Oppo Find X9 Ultra ची पहिली झलक आली समोर; रेट्रो स्टाइल डिझाइन आणि 4 रियर कॅमेरे असणार?

Oppo कडून त्यांच्या प्रिमियम स्मार्टफोन लाईनअपचा विस्तार केला जाणार आहे. यामध्ये Find X9 Ultra चा समावेश आहे. न्यूज रिपोर्ट्सनुसार Find X9 Ultra model हे नेहमीच्या glass-backed flagships स्मार्टफोनपेक्षा वेगळे असणार आहे. हा फोन चीनमध्ये दुसर्‍या तिमाहीमध्ये लॉन्च होण्याचा अंदाज आहे. तर फोनच्या ग्लोबल लॉन्च मध्ये भारतातही हा फोन कालांतराने उपलब्ध असणार आहे. Smartprix च्या एका अहवालानुसार, Tipster Yogesh Brar यांचा हवाला देत, Oppo Find X9 Ultra मध्ये रेट्रो-प्रेरित आणि मजबूत डिझाइन असेल. Oppo कडून अनेक फिनिश मिळण्याची अपेक्षा आहे, ज्यामध्ये स्टॅन्डर्ड ऑल-ग्लास व्हेरिएंटचा समावेश आहे. हायलाइट हा एक फ्लॅगशिप व्हर्जन असेल जो काच, धातू आणि बनावट लेदर मटेरियलने बनलेला असेल.

Oppo Find X9 Ultra हा फोन काळा, नारंगी आणि तपकिरी अशा कमीत कमी तीन रंगांमध्ये लाँच होणार असल्याचे म्हटले जात आहे. हा फोन कॉन्ट्रास्टिंग टेक्सचरसह मातीसारखा ड्युअल-टोन फिनिश देईल अशी अपेक्षा आहे, ज्यामुळे डिव्हाइसला पॉइंट-अँड-शूट कॅमेरासारखा लूक मिळेल अशी अपेक्षा आहे. अहवालात असे नमूद केले आहे की रेंडर्समध्ये दिसणारा एकूण डिझाइन अचूक असला तरी, लाँचच्या वेळी अंतिम टेक्सचर आणि कलर शेड्समध्ये थोडा फरक असू शकतो.

Oppo Find X9 Ultra च्या मुख्य मागील कॅमेऱ्यात 200-मेगापिक्सेल Sony LYT-901 सेन्सर वापरला जाण्याची शक्यता आहे. हे कदाचित 50-मेगापिक्सेल Samsung JN5 अल्ट्रा-वाइड शूटरसह जोडले जाईल. फोनमध्ये ड्युअल टेलिफोटो सेटअप देखील असण्याची अपेक्षा आहे, ज्यामध्ये 3X ऑप्टिकल झूम सह 200-मेगापिक्सेल OmniVision सेन्सर आणि 10X ऑप्टिकल झूम देणारा 50-मेगापिक्सेल Sony LYT-600 सेन्सर समाविष्ट आहे. यासोबत 300mm टेलिफोटो एक्सटेंडर असू शकतो, जो 13.2X ऑप्टिकल झूम सक्षम करतो. समोर, हँडसेटमध्ये 50-मेगापिक्सेल सेल्फी कॅमेरा असू शकतो.

लीक झालेल्या माहितीनुसार, Oppo Find X9 Ultra मध्ये 120Hz रिफ्रेश रेटसह 6.82 इंचाचा 2K फ्लॅट AMOLED डिस्प्ले असण्याची शक्यता आहे. हा फोन Snapdragon 8 Elite Gen 5 चिपसेटवर चालेल अशी अपेक्षा आहे. सॉफ्टवेअरच्या बाबतीत, हा फोन Android 16 वर आधारित ColorOS 16 सह येण्याची शक्यता आहे. बॅटरी क्षमता ही आणखी एक महत्त्वाची गोष्ट आहे, फोनमध्ये 7300mAh बॅटरी जलद वायर्ड आणि वायरलेस चार्जिंगद्वारे सपोर्टेड असल्याचे सूचित केले जात आहे.