व्हॉट्सअ‍ॅप व्हॉइस आणि व्हिडिओ कॉलसाठी नॉइज कॅन्सलेशन फीचर Android बीटा युजर्ससाठी रोलआउट सुरू

WhatsApp ने नॉइज कॅन्सलेशन फीचर बीटा युजर्ससाठी उपलब्ध केल्याचे समोर आले आहे. या वर्षी मार्चमध्ये विकासाच्या टप्प्यात प्रथम दिसलेले हे फीचर व्हिडिओ आणि ऑडिओ कॉलदरम्यान अनावश्यक पार्श्वभूमीतील आवाज कमी करण्यासाठी आणि कॉलची स्पष्टता सुधारण्यासाठी तयार करण्यात आले आहे. हे फीचर स्पीकरच्या आवाजावर परिणाम न करता रिअल-टाइममध्ये कार्य करते असे सांगितले जाते. मात्र, Metaच्या मालकीच्या या प्लॅटफॉर्मने हे फीचर सर्व युजर्ससाठी कधी उपलब्ध होईल याबाबत अद्याप माहिती दिलेली नाही. व्हॉट्सअॅपचे हे नॉइज कॅन्सलेशन फीचर वारंवार प्रवास करणाऱ्या तसेच गोंगाट असलेल्या वातावरणात किंवा बाहेरून कॉल करणाऱ्या लोकांसाठी उपयुक्त ठरण्याची शक्यता आहे.

व्हॉट्सअॅप व्हॉइस आणि व्हिडिओ कॉलसाठी नॉइज कॅन्सलेशन फीचरची चाचणी करत आहे

व्हॉट्सअ‍ॅप फीचर ट्रॅकर WABetaInfo च्या अहवालानुसार, व्हॉट्सअ‍ॅप काही निवडक वापरकर्त्यांसाठी व्हॉईस आणि व्हिडिओ कॉलसाठी नॉइज कॅन्सलेशन फीचर सुरू करत आहे. Android बीटा व्हर्जन 2.26.14.1 असलेल्या वापरकर्त्यांना हे नवे फीचर मिळत असल्याचे सांगितले जाते. हे फीचर रिअल टाइममध्ये ट्रॅफिक आणि वाऱ्यासारख्या पार्श्वभूमीतील आवाजांना फिल्टर करून कॉल अधिक स्पष्ट बनवते.

Photo Credit: Wabetainfo

अहवालानुसार, जर फक्त एका वापरकर्त्याने नॉइज कॅन्सलेशन फीचर सुरू केले असेल, तर त्याचा आवाज समोरील व्यक्तीला अधिक स्पष्ट ऐकू येईल. मात्र, दोन्ही वापरकर्त्यांनी हे फीचर सुरू केले नसल्यास येणाऱ्या (इनकमिंग) ऑडिओची गुणवत्ता सुधारली जाणार नाही. WhatsApp हे फीचर येत्या काही आठवड्यांत सर्व वापरकर्त्यांसाठी जाहीर करण्याची शक्यता आहे. हे फीचर प्रथम गेल्या महिन्यात Android साठी WhatsApp बीटा अ‍ॅपच्या 2.26.11.8 या आवृत्तीत विकसित होताना दिसून आले होते.

दरम्यान, Meta ने WhatsApp साठी अनेक नवीन फीचर्स जारी केल्याचे सांगितले जात आहे. सध्या Apple CarPlay साठी स्वतंत्र अॅप तयार करण्यात येत असून ते सध्या TestFlight द्वारे बीटा टप्प्यात उपलब्ध आहे.तसेच, आता वापरकर्ते Manage Storage पर्यायाच्या माध्यमातून चॅटमधील मोठ्या फाइल्स स्वतः शोधून डिलीट करू शकतात. याशिवाय, iOS डिव्हाइसेसवर दोन अकाउंट्स वापरण्याची सुविधाही जोडण्यात आली आहे.