Sony चे वायरलेस हेडफोन्स, सुंदर ऑलिव्ह ग्रे रंगात पुढच्या आठवड्यात होणार लॉन्च

Sony च्या अपकमिंग वायरलेस हेडफोन्स WH-1000XM6 संदर्भात एक मोठे अपडेट समोर आले आहे. कंपनी हे हेडफोन्स नवीन रंगात सादर करणार आहे. हा नवीन Olive Grey कलर शेड असेल. हे सोनीचे ओव्हर-इअर वायरलेस हेडफोन्स असून कंपनीने ते गेल्या वर्षी लॉन्च केले होते. अलीकडेच सोनीने याचे काही नवीन कलर व्हेरिएंट सादर केले होते आणि आता त्यात आणखी एका नवीन रंगाची भर पडणार आहे. चला, याबद्दल सविस्तर जाणून घेऊया.

Sony WH-1000XM6 हे आगामी वायरलेस हेडफोन्स लवकरच नवीन रंगात बाजारात लॉन्च होऊ शकतात. The Walkman Blog आणि Roland Quandt यांनी या नवीन कलर शेडची माहितीसमोर आली आहे. Sony WH-1000XM6 चे ग्लोबल लॉन्च पुढील आठवड्यात होण्याची शक्यता आहे. रिपोर्टनुसार, या हेडफोन्सचा नवीन कलर व्हेरिएंट 3 ते 5 ऑगस्टदरम्यान बाजारात सादर केला जाऊ शकतो. हे हेडफोन्स नवीन Olive Grey कलर शेडमध्ये लॉन्च होणार आहेत.

Sony WH-1000XM6 साठी कंपनीने फेब्रुवारी 2026 मध्ये Sand Pink कलर व्हेरिएंट लॉन्च केला होता. त्यानंतर अलीकडेच कंपनीने याचा Sandstone व्हेरिएंटही सादर केला. आता या मालिकेत आणखी एक नवीन कलर व्हेरिएंट उपलब्ध होणार आहे. Olive Grey हा प्रत्यक्षात WH1000XM6G.CE7 या मॉडेल क्रमांकाशी संबंधित असल्याचे सांगितले जात आहे. येथे G म्हणजे Green असा अर्थ आहे. दरम्यान, एका रिटेलरनेही या नवीन व्हेरिएंटचे काही फोटो शेअर केले आहेत. नवीन Olive Grey व्हेरिएंटची किंमत 459 डॉलर सुमारे 43,700 रुपये असू शकते.

Sony WH-1000XM6 मध्ये कंपनीने 30mm ड्रायव्हर्स दिले आहेत. कंपनीचा दावा आहे की हे हेडफोन्स हाय-फ्रिक्वेन्सी रिप्रोडक्शन आणि अधिक स्पष्ट व्होकल क्लॅरिटी देतात. यामध्ये 30 तासांची बॅटरी लाइफ दिली असून फास्ट चार्जिंग फीचरचाही समावेश आहे. कंपनीच्या म्हणण्यानुसार, केवळ 3 मिनिटांच्या चार्जिंगमध्ये 3 तासांचे म्युझिक प्लेबॅक मिळू शकते. या हेडफोन्सचे खास वैशिष्ट्य म्हणजे त्यांचा रुंद हेडबँड, जो डोक्यावर येणारा दाब कमी करतो. तसेच, अधिक आरामदायी म्युझिक ऐकण्याच्या अनुभवासाठी यामध्ये मऊ इअरपॅड्स वापरण्यात आले आहेत.