कम्युनिटी सेल सुरू: OnePlus 15 पासून Pad 4 पर्यंत बंपर डिस्काउंट

भारतातील OnePlus Community Sale 2026 ची घोषणा गुरुवारी करण्यात आली. मर्यादित कालावधीसाठी चालणाऱ्या या सेलमध्ये OnePlus च्या विविध प्रॉडक्टवर सवलती, बँक ऑफर्स आणि नो-कॉस्ट EMI पर्याय उपलब्ध आहेत. कंपनीने फ्लॅगशिप OnePlus 15 आणि OnePlus 15R सोबतच OnePlus 13 सिरीज, नवीन Nord स्मार्टफोन्स, टॅब्लेट्स आणि ऑडिओ प्रॉडक्टवरही ऑफर्स जाहीर केल्या आहेत. ग्राहकांना या ऑफर्सचा लाभ OnePlus India, Amazon, Flipkart आणि निवडक ऑफलाइन रिटेल चॅनेल्सद्वारे घेता येईल.

OnePlus Community Sale ऑफर्स

ऑफर्सपैकी एक महत्वपूर्ण ऑफर म्हणजे OnePlus 15ची आहे. कंपनीने आपल्या फ्लॅगशिप स्मार्टफोनवर 3,000 रुपयांची बँक सवलत जाहीर केली आहे. त्यामुळे त्याची प्रभावी किंमत 77,999 रुपयांवरून 74,999 रुपये इतकी होते. OnePlus 15R वरही अशीच बँक ऑफर उपलब्ध आहे, ज्यामुळे त्याची प्रभावी किंमत 51,999 रुपये होते.

प्रीमियम किंमत न मोजता फ्लॅगशिप फोन खरेदी करू इच्छिणाऱ्यांसाठी OnePlus 13 हा चांगला पर्याय ठरू शकतो. मूळ किंमत 69,999 रुपये असलेल्या या पूर्वीच्या फ्लॅगशिप मॉडेलवर 12,000 रुपयांची तात्पुरती किंमत कपात आणि 5,000 रुपयांची इन्स्टंट बँक सवलत मिळत आहे. त्यामुळे त्याची  किंमत 52,999 रुपये होते. दरम्यान, कॉम्पॅक्ट OnePlus 13s वरही 2,000 रुपयांची सवलत आणि 3,000 रुपयांची बँक ऑफर मिळत असून त्याची किंमत 49,999 रुपये झाली आहे.

OnePlus आपल्या Nord सिरीजवरही Community Sale ऑफर्स देत आहे. नवीन OnePlus Nord 6 हा 2,000 रुपयांच्या इन्स्टंट बँक सवलतीसह 40,999 रुपयांना उपलब्ध आहे. OnePlus Nord CE6 हा 2,000 रुपयांच्या बँक सवलतीनंतर 29,999 रुपयांच्या प्रभावी किमतीत खरेदी करता येईल, तर Nord CE6 Lite वर 1,500 रुपयांची इन्स्टंट बँक सवलत मिळत असून त्याची किंमत 21,499 रुपये होते.

कंपनी निवडक मॉडेल्सवर पात्र क्रेडिट कार्ड व्यवहारांसाठी सहा महिन्यांपर्यंत नो-कॉस्ट EMI ची सुविधाही देत आहे.

स्मार्टफोन्सव्यतिरिक्त, OnePlus ने टॅब्लेट्सवरही आकर्षक ऑफर्स जाहीर केल्या आहेत. OnePlus Pad 4 वर 3,000 रुपयांची इन्स्टंट बँक सवलत मिळत असून त्याची किंमत 56,999 रुपये होते. OnePlus Pad Go 2 हा 26,999 रुपयांच्या किमतीत उपलब्ध आहे, तर Pad Lite विविध सवलतीनंतर 16,999 रुपयांना खरेदी करता येईल.

किंमत कपातीसोबतच, OnePlus मर्यादित कालावधीसाठी Pad 4 सोबत मोफत Stylo Pro आणि Pad Go 2 सोबत मोफत Stylo Go 2 देत आहे.

याशिवाय, OnePlus Buds 4 हे 6,099 रुपयांना उपलब्ध आहेत, तर OnePlus Buds Pro 3 हे 11,999 रुपयांना खरेदी करता येतील. इतर सवलतीच्या उत्पादनांमध्ये Nord Buds 3, Nord Buds 3 Pro, Nord Buds 4 Pro, Bullets Wireless Z2 ANC आणि Bullets Wireless Z3 यांचा समावेश आहे.

OnePlus ने सांगितले की या ऑफर्स OnePlus India वेबसाइट, Amazon, Flipkart, Myntra, Blinkit आणि देशभरातील निवडक ऑफलाइन रिटेल भागीदारांकडे उपलब्ध आहेत. OnePlus Community Sale 10 जूनपर्यंत चालणार असली तरी काही बंडल ऑफर्स आणि प्रमोशनल फायदे केवळ 7 जूनपर्यंतच वैध असतील.
हे सुद्धा वाचा : 
https://marathi.gadgets360.com/contests/xiaomi-17t-vs-vivo-x300-fe-vs-oneplus-15-price-specifications-features-comparison-best-under-70k-features-11599194