Vivo V50 Elite Edition, पहा विवो च्या पहिल्या V-series मधील पहिलेच “Elite Edition" मॉडेलमध्ये काय खास?

Vivo कडून भारतामध्ये V50 Elite एडिशन लॉन्च करण्याची तयारी सुरू झाली आहे. कंपनीने आता फोनच्या लॉन्चची तारीख आणि रेअर कॅमेरा मॉड्युलची माहिती दिली आहे. सध्याच्या Vivo V50 हा फेब्रुवारी महिन्यात लॉन्च झालेला फोन आहे. यामध्ये pill-shaped rear camera island आहे. आगामी Elite Edition मध्ये circular rear camera module असणार असल्याचं टीझर मधून समोर आलेल्या फोनच्या झलक मध्ये दिसत आहे. नवा व्हेरिएंट हा standard version मध्ये असलेल्या बहुतेक फीचर्स सह येण्याचा अंदाज आहे. दरम्यान, एप्रिलमध्ये देशात Vivo V50e पर्याय सादर करण्यात आला.

Vivo V50 Elite Edition भारतामध्ये होणार लॉन्च

Vivo V50 Elite Edition भारतामध्ये 15 मे दिवशी दुपारी 12 वाजता लॉन्च होणार आहे. कंपनीने त्याची माहिती X post च्या माध्यमातून दिली आहे. आगामी हॅन्डसेट मध्ये "Elite Edition" असं फोनच्या मागच्या बाजूला rear camera module खाली कोरलेलं असणार आहे. camera island कदाचित गोल असेल, जो बेस Vivo V50 च्या pill-shaped moduleपेक्षा वेगळा असेल. कंपनीने अद्याप Vivo V50 Elite Edition बद्दल अधिक माहिती दिलेली नाही. हे Vivoचे V-series मधील पहिलेच “Elite Edition" मॉडेल असेल आणि कंपनीच्या टीझरवरून असे दिसून येते की हे नवीन डिव्हाइस बाजारात असलेल्या सध्याच्या मॉडेल्सपेक्षा स्वस्त नसेल.

Vivo V50 Elite Edition मध्ये व्हॅनिला Vivo V50 व्हेरिएंट सारखेच फीचर्स असण्याची अपेक्षा आहे. फोनमध्ये Snapdragon 7 Gen 3 SoC, 90W वायर्ड फास्ट चार्जिंग सपोर्टसह 6,000mAh बॅटरी, Zeiss-सपोर्टेड 50-मेगापिक्सेल ड्युअल रियर कॅमेरा युनिट आणि 50-मेगापिक्सेल सेल्फी शूटर मिळू शकतो.

Vivo V50 हा IP68 आणि IP69 रेटेड फोन असल्याने तो धूळ आणि पाणी पासून सुरक्षित असल्याचा दावा केला जातो. यात 120Hz पर्यंत रिफ्रेश आणि 4,500 nits पीक लोकल ब्राइटनेससह 6.77-इंचाचा फुल-एचडी+ क्वाड-कर्व्हड AMOLED डिस्प्ले आहे. हा हँडसेट Android 15-आधारित FuntouchOS 15 सह येतो आणि 12GB पर्यंत LPDDR4X रॅम आणि 512GB पर्यंत UFS 2.2 ऑनबोर्ड स्टोरेजला सपोर्ट करतो.

लाँचिंगच्या वेळी, Vivo V50 ची किंमत अनुक्रमे 8GB + 128GB, 8GB + 256GB आणि 12GB + 512GB व्हेरिएंटसाठी 34,999 रुपये, 36,999 रुपये आणि 40,999 रुपये होती. हा फोन रोझ रेड, स्टारी ब्लू आणि टायटॅनियम ग्रे रंगात उपलब्ध आहे.