चष्म्यात कॅमेरा, AI ट्रांसलेशन आणि म्यूजिक सपोर्ट! पेबलने भारतात लॉन्च केले Smart Glasses

भारतीय बाजारात Pebble ने नवीन SEEQ AI Smart Glasses लॉन्च केले आहेत.  स्मार्ट ग्लासेस AI, कॅमेरा आणि स्मार्ट कनेक्टिव्हिटी देण्यात आलेली असून वापरकर्त्यांना हँड्स-फ्री अनुभव पाहावयास मिळत आहे. SEEQ AI Smart Glasses मध्ये 8MP कॅमेरा, Full HD व्हिडिओ रेकॉर्डिंग, 4K फोटो कॅप्चर, AI असिस्टंट, रिअल-टाइम AI ट्रान्सलेशन आणि स्मार्ट इमेज रिकग्निशन यांसारखी फीचर्स देण्यात आली आहेत.

Pebble SEEQ AI Smart Glasses ची प्री-बुकिंग कंपनीच्या अधिकृत वेबसाइटवर सुरू झाली आहे. हे स्मार्ट ग्लासेस 9,999 रुपये या विशेष लॉन्च किमतीत खरेदी करता येतील, तर त्यांची MRP 12,999 रुपये ठेवण्यात आली आहे. हे स्मार्ट ग्लासेस Titan Black आणि Stealth Black या रंगांमध्ये उपलब्ध असतील. यांची विक्री Flipkart, PebbleCart आणि निवडक इलेक्ट्रॉनिक्स रिटेल स्टोअर्सद्वारेही केली जाणार आहे.

SEEQ AI Smart Glasses मध्ये इनबिल्ट AI असिस्टंट देण्यात आला आहे, जो "Hey, Seeq" या व्हॉइस कमांडद्वारे सक्रिय करता येतो. कंपनीच्या म्हणण्यानुसार, वापरकर्ते याला सामान्य तसेच संदर्भाधारित प्रश्न विचारू शकतात आणि त्यांची रिअल-टाइम उत्तरे मिळवू शकतात. यासोबतच स्मार्ट इमेज रिकग्निशन फीचरही उपलब्ध आहे, जे समोर असलेल्या वस्तू, लँडमार्क, साइनबोर्ड आणि विविध भाषांतील मजकूर ओळखू शकते.

फोटोग्राफी आणि व्हिडिओ रेकॉर्डिंगसाठी यात 8MP ऑनबोर्ड कॅमेरा देण्यात आला आहे, जो Full HD व्हिडिओ रेकॉर्डिंग आणि 4K फोटो कॅप्चरला सपोर्ट करतो. कॅमेरा व्हॉइस कमांड किंवा फ्रेमवरील फिजिकल बटणाच्या मदतीने नियंत्रित करता येतो. कंपनीने यात प्रायव्हसी इंडिकेटर लाईट देखील दिली आहे, ज्यामुळे रेकॉर्डिंग सुरू असताना आजूबाजूच्या लोकांना त्याची माहिती मिळते.

भाषेतील अडथळे दूर करण्यासाठी SEEQ AI Smart Glasses मध्ये 75 भारतीय आणि परदेशी भाषांसाठी रिअल-टाइम AI ट्रान्सलेशन सपोर्ट देण्यात आला आहे. हे फीचर Seeq मोबाइल अॅपसोबत कार्य करते आणि थेट स्मार्ट ग्लासेसवर लाईव्ह संभाषणाचे भाषांतर उपलब्ध करून देते.

ऑडिओसाठी कंपनीने यात OpenWaveX Open-Ear Audio तंत्रज्ञानाचा वापर केला आहे. यात ट्विन डायरेक्शनल ड्रायव्हर्स देण्यात आले आहेत, ज्यामुळे वापरकर्ता संगीत ऐकणे, कॉल रिसीव्ह करणे आणि व्हॉइस असिस्टंट वापरणे यासोबतच आजूबाजूचे आवाजही ऐकू शकतो. तसेच, टच जेस्चर कंट्रोलच्या मदतीने फ्रेमवर टॅप आणि स्वाइप करून संगीत, कॉल आणि व्हॉल्यूम नियंत्रित करता येतात.

SEEQ AI Smart Glasses चे वजन 50 ग्रॅमपेक्षा कमी आहे. यात प्रिस्क्रिप्शन-रेडी रिप्लेसेबल लेन्स देण्यात आले आहेत, जे गरजेनुसार स्थानिक ऑप्टिशियनकडून बदलून घेता येतात. तसेच, कंपनीच्या म्हणण्यानुसार, या डिव्हाइसमध्ये असे सुरक्षा तंत्रज्ञान देण्यात आले आहे, जे अनधिकृत थर्ड-पार्टी मीडिया अॅक्सेस रोखण्यास मदत करते.