy S26 Ultra चे अनावरण 25 फेब्रुवारी रोजी Galaxy Unpacked इव्हेंटमध्ये Galaxy S26 आणि Galaxy S26+ सोबत केले जाऊ शकते.