5 हजारांखाली itel चे 2 नवे साउंडबार लॉन्च; 4 स्पीकर सेटअपने मिळणार दमदार आवाज

itel ने भारतात आपले नवीन Soundbar 160W आणि Soundbar 120W लॉन्च केले आहेत. कंपनीचे नवीन साउंडबार iThumpX BASS टेक्नॉलॉजी, DSP चिपसेट आणि Hi-Q क्वाड/ड्युअल स्पीकर सेटअपसह येतात. Soundbar 160W मध्ये हाय-क्वालिटी क्वाड-स्पीकर कॉन्फिगरेशन देण्यात आले आहे, तर 120W मॉडेलमध्ये ड्युअल-स्पीकर सेटअप मिळतो. दोन्ही डिव्हाइसेस Bluetooth 5.3, LED डिस्प्ले आणि अनेक कनेक्टिव्हिटी पर्यायांसह सादर करण्यात आले आहेत. 

itel Soundbar 160W ची किंमत 6,349 रुपये ठेवण्यात आली आहे, तर Soundbar 120W 4,649 रुपयांत लॉन्च करण्यात आला आहे. दोन्ही मॉडेल्स देशभरातील रिटेल स्टोअर्समध्ये उपलब्ध आहेत. कंपनी 12 महिन्यांची वॉरंटी आणि बॉक्ससोबत मोफत वॉल माउंट किटही देत आहे.

Soundbar 160W मध्ये हाय-क्वालिटी क्वाड-स्पीकर कॉन्फिगरेशन मिळते, तर Soundbar 120W मध्ये ड्युअल स्पीकर सेटअप देण्यात आला आहे. दोन्ही मॉडेल्समध्ये कंपनीची iThumpX BASS टेक्नॉलॉजी देण्यात आली आहे. याशिवाय, कंपनीच्या मते यामध्ये वापरण्यात आलेले Neodymium Magnets अधिक चांगला साउंड आउटपुट देण्यास मदत करतात.

नवीन साउंडबार्समध्ये DSP चिपसेट देण्यात आला आहे, जो साउंड सेपरेशन अधिक चांगले करण्यास आणि व्हर्च्युअल 360-डिग्री ऑडिओ इफेक्ट देण्यास मदत करतो. यासोबत अॅडव्हान्स विंड पाइप टेक्नॉलॉजी आणि LED डिस्प्लेचाही समावेश आहे. कंपनीचा दावा आहे की या फीचर्समुळे अधिक खोल आणि संपूर्ण खोलीत पसरलेला ऑडिओ अनुभव मिळतो.

कनेक्टिव्हिटीसाठी दोन्ही मॉडेल्समध्ये Bluetooth 5.3 सपोर्ट देण्यात आला आहे. याशिवाय TV (ARC), Optical, AUX, USB आणि SW Out पोर्ट्सही मिळतात. यूजर्स हे साउंडबार टीव्ही आणि इतर एंटरटेनमेंट डिव्हाइसेससोबत कनेक्ट करू शकतात. कंपनीच्या मते, साउंडबार्स टीव्ही रिमोटनेही कंट्रोल करता येतात. 

या साउंडबार्समध्ये तीन EQ Modes देखील देण्यात आले आहेत, ज्यांच्या मदतीने यूजर्स वेगवेगळ्या प्रकारच्या कंटेंटनुसार ऑडिओ प्रोफाइल निवडू शकतात. कंपनीचे म्हणणे आहे की हे फीचर मूव्ही, गेमिंग आणि म्युझिकसारख्या वेगवेगळ्या वापरांदरम्यान ऑडिओ अनुभव कस्टमाइज करण्यास मदत करते.