Acerचा अनोखा फोन लॉन्च! दोन डिस्प्ले आणि 5000mAh बॅटरीची ताकद

Acer ने नवीन Sospiro A15 स्मार्टफोन सादर केला आहे.

Written by Gadgets 360 Staff अद्यतनीत: 13 जुलै 2026 15:42 IST

Acerचा अनोखा फोन लॉन्च! दोन डिस्प्ले आणि 5000mAh बॅटरीची ताकद

महत्वाचे मुद्दे

6.67-इंच HD+ 120Hz मुख्य डिस्प्ले आणि 1.88-इंच रिअर डिस्प्ले
64MP AI ड्युअल रिअर कॅमेरा, 16MP सेल्फी कॅमेरा
5,000mAh बॅटरीला 18W फास्ट चार्जिंगचा सपोर्ट

जाहिरात

लॅपटॉप बनवणारी कंपनी Acer ने आपला नवा स्मार्टफोन लॉन्च केला आहे. कंपनीने नवीन Acer Sospiro A15 स्मार्टफोन बाजारात सादर केला असून यात 64 मेगापिक्सेल कॅमेरा दिला आहे. फोनमध्ये HD+ IPS डिस्प्ले आहे. यात Unisoc चिपसेटसह 6GB रॅम आणि 128GB स्टोरेज मिळते. तसेच 5000mAh क्षमतेची मोठी बॅटरी आणि 18W फास्ट चार्जिंगचा सपोर्ट देण्यात आला आहे. चला, जाणून घेऊया याची किंमत आणि फीचर्स सविस्तर.

Acer Sospiro A15 फोनची किंमत

Acer Sospiro A15 हा स्मार्टफोन कंपनीने अमेरिकन बाजारात लॉन्च केला आहे. याची किंमत अद्याप जाहीर करण्यात आलेली नाही. कंपनीच्या अधिकृत वेबसाइटवर हा फोन लिस्ट करण्यात आला आहे. हा स्मार्टफोन Orange आणि Blue या दोन रंगांमध्ये उपलब्ध आहे.

Acer Sospiro A15 फोन स्पेसीफिकेशन

Acer Sospiro A15 मध्ये 6.67 इंचाचा HD+ IPS डिस्प्ले देण्यात आला आहे. यात 120Hz रिफ्रेश रेट आणि वॉटरड्रॉप नॉच डिझाइन आहे. या फोनचे सर्वात खास वैशिष्ट्य म्हणजे याचा रिअर डिस्प्ले. म्हणजेच फोनच्या मागील बाजूस कंपनीने 1.88 इंचाचा TFT डिस्प्ले दिला आहे. या डिस्प्लेच्या मदतीने नोटिफिकेशन्स पाहता येतात, म्युझिक प्लेबॅक कंट्रोल करता येतो आणि सेल्फीसाठी व्ह्यूफाइंडर म्हणूनही वापर करता येतो. म्हणजेच आता मुख्य कॅमेऱ्याचा वापर करूनही या डिस्प्लेमध्ये पाहत सेल्फी घेता येणार आहे.

प्रोसेसिंगसाठी फोनमध्ये Unisoc T615 चिपसेट देण्यात आला आहे. मात्र, यात 5G कनेक्टिव्हिटी नसल्यामुळे काही वापरकर्त्यांची निराशा होऊ शकते. फोनमध्ये 6GB रॅम आणि 128GB इंटरनल स्टोरेज मिळते. याशिवाय 14GB पर्यंत व्हर्च्युअल रॅम सपोर्ट दिला आहे. तसेच मायक्रोSD कार्डच्या मदतीने स्टोरेज 1TB पर्यंत वाढवता येते. हा फोन Android 16 वर आधारित असून आउट-ऑफ-द-बॉक्स त्याच ऑपरेटिंग सिस्टिमसह येतो.

Acer Sospiro A15 मध्ये 64MP AI कॅमेरा देण्यात आला आहे. मुख्य कॅमेरा 64MP चा असून त्यासोबत एक सेकंडरी सेन्सरही आहे. यात AI फीचर्सचा सपोर्ट देण्यात आला आहे. तसेच LED फ्लॅशही उपलब्ध आहे. फोनच्या समोरील बाजूस 16 मेगापिक्सेल फ्रंट कॅमेरा देण्यात आला असून तो सेल्फी आणि व्हिडिओ कॉलिंगसाठी वापरता येतो.

फोनमध्ये 5000mAh क्षमतेची मोठी बॅटरी देण्यात आली आहे. त्यासोबत कंपनीने 18W फास्ट चार्जिंगचा सपोर्ट दिला आहे. कनेक्टिव्हिटीसाठी Wi-Fi, Bluetooth 5.0, NFC, GPS, VoLTE, ViLTE, FM Radio, USB Type-C पोर्ट आणि 3.5mm हेडफोन जॅक देण्यात आला आहे. धूळ आणि पाण्यापासून संरक्षणासाठी फोनला IP64 रेटिंग मिळाली आहे. तसेच सुरक्षेसाठी साइड-माउंटेड फिंगरप्रिंट स्कॅनरही देण्यात आली आहे.