IndiGo ची नवी ‘Cabs with IndiGo’ सेवा सुरू; आता विमानतळ प्रवास होणार अधिक सोपा

IndiGo ने आपल्या सेवांचा विस्तार करत एअरपोर्ट कॅब सेवा सुरू केली आहे. प्रवासी आता IndiGo च्या प्लॅटफॉर्मद्वारे कॅब बुक करू शकतात, ज्यामुळे प्रवास अधिक सोपा आणि सोयीस्कर होतो. कंपनीने थर्ड-पार्टी कॅब सेवा पुरवठादार MojoBoxx सोबत भागीदारी केली आहे. यामध्ये प्रवाशांना रिअल-टाइममध्ये कॅबची उपलब्धता आणि अंदाजे भाडे पाहता येते. एअरपोर्ट ते शहर आणि शहर ते एअरपोर्ट अशा दोन्ही दिशांनी कॅब बुक करता येणार आहे, ज्यामुळे IndiGo ने प्रवास करणाऱ्या प्रवाशांसाठी कनेक्टिव्हिटी अधिक चांगली होईल.

प्रवाशांना त्यांच्या सोयीप्रमाणे कॅब बुकिंगचे रीशेड्युलिंग किंवा रद्द करण्याची सुविधाही मिळणार आहे. IndiGo ची एअरपोर्ट कॅब बुकिंग सेवा विद्यमान ग्राहकांसह सोयीस्कर एअरपोर्ट ट्रान्सफर शोधणाऱ्या नव्या प्रवाशांच्या गरजा पूर्ण करेल. या सेवेद्वारे IndiGo शहरातील मोबिलिटीसाठी नवे मानदंड प्रस्थापित करण्याचा विचार करत आहे. IndiGo ने ही सेवा उड्डाणापूर्वी आणि फ्लाइट लँड झाल्यानंतर सहज वाहतूक सुविधा उपलब्ध करून देण्यासाठी सुरू केली आहे, ज्यामुळे प्रवाशांना त्यांचा संपूर्ण प्रवास अधिक सुरळीतपणे पूर्ण करता येईल. यामुळे प्रवाशांना फ्लाइट, राहण्याची व्यवस्था, अनुभव आणि एअरपोर्ट ट्रान्सफर यांचे व्यवस्थापन एका एकाच प्लॅटफॉर्मवर करता येणार आहे.

Cabs with IndiGo कसे बुक कराल?

IndiGo ची कॅब थेट IndiGo च्या वेबसाइट आणि मोबाईल अॅपद्वारे बुक करता येते.

• सर्वप्रथम प्रवाशांनी IndiGo ची वेबसाइट किंवा मोबाईल अॅप उघडून बुकिंग विजेटमध्ये जावे.
• त्यानंतर 'Book a Cab' या पर्यायावर क्लिक करून एअरपोर्ट लोकेशन आणि ड्रॉप-ऑफ लोकेशन टाकावे. तसेच पिक-अपची तारीख आणि वेळ नमूद करावी.
• Search वर क्लिक केल्यानंतर उपलब्ध असलेल्या सर्व कॅब्स दिसतील. कोणतीही कार सेवा निवडल्यानंतर प्रवाशांना रिव्ह्यू पेजवर नेले जाईल.
• त्यानंतर नाव, आडनाव, ई-मेल पत्ता आणि मोबाईल नंबर यांसारखी प्रवासाशी संबंधित माहिती भरावी. यानंतर कॅब ड्रायव्हरची माहिती पाठवली जाईल.
• Continue वर क्लिक केल्यानंतर प्रवाशांना पेमेंट पेजवर पाठवले जाईल.
• पेमेंट पूर्ण झाल्यानंतर प्रवाशांच्या ई-मेल पत्त्यावर बुकिंग कन्फर्मेशन पाठवले जाईल.

IndiGo एअरपोर्ट कॅबची वैशिष्ट्ये

• फक्त 49 रुपयांपासून टॅक्सी बुक करता येईल.
• कंपनी 100 टक्के हमी असलेली एअरपोर्ट पिक-अप आणि ड्रॉप सेवा देत आहे.
• इतर कॅब कंपन्यांप्रमाणे सर्ज प्राइसिंग आकारली जाणार नाही.
• कॅबचे रिअल-टाइम ट्रॅकिंग करता येईल.
• विश्वासार्ह आणि व्हेरिफाईड ड्रायव्हर्स उपलब्ध असतील.
• पिक-अप होईपर्यंत कॅब मोफत रद्द करता येईल.
• 30 मिनिटांचा मोफत वेटिंग टाइम देखील मिळेल.