Xiaomi 17T झाला स्वस्त; ₹5,000 सूट पाहून ग्राहक खुश!

Xiaomi ने भारतात T सीरिजमधील पहिला स्मार्टफोन Xiaomi 17T लॉन्च केला आहे. या फोनमध्ये 67W हायपरचार्जला सपोर्ट करणारी 6500mAh बॅटरी देण्यात आली आहे. तसेच Leica 5x पेरिस्कोप टेलिफोटो सिस्टम आणि 6.59 इंच AMOLED डिस्प्ले देण्यात आला आहे. हा फोन 50 मेगापिक्सेल प्रायमरी कॅमेरा आणि 32 मेगापिक्सेल फ्रंट कॅमेऱ्यासह सुसज्ज आहे. येथे आम्ही तुम्हाला Xiaomi 17T चे फीचर्स, स्पेसिफिकेशन्स आणि किंमत याबद्दल सविस्तर माहिती देत आहोत.

Xiaomi 17T किंमत

Xiaomi 17T च्या 12GB+256GB स्टोरेज व्हेरिएंटची किंमत 59,999 रुपये असून 12GB+512GB स्टोरेज व्हेरिएंटची किंमत 64,999 रुपये आहे. आजपासून या स्मार्टफोनची विक्री सुरू झाली आहे. ग्राहक हा फोन 5,000 रुपयांच्या इन्स्टंट डिस्काउंटसह खरेदी करू शकतात, ज्यामुळे त्याची किंमत आणखी कमी होईल. हा फोन Xiaomi च्या वेबसाइटवर आणि ई-कॉमर्स साइट Amazon वरून खरेदी करता येईल.

Xiaomi 17T स्पेसीफिकेशन

Xiaomi 17T मध्ये 6.59 इंचांचा 1.5K OLED डिस्प्ले देण्यात आला आहे, ज्याचे रिझोल्यूशन 2756x1268 पिक्सेल, 120Hz रिफ्रेश रेट आणि 3500 निट्सपर्यंत पीक ब्राइटनेस आहे. सुरक्षेसाठी या फोनमध्ये इन-डिस्प्ले फिंगरप्रिंट सेन्सर देण्यात आला आहे. हा फोन ऑक्टा-कोर MediaTek Dimensity 8500-Ultra प्रोसेसरने सुसज्ज आहे. यात 12GB LPDDR5X RAM सोबत 256GB / 512GB UFS 4.1 इनबिल्ट स्टोरेज देण्यात आले आहे. हा फोन Android 16 आधारित Xiaomi HyperOS 3 वर कार्य करतो. तसेच धूळ आणि पाण्यापासून संरक्षणासाठी IP68 रेटिंग देण्यात आली आहे. या फोनमध्ये 6500mAh बॅटरी असून ती 67W फास्ट चार्जिंगला सपोर्ट करते.

कॅमेरा सेटअपबाबत बोलायचे झाल्यास, या फोनच्या मागील बाजूस f/1.7 अपर्चरसह 50 मेगापिक्सेल Light Fusion कॅमेरा, f/3.0 अपर्चरसह 50 मेगापिक्सेल पेरिस्कोप टेलिफोटो कॅमेरा आणि f/3.0 अपर्चरसह 12 मेगापिक्सेल अल्ट्रा-वाइड-अँगल कॅमेरा देण्यात आला आहे. तर सेल्फी आणि व्हिडिओ कॉलिंगसाठी 32 मेगापिक्सेल फ्रंट कॅमेरा मिळतो. कनेक्टिव्हिटी पर्यायांमध्ये 5G, USB Type-C पोर्ट, ड्युअल 4G VoLTE, Wi-Fi 7, Bluetooth 6.0, GPS आणि NFC यांचा समावेश आहे. डायमेंशनच्या बाबतीत या फोनची लांबी 157.6 मिमी, रुंदी 75.2 मिमी, जाडी 8.17 मिमी असून वजन 200 ग्रॅम आहे