Samsung Galaxy Z Fold 6 वर तब्बल ₹19,000 ची सूट! फोल्डेबल फोन खरेदीची मोठी संधी

जर तुम्ही जास्त किंमतीमुळे नवीनतम फोल्डेबल फोन खरेदी करू शकत नसाल, तर Samsung Galaxy Z Fold 6 5G हा एक चांगला पर्याय ठरू शकतो.

Written by Gadgets 360 Staff अद्यतनीत: 30 जुलै 2026 11:25 IST

Samsung Galaxy Z Fold 6 वर तब्बल ₹19,000 ची सूट! फोल्डेबल फोन खरेदीची मोठी संधी

महत्वाचे मुद्दे

Samsung Galaxy Z Fold 6 5G मध्ये 4,400mAh क्षमतेची बॅटरी आहे.
Samsung Galaxy Z Fold 6 5G मध्ये 50-मेगापिक्सलचा वाइड-अँगल कॅमेरा आहे.
Samsung Galaxy Z Fold 6 5 मध्ये स्नॅपड्रॅगन 8 जनरेशन 3 प्रोसेसर आहे.

जाहिरात

Samsung ने अलीकडेच आपले फोल्डेबल स्मार्टफोन Samsung Galaxy Z Fold 8 5G लॉन्च केले आहेत. जर जास्त किंमत असल्यामुळे तुम्हाला नवीन फोल्डेबल फोन खरेदी करता आला नसेल, तर Samsung Galaxy Z Fold 6 5G हा एक चांगला पर्याय ठरू शकतो. सध्या Galaxy Z Fold 6 5G फ्लिपकार्टवर मोठ्या डिस्काउंटसह उपलब्ध आहे. या फोल्डेबल स्मार्टफोनवर मोठी किंमत कपात करण्यात आली असून, बँक ऑफरमुळेही चांगली बचत होत आहे. चला तर मग Samsung Galaxy Z Fold 6 5G वरील डील, डिस्काउंट आणि स्पेसिफिकेशन्सबद्दल सविस्तर जाणून घेऊया.

Samsung Galaxy Z Fold 6 5G किंमत आणि ऑफर

Samsung Galaxy Z Fold 6 5G चा 12GB+256GB स्टोरेज व्हेरिएंट फ्लिपकार्टवर 1,49,999 मध्ये लिस्ट करण्यात आला आहे. बँक ऑफरअंतर्गत फ्लिपकार्ट SBI क्रेडिट कार्डद्वारे पेमेंट केल्यास 4,000 चा फ्लॅट इन्स्टंट डिस्काउंट मिळू शकतो. त्यानंतर या फोनची किंमत 1,45,999 इतकी राहते. हा स्मार्टफोन जुलै 2024 मध्ये 1,64,999 च्या सुरुवातीच्या किमतीत लॉन्च झाला होता. म्हणजेच सध्या तो 19,000 स्वस्त मिळत आहे.

Samsung Galaxy Z Fold 6 5G फीचर आणि स्पेसीफिकेशन
Samsung Galaxy Z Fold 6 5G मध्ये 7.6 इंचाचा QXGA+ Dynamic AMOLED 2X Infinity Flex प्रायमरी डिस्प्ले देण्यात आला आहे, ज्याचे रिझोल्यूशन 1856x2160 पिक्सेल आहे. तर बाहेरील बाजूस 6.3 इंचाचा HD+ Dynamic AMOLED 2X आउटर डिस्प्ले मिळतो, ज्याचे रिझोल्यूशन 968x2376 पिक्सेल आहे. हा स्मार्टफोन Android 16 ऑपरेटिंग सिस्टीमवर चालतो. यात Qualcomm Snapdragon 8 Gen 3 प्रोसेसर देण्यात आला आहे. तसेच 25W फास्ट चार्जिंग सपोर्टसह 4,400mAh बॅटरी मिळते. धूळ आणि पाण्यापासून संरक्षणासाठी या फोनला IP48 रेटिंग देण्यात आली आहे.

कॅमेरा सेटअपबद्दल बोलायचे झाल्यास, Galaxy Z Fold 6 5G च्या मागील बाजूस 50 मेगापिक्सेलचा वाइड अँगल कॅमेरा (f/1.8 अपर्चर आणि OIS सपोर्ट), 12 मेगापिक्सेलचा अल्ट्रा-वाइड अँगल कॅमेरा (f/2.2 अपर्चर) आणि 10 मेगापिक्सेलचा टेलिफोटो कॅमेरा देण्यात आला आहे. तर सेल्फी आणि व्हिडिओ कॉलिंगसाठी 10 मेगापिक्सेलचा फ्रंट कॅमेरा (f/2.2 अपर्चर) आणि 4 मेगापिक्सेलचा अंडर-डिस्प्ले फ्रंट कॅमेरा (f/2.8 अपर्चर) मिळतो.

कनेक्टिव्हिटीसाठी या फोनमध्ये 5G, 4G LTE, Wi-Fi 6E, Bluetooth 5.3 आणि NFC यांचा समावेश आहे. तसेच सुरक्षा फीचरसाठी या स्मार्टफोनमध्ये साइड-माउंटेड फिंगरप्रिंट सेन्सर देण्यात आला आहे.

हे सुद्धा वाचा :
https://marathi.gadgets360.com/samsung/samsung-launches-galaxy-z-fold-8-with-50mp-camera-4-800mah-battery-and-ai-powered-features-news-11812596