Realme C63 5G, Realme च्या अधिकृत वेबसाईट वर खरेदीसाठी उपलब्ध.

Realme या चीनच्या स्मार्टफोन कंपनीने सर्वसामान्यांना परवडेल असा त्यांचा Realme C63 5G हा स्मार्टफोन भारतात लॉन्च केला आहे. रॅम आणि स्टोरेज च्या आधारे काही निवडक रंगांमध्ये उपलब्ध असलेला हा स्मार्टफोन दहा हजार रुपयांच्या किंमतीमध्ये तुम्ही खरेदी करू शकता. या स्मार्टफोनच्या विविध आवृत्तीनुसार त्याचे प्रकार पडतात आणि किंमत ठरते. चला तर मग बघूया काय आहेत, Realme C63 5G ची वैशिष्ट्ये आणि किंमत. 

Realme C63 5G ची वैशिष्ट्ये. 

Realme C63 5G या स्मार्टफोनचा डिस्प्ले हा 6.7 इंचाचा असून 120Hz च्या रिफ्रेश रेटसह देण्यात आला आहे, ज्याची तेजस्विता 625 nits पर्यंत वाढवता येते. Realme ने हा स्मार्टफोन लॉन्च करताना या स्मार्टफोनला TUV SUD कडून 48 महिन्यांचे फ्ल्यूएन्सी प्रमाणपत्र मिळाल्याचे जाहीर केले होते. ज्यामुळे वापरकर्ते हा स्मार्टफोन 48 महिन्यांपर्यंत कोणत्याही अडचणी शिवाय अगदी सहजपणे वापरू शकतात. MediaTek Dimensity 6300 या चिप द्वारे समर्थित असलेला हा स्मार्टफोन 40.1 तासांचा कॉलिंग टाइम, 17.3 तासांचा व्हिडिओ प्लेबॅक आणि 29 दिवसांपर्यंत स्टँडबाय टाइम देण्यास समर्थ आहे. 

Realme C63 5G या स्मार्टफोन मध्ये 128GB ची स्टोरेज क्षमता देण्यात आलेली असून मायक्रो एसडी कार्ड ची क्षमता 2TB इतकी आहे. 4GB, 6GB आणि 8GB अशा तीन विविध रॅम प्रकारांमध्ये या स्मार्टफोनचे प्रकार मोडतात, जे फक्त सोनेरी रंगामध्ये खरेदीसाठी उपलब्ध आहेत. याची बॅटरी ही 5000 mAh ची असून 10 वॅट च्या चार्जिंगचे समर्थन करते. या स्मार्टफोनच्या कॅमेरा बद्दल पाहायचं म्हटलं तर, मागच्या बाजूस दोन कॅमेऱ्यांचा सेटअप आहे. यामध्ये प्राथमिक कॅमेरा हा 32 मेगापिक्सलचा असून सेल्फी काढण्यासाठी 8 मेगापिक्सल चा समोरील कॅमेरा देण्यात आला आहे. AI प्रणाली सोबतच पोर्ट्रेट, टाइम-लॅप्स, स्लो-मो अशी अनेक वैशिष्ट्ये आणि अती सुरक्षेसाठी Realme C63 5G या स्मार्टफोनमध्ये उजव्या बाजूस फिंगरप्रिंट स्कॅनर देखील आहे.

Realme C63 5G ची किंमत आणि उपलब्ध ऑफर्स. 

रॅम आणि स्टोरेज च्या आधारे Realme C63 5G या स्मार्टफोनचे एकूण तीन प्रकार पडतात, जे त्यांच्या किंमती सोबत खालील प्रमाणे आहेत. 

• 4GB रॅम आणि 128GB स्टोरेज ज्याची किंमत आहे 10,999 रुपये.
• 6GB रॅम आणि 128GB स्टोरेज ज्याची किंमत आहे 11,999 रुपये.
• 8GB रॅम आणि 128GB स्टोरेज ज्याची किंमत आहे 12,999 रुपये.

Realme C63 5G हा स्मार्टफोन जरी लॉन्च झाला असला तरीसुद्धा खरेदीसाठी मात्र तो भारतात 20 ऑगस्ट 2024 पासून Realme च्या अधिकृत वेबसाईटवर आणि फ्लिपकार्ट सारख्या ई-कॉमर्स वेबसाईटवर उपलब्ध होणार आहे. हा स्मार्टफोन खरेदी करण्यासाठी काही निवडक बँकांच्या क्रेडिट कार्डवर हजार रुपयांची सवलत देण्यात येत आहे. याबाबत अधिक माहिती तुम्हाला वेबसाईटवरच मिळू शकते.