Motorola Edge 70 Pro+ ची आजपासून विक्री सुरू! 50MP चे 4 कॅमेरे, 6500mAh बॅटरी आणि 256GB स्टोरेजसह दमदार एंट्री

Motorola ने अलीकडेच भारतात Edge 70 Pro+ लॉन्च केला होता.  या स्मार्टफोन मध्ये 50 मेगापिक्सेल मुख्य सेन्सरसह ट्रिपल रिअर कॅमेरा सेटअप, ऑक्टा-कोर MediaTek Dimensity 8500 Extreme SoC, 6,500mAh बॅटरी आणि 90W फास्ट चार्जिंग सपोर्ट मिळतो. हा फोन प्रीमियम मिड-रेंज कॅटेगरीमध्ये सादर करण्यात आला असून आजपासून खरेदीसाठी उपलब्ध आहे.

Motorola Edge 70 Pro+ च्या 12GB/256GB व्हेरिएंटची किंमत 47,999 रुपये ठेवण्यात आली आहे. आजपासून हा स्मार्टफोन खरेदीसाठी उपलब्ध आहे. काही लॉन्च ऑफर्सही देण्यात आले आहेत, जसे की 3,000 रुपयांपर्यंत बँक डिस्काउंट आणि एक्सचेंज बोनस. हा स्मार्टफोन Motorola ची अधिकृत वेबसाइट, Flipkart आणि भागीदार रिटेल स्टोअर्सद्वारे खरेदी करता येईल. 

Motorola Edge 70 Pro+ ला Pantone-क्युरेटेड रंग पर्यायांमध्ये सादर करण्यात आले आहे. यामध्ये सॅटिन-लक्स फिनिशसह Pantone Zinfandel, स्कल्प्टेड वुड फिनिशसह Pantone Chicory Coffee आणि ट्विल-प्रेरित फिनिशसह Pantone Stormy Sea या रंगांचा समावेश आहे.

Motorola Edge 70 Pro+ स्पेसीफिकेशन

Motorola Edge 70 Pro+ मध्ये 6.8 इंचांचा Super HD+ Extreme AMOLED डिस्प्ले देण्यात आला आहे, ज्याचे रिझोल्यूशन 2772x1272 पिक्सेल, 144Hz रिफ्रेश रेट, 5200 निट्स पीक ब्राइटनेस आणि HDR10+ सपोर्ट आहे. डिस्प्लेला Gorilla Glass 7i प्रोटेक्शन देण्यात आले आहे. या फोनमध्ये ऑक्टा-कोर MediaTek Dimensity 8500 Extreme चिपसेट आहे. यात 12GB LPDDR5X RAM आणि 256GB UFS 4.1 स्टोरेज देण्यात आली आहे. फोनमध्ये 6500mAh बॅटरी असून ती 90W TurboPower फास्ट चार्जिंग आणि 15W वायरलेस चार्जिंगला सपोर्ट करते.

कॅमेरा सेटअपबद्दल बोलायचे झाल्यास, Edge 70 Pro+ च्या मागील बाजूस OIS सपोर्ट आणि f/1.8 अपर्चरसह 50 मेगापिक्सेल Sony LYTIA 710 प्रायमरी कॅमेरा, 50x Super Zoom Pro सह 50 मेगापिक्सेलचा 3.5x पेरिस्कोप कॅमेरा आणि 50 मेगापिक्सेलचा अल्ट्रा-वाइड + मॅक्रो व्हिजन कॅमेरा देण्यात आला आहे. तर सेल्फी आणि व्हिडिओ कॉलसाठी 50 मेगापिक्सेलचा Quad Pixel फ्रंट कॅमेरा आहे. हा फोन धूळ आणि पाण्यापासून संरक्षणासाठी IP68 + IP69 रेटिंगसह येतो, तसेच MIL-STD-810H मिलिटरी-ग्रेड ड्युरेबिलिटीही देण्यात आली आहे. फोनमध्ये Dolby Atmos आणि Hi-Res Audio आधारित स्टीरिओ स्पीकर्स आहेत.

हा फोन Android 16-आधारित Hello UI वर चालतो. कंपनीकडून 3 ऑपरेटिंग सिस्टम अपग्रेड्स आणि 5 वर्षांचे SMR अपडेट्स देण्याचे आश्वासन देण्यात आले आहे. कनेक्टिव्हिटी पर्यायांमध्ये 5G, ड्युअल 4G VoLTE, Wi-Fi 6E, Bluetooth 5.4, GPS, USB Type-C 2.0 आणि NFC यांचा समावेश आहे.