जाणून घ्या Vivo T3 Pro 5G केव्हा होणार खरेदीसाठी उपलब्ध

Vivo विवो या स्मार्टफोन कंपनीने दिनांक 27 ऑगस्ट 2024 रोजी आपला T सिरीज मधला नवीनतम स्मार्टफोन म्हणजेच Vivo T3 Pro 5G लॉन्च केला आहे. या स्मार्टफोनची मागील बाजू ही विगन लेदरने बनवलेली असून कंपनीकडून या स्मार्टफोनला तीन वर्षांपर्यंत सुरक्षा अपडेट्स देण्यात येतील असे सूचित करण्यात आले आहे. Vivo या स्मार्टफोनची Vivo T3 5G या मालिके मधील हा पुढील स्मार्टफोन आहे, ज्यामध्ये Vivo T3 5G, Vivo T3 Lite 5G आणि Vivo T3x 5G या स्मार्टफोन्सचा देखील समावेश करण्यात आलेला आहे. चला तर मग बघूया नुकत्याच लॉन्च झालेल्या Vivo T3 Pro 5G या स्मार्टफोनची किंमत, वैशिष्ट्ये आणि उपलब्धता.

Vivo T3 Pro 5G ची किंमत आणि उपलब्धता

Vivo T3 Pro 5G या स्मार्टफोनचे स्टोरेजच्या आधारावर दोन प्रकार पडतात. ज्यामध्ये 8 GB रॅम आणि 128 GB स्टोरेज या प्रकाराची किंमत 24,999 रुपये इतकी आहे तर, यातील दुसऱ्या प्रकाराची म्हणजेच 8 GB रॅम आणि 256 GB स्टोरेज या स्मार्टफोनची किंमत 26,999 रुपये इतकी आहे. जर तुम्ही HDFC आणि ICICI या दोन्ही बँकांचे क्रेडिट कार्ड वापरून हा स्मार्टफोन खरेदी करणार आहात, तर यावर तुम्हाला 3,000 रुपयांची सूट मिळू शकते.

Vivo T3 Pro 5G हा स्मार्टफोन जरी 27 ऑगस्ट रोजी लॉन्च झाला असला तरी सुद्धा या स्मार्टफोनला खरेदीसाठी 3 सप्टेंबरपासून Flipcart आणि Vivo च्या अधिकृत वेबसाईट सोबतच स्मार्टफोन कंपनीच्या भागीदार रिटेल स्टोअर्स वर देखील उपलब्ध करण्यात येणार आहे.

Vivo T3 Pro 5G ची वैशिष्ट्ये

Vivo T3 Pro 5G या स्मार्टफोन मध्ये 6.7 इंचाचा फुल HD 3D वक्र AMOLED डिस्प्ले बसविण्यात आलेला असून या डिस्प्लेचा रिफ्रेश दर 120Hz असून कमाल 4500 nits पर्यंत या स्मार्टफोनची तेजस्विता वाढवता येऊ शकते. हा स्मार्टफोन Qualcomm Snapdragon 7 Gen 3 SoC या प्रोसेसर द्वारे समर्थित असून ग्राफिक्स गहन कार्यांसाठी Adreno 720 GPU सोबत जोडण्यात आलेला आहे. या स्मार्टफोनमध्ये 8GB पर्यंत LPDDR4x RAM आणि 256GB पर्यंत UFS 2.2 स्टोरेज क्षमता देण्यात आली आहे. या स्मार्टफोनमध्ये स्टोरेजच्या आधारे दोन प्रकार पडतात.

Vivo T3 Pro 5G स्मार्टफोनच्या मागील बाजूस दोन कॅमेऱ्यांचा सेटअप देण्यात आलेला आहे, ज्यामध्ये ऑप्टिक्ससाठी OIS सोबत 50 मेगापिक्सलचा Sony IMX882 प्राथमिक शूटर कॅमेरा आणि EIS सोबत 8 मेगापिक्सलचा अल्ट्रावाइड अँगल लेन्स सुध्दा बसविण्यात आली आहे. यामध्ये 16 मेगापिक्सलचा सेल्फी कॅमेरा सुद्धा बसविण्यात आलेला आहे. या स्मार्टफोनची बॅटरी ही 5000 mAh ची असून 80 वॅटच्या जलद चार्जिंगचे समर्थन करते. या स्मार्टफोनला IP64 रेटिंगमुळे धूळ आणि स्प्लॅश पासून संरक्षण मिळते.