Netflix फ्री पाहायचंय? Flipkart देत आहे जबरदस्त गिफ्ट!

Flipkart वर शॉपिंग करणाऱ्या ग्राहकांना आता मोफत Netflix सब्सक्रिप्शन मिळणार आहे. होय, ई-कॉमर्स क्षेत्रातील दिग्गज Flipkart ने Netflix सोबत भागीदारी केली आहे.Flipkart वरून खरेदी केल्यास 1 महिन्याचे Netflix Mobile सब्सक्रिप्शन पूर्णपणे मोफत मिळेल. विशेष म्हणजे, हे ऑर्डर्स तुम्ही कंपनीच्या तिन्ही सेवांपैकी कोणत्याही सेवेद्वारे म्हणजे Flipkart, Flipkart Grocery किंवा Flipkart Minutes वरून करू शकता. चला जाणून घेऊया कोणत्या ग्राहकांना हे मोफत सब्सक्रिप्शन मिळेल आणि किती ऑर्डर्सवर हा लाभ मिळणार आहे.

Flipkart ने आपल्या ग्राहकांसाठी मोफत Netflix सब्सक्रिप्शन मिळवण्याची संधी उपलब्ध करून दिली आहे. 1 ऑगस्टपासून पात्र ग्राहकांना या ऑफरचा लाभ घेता येणार आहे. ही ऑफर Flipkart Plus सदस्यांसाठी उपलब्ध असेल. Flipkart Plus सदस्य आवश्यक खरेदी करून दर महिन्याला मोफत Netflix Mobile प्लॅन मिळवू शकतात. ई-कॉमर्स कंपनीने आपल्या लॉयल्टी प्रोग्रामअंतर्गत स्ट्रीमिंगचा लाभ देण्यासाठी Netflix सोबत भागीदारी केली आहे. त्यामुळे ग्राहकांना सब्सक्रिप्शन किंवा रिचार्जसाठी वेगळे पैसे खर्च करावे लागणार नाहीत आणि ते मोफत मनोरंजनाचा आनंद घेऊ शकतील.

किती ऑर्डर्सवर मिळेल मोफत Netflix प्लॅन

1 ऑगस्टपासून ही योजना Flipkart Plus सदस्यांसाठी लागू झाली आहे. Flipkart Plus सदस्यांनी एका कॅलेंडर महिन्यात Flipkart, Flipkart Grocery किंवा Flipkart Minutes वर किमान ₹299 किमतीच्या चार पात्र ऑर्डर्स पूर्ण करणे आवश्यक आहे. चौथी पात्र ऑर्डर पूर्ण झाल्यानंतर ग्राहकांना कोणतेही अतिरिक्त शुल्क न भरता Flipkart अॅपद्वारे 30 दिवसांचा Netflix Mobile प्लॅन थेट अॅक्टिव्हेट करता येईल.

30 दिवसांनंतर पुन्हा मोफत प्लॅन कसा मिळवायचा?

Netflix चा मोफत Mobile प्लॅन ग्राहकांना 30 दिवसांसाठी दिला जाईल. 30 दिवस पूर्ण झाल्यानंतर पुन्हा हा लाभ मिळवण्यासाठी ग्राहकांनी पुढील कॅलेंडर महिन्यात पुन्हा चार पात्र ऑर्डर्स पूर्ण कराव्या लागतील. ही ऑफर Flipkart च्या संपूर्ण इकोसिस्टममध्ये उपलब्ध आहे, ज्यामध्ये Flipkart Grocery आणि Flipkart Minutes या क्विक कॉमर्स सेवांचाही समावेश आहे.