How to Charge Faster: फोन हळू चार्ज होतोय? 'ही' एक सोपी ट्रिक वापरा, चार्जिंगचा वेग वाढेल

स्मार्टफोनचा वापर जर खूप जास्त होत असेल, तर तुम्हाला फोन दिवसातून अनेकदा चार्ज करावा लागतो. फोनची बॅटरी जलदरित्या चार्ज होत नसेल, तर तुमच्यासाठी ते त्रासदायक ठरू शकते. अनेकदा  आपल्या चुकांमुळे फास्ट चार्जिंग सपोर्ट असलेल्या फोनची बॅटरीही वेगाने चार्ज होत नाही. अशा वेळी फोनची बॅटरी लवकर चार्ज कशी करावी, हा प्रश्न असेल तर तुम्ही योग्य ठिकाणी आला आहात. जर तुमचा फोन फास्ट चार्जिंगला सपोर्ट करत असेल, तर त्यासोबत मिळालेला चार्जिंग ब्रिक आणि केबल एकदा चेक करून घ्या आणि फोन नेहमी वॉल सॉकेटमध्ये प्लग करूनच चार्ज करा. याबद्दल सविस्तर जाणून घेऊया.

फास्ट चार्जिंग होत नाही: मग काय करावे

तुमचा फोन सर्वप्रथम फास्ट चार्जिंगला सपोर्ट करतो का, हे चेक करून घ्या. यासाठी फोनसोबत मिळालेला बॉक्स, युजर मॅन्युअल किंवा इतर माहिती पाहू शकता. तसेच इंटरनेटवर तुमच्या फोनचा मॉडेल नंबर तपसून त्याची चार्जिंग स्पीडही तपासू शकता.

जर तुमचा फोन फास्ट चार्जिंगला सपोर्ट करत असेल, पण कंपनीने त्यासोबत आवश्यक क्षमतेचा चार्जिंग सेटअप (चार्जिंग ब्रिक आणि केबल) दिला नसेल, तर फोन फास्ट चार्ज होणार नाही. त्यामुळे तुमच्या फोनच्या चार्जिंग स्पीडनुसार योग्य चार्जिंग सेटअप वापरणे गरजेचे आहे.

अनेकजण वायरलेस चार्जिंग पॅड किंवा लॅपटॉपला केबल जोडून फोन चार्ज करतात. त्यामुळे फोन फास्ट चार्ज होत नाही. अशा वेळी फोनचा चार्जर थेट वॉल सॉकेटमध्ये लावूनच फोन चार्ज करावा.

जर तुम्ही व्यवस्थित फोन चार्ज करत असाल, फास्ट चार्जिंगला सपोर्ट करणारा चार्जर आणि केबल वापरत असाल, तरीही फोन फास्ट चार्ज होत नसेल, तर कंपनीच्या अधिकृत सर्व्हिस सेंटरमध्ये जाऊन त्याची तपासणी करून घ्या. मात्र त्यापूर्वी वर सांगितलेल्या सर्व स्टेप फॉलो करतोय हे एकदा तपासून घ्या.