Vivo X300E उद्या होणार लॉन्च! Snapdragon 8 Gen 5, 7,200mAh बॅटरी आणि 50MP ट्रिपल कॅमेरासह दमदार एंट्री

Vivo X300e लाँचसाठी होणार आहे. फोन लाँच होण्यात आता कमी वेळ शिल्लक आहे. Vivo X300e च्या लाँचपूर्वी फोनचे जवळपास सर्व प्रमुख स्पेसिफिकेशन्स समोर आले आहेत. या फोनमध्ये 6.59-इंचाचा डिस्प्ले मिळणार आहे. तसेच हा फोन ट्रिपल रिअर कॅमेरा सेटअपने सुसज्ज असेल, ज्यामध्ये मुख्य कॅमेरा 50 मेगापिक्सेलचा असल्याचे सांगितले जात आहे. सेल्फीसाठीही या डिव्हाइसमध्ये 50 मेगापिक्सेलचा फ्रंट कॅमेरा दिला जाणार आहे. याशिवाय Snapdragon 8 Gen 5 चिपसेट मिळणार आहे. चला तर मग, Vivo X300e च्या लाँचपूर्वी जाणून घेऊया या फोनमध्ये काय खास असणार आहे.

Vivo X300e सोहळ्याचे थेट प्रक्षेपण

Vivo X300e चा लाँच इव्हेंट 27 ऑगस्ट रोजी लाईव्ह होणार आहे. कंपनी हा स्मार्टफोन सर्वप्रथम आपल्या देशांतर्गत बाजारात सादर करणार आहे. चीनमधील कंपनीच्या सोशल मीडिया प्लॅटफॉर्मवर सकाळी 9 वाजल्यापासून हा लाँच इव्हेंट लाईव्ह पाहता येणार आहे. फोनच्या लाँचपूर्वी विविध सर्टिफिकेशन लिस्टिंगमध्ये त्याचे स्पेसिफिकेशन्स समोर (via) आले आहेत. Vivo X300e कंपनी तीन रंगांच्या पर्यायांमध्ये लाँच करणार आहे.

Vivo X300e स्पेसीफिकेशन

Vivo X300e मध्ये 6.59-इंचाचा डिस्प्ले मिळणार आहे. हा हाय-रिझोल्यूशन डिस्प्ले असणार आहे. फोनमध्ये Qualcomm चा शक्तिशाली Snapdragon 8 Gen 5 चिपसेट देण्यात आला असून, तो कमाल 3.8GHz फ्रिक्वेन्सीवर क्लॉक होईल. यासोबत 8GB + 256GB, 12GB + 256GB आणि 12GB + 512GB असे स्टोरेज व्हेरिएंट्स उपलब्ध होऊ शकतात.

फोनमध्ये ट्रिपल रिअर कॅमेरा सेटअप दिला जाणार आहे. यामध्ये मुख्य कॅमेरा 50 मेगापिक्सेल सेन्सरसह येईल. त्यासोबत 50 मेगापिक्सेलचा अल्ट्रावाइड अँगल लेन्स दिला जाऊ शकतो. तसेच कंपनीने तिसरा 8 मेगापिक्सेलचा सेन्सरही वापरला आहे. सेल्फी आणि व्हिडिओ कॉलिंगसाठी फोनमध्ये 50 मेगापिक्सेलचा फ्रंट कॅमेरा दिला जाणार आहे. हा फोन बॉक्समधूनच Android 16 वर चालणारा असेल.

Vivo X300e कंपनी तीन रंगांच्या पर्यायांमध्ये लाँच करणार आहे. यामध्ये Moonlight White, Sunlight Orange आणि Midnight Black या रंगांचा समावेश असल्याचे सांगितले जात आहे. फोनचे डायमेन्शन्स 157.52 × 74.33 × 7.99mm असून, या डिव्हाइसचे वजन 203 ग्रॅम असेल. फोनमध्ये 7200mAh क्षमतेची बॅटरी दिली जाईल, ज्यासोबत फास्ट चार्जिंगचाही सपोर्ट मिळणार आहे. कनेक्टिव्हिटीसाठी NFC, Bluetooth, WLAN आणि USB यांसारखे पर्याय उपलब्ध असतील. तसेच सुरक्षेसाठी इन-डिस्प्ले फिंगरप्रिंट स्कॅनरही मिळू शकतो.

हे देखील वाचा : 

https://marathi.gadgets360.com/mobiles/samsung-galaxy-z-fold-8-ultra-vs-vivo-x-fold-6-vs-google-pixel-10-pro-fold-which-foldable-phone-should-you-buy-news-11811149