Honor X7e Plus 5G लॉन्च; 8GB रॅमसह तब्बल 8,100mAh बॅटरीची ताकद

Honor X7e Plus 5G ला कंपनीने नवीन स्मार्टफोन म्हणून बाजारात सादर केले आहे. या फोनमध्ये 6.87 इंचाचा TFT LCD डिस्प्ले देण्यात आला आहे. प्रोसेसिंगसाठी यात Snapdragon 4 Gen 4 चिपसेट असून 8GB रॅम आणि 256GB स्टोरेज दिले आहे. हा फोन Android 16 आधारित MagicOS 10 वर चालतो. फोटोग्राफीसाठी यात 50 मेगापिक्सेलचा मुख्य कॅमेरा देण्यात आला आहे. सेल्फीसाठी 5 मेगापिक्सेलचा फ्रंट कॅमेरा मिळतो. हा फोन मोठ्या बॅटरीसह येतो आणि फास्ट चार्जिंगलाही सपोर्ट करतो. तसेच यात AI Memory, Circle to Search, AI Eraser, AI Summary यांसारखी अनेक AI फीचर्स देण्यात आली आहेत.

Honor X7e Plus 5G किंमत 

Honor X7e Plus 5G कंपनीने कतारमध्ये लॉन्च केला आहे. तेथे त्याच्या 6GB+128GB बेस व्हेरिएंटची किंमत QAR 999 (सुमारे 26,000 रुपये) आहे. हा फोन कंपनीच्या अधिकृत वेबसाइटवर लिस्ट करण्यात आला आहे. हा स्मार्टफोन Desert Gold, Velvet Black आणि Meteor Silver या तीन रंगांच्या पर्यायांमध्ये उपलब्ध आहे.

Honor X7e Plus 5G स्पेसिफिकेशन

Honor X7e Plus 5G मध्ये 6.87 इंचाचा TFT LCD डिस्प्ले देण्यात आला आहे. हा डिस्प्ले HD+ रिझोल्यूशन (1592 x 720 पिक्सेल) सह येतो. फोनमध्ये 120Hz रिफ्रेश रेटचा सपोर्ट आहे. तसेच 1020 निट्स पीक ब्राइटनेस दिली आहे. डोळ्यांवरील ताण कमी करण्यासाठी यात Eye Comfort Mode देखील देण्यात आला आहे. प्रोसेसिंगसाठी यात Snapdragon 4 Gen 4 चिपसेट असून 8GB रॅम आणि 256GB स्टोरेज देण्यात आले आहे. हा फोन Android 16 आधारित MagicOS 10 वर चालतो.

कॅमेऱ्याबाबत बोलायचे झाल्यास, यात 50 मेगापिक्सेलचा मुख्य कॅमेरा देण्यात आला आहे. त्यासोबत एक सेकंडरी सेन्सर देखील आहे. सेल्फी आणि व्हिडिओ कॉलिंगसाठी 5 मेगापिक्सेलचा फ्रंट कॅमेरा मिळतो. उत्तम ऑडिओ अनुभवासाठी यात स्टीरिओ स्पीकर्स देण्यात आले आहेत. या फोनमध्ये 8100mAh ची मोठी बॅटरी असून 45W फास्ट चार्जिंगचा सपोर्ट आहे. कंपनीने या स्मार्टफोनला IP68, IP69 आणि IP69K रेटिंग दिली आहे. तसेच तो क्रश-रेझिस्टन्स सर्टिफिकेशनसह येतो. फोनचे डायमेन्शन्स 168.3 x 78.54 x 8.3mm असून त्याचे वजन 216.5 ग्रॅम आहे.