Google Pixel 11a चे स्पेसिफिकेशन्स लीक! Tensor G6 चिप, 120Hz डिस्प्ले आणि 48MP कॅमेरा

Google आपल्या पुढील परवडणाऱ्या A-सीरिज स्मार्टफोनवर काम करत आहे. कथित Pixel 11a बाबत एका लीकमधून प्रोसेसर, डिस्प्ले, बॅटरी, कॅमेरा आणि रंगांच्या पर्यायांची माहिती समोर आली आहे. टिपस्टरनुसार, आगामी Google स्मार्टफोनमध्ये 6.3 इंचाचा 120Hz डिस्प्ले, कंपनीचा Tensor G6 SoC चिपसेट आणि 4,870mAh बॅटरी मिळू शकते. चला तर मग Google Pixel 11a चे फीचर्स, स्पेसिफिकेशन्स आणि इतर वैशिष्ट्यांविषयी सविस्तर जाणून घेऊया.

Google Pixel 11a कधी होणार लॉन्च

यापूर्वीच्या रिपोर्ट्सनुसार Pixel 11 लाइनअप ऑगस्ट 2026 च्या सुमारास सादर होऊ शकतो, तर A-सीरिज मॉडेल मार्च 2027 च्या आसपास अधिकृतपणे लॉन्च होण्याची शक्यता आहे. मात्र, Google ने अद्याप लॉन्चची अधिकृत तारीख जाहीर केलेली नाही.

Google Pixel 11a स्पेसीफिकेशन (Expected)

टिपस्टर Mystery Leaks यांनी टेलिग्रामवरील एका पोस्टमध्ये Google Pixel 11a चे स्पेसिफिकेशन्स उघड केले आहेत. कथित फोनचे अंतर्गत कोडनेम 'Formosan' असल्याचे सांगितले जात आहे आणि तो आगामी Tensor G6 चिपसेटसह येऊ शकतो. हा चिपसेट कदाचित याच फोनसोबत लॉन्च केला जाईल. प्रोसेसरसोबत Google ची Titan M3 सिक्युरिटी चिपही मिळू शकते, जी यापूर्वीच्या मॉडेल्समध्येही देण्यात आली होती.

Pixel 11a मध्ये 6.3 इंचाचा डिस्प्ले मिळण्याची अपेक्षा आहे, ज्याचे रिझोल्यूशन 1080x2424 पिक्सेल, 120Hz रिफ्रेश रेट, 2,250 निट्स HDR ब्राइटनेस आणि 3,350 निट्स पीक ब्राइटनेस असू शकते. तसे झाल्यास हा फोन मागील Pixel A-सीरिज मॉडेलच्या तुलनेत अधिक ब्राइट डिस्प्ले देईल, कारण Pixel 10a मध्ये 3,000 निट्सपर्यंत पीक ब्राइटनेस असलेला डिस्प्ले होता. Pixel 11a मध्ये Samsung च्या Exynos मॉडेमऐवजी MediaTek चा M90 मॉडेम दिला जाऊ शकतो. यामुळे कनेक्टिव्हिटी, नेटवर्क स्थिरता आणि थर्मल परफॉर्मन्सशी संबंधित समस्या कमी होण्याची शक्यता आहे.

कॅमेरा सेटअपबाबत बोलायचे झाल्यास, Pixel 11a मध्ये नवीन फ्रंट-फेसिंग कॅमेरा सेन्सर मिळू शकतो, ज्याला अंतर्गतरित्या dokkaebi असे कोडनेम देण्यात आले आहे. यामुळे सेल्फी आणि व्हिडिओ कॉलिंगचा अनुभव अधिक चांगला होऊ शकतो. सध्या रिअर कॅमेऱ्यांबाबत कोणतीही माहिती समोर आलेली नाही. Google मिड-रेंज सेगमेंटमध्येही फ्लॅगशिप दर्जाचा कॅमेरा देऊ शकते, अशी शक्यता वर्तवली जात आहे. Pixel 11a मध्ये 8GB RAM मिळण्याची अपेक्षा आहे. तसेच यात 4,870mAh क्षमतेची बॅटरी दिली जाऊ शकते. डिझाइनच्या बाबतीत हा फोन Obsidian (ब्लॅक), Olive (ग्रीन), Frost (पर्पल) आणि Fog (सिल्व्हर) अशा चार रंगांच्या पर्यायांमध्ये उपलब्ध होऊ शकतो.