लोक कोणते सिम खरेदी करत आहेत? समोर आली आकडेवारी

टेलीकॉम रेगुलेटरी अथॉरिटी ऑफ इंडिया  (TRAI) ने जारी केलेल्या डेटानुसार, नवीन ग्राहक जोडण्याच्या बाबतीत Airtel ने Jio ला मागे टाकले आहे. TRAI ने 28 जुलै 2026 रोजी जून 2026 मधील टेलिकॉम सब्सक्रिप्शन डेटा प्रसिद्ध केला. या अहवालात भारतातील Airtel, Reliance Jio, Vodafone Idea आणि सरकारी कंपनी BSNL यांच्या ग्राहकसंख्येत वाढ झाल्याचे दिसून आले. मात्र, याच कालावधीत सरकारी कंपनी MTNL च्या ग्राहकसंख्येत घट झाली. तसेच सर्व कंपन्यांच्या एकूण ग्राहकसंख्येचीही माहिती समोर आली आहे. चला याबद्दल सविस्तर जाणून घेऊया.

Airtel ने जोडले 29 लाखांहून अधिक ग्राहक

जून 2026 मध्ये वायरलेस (मोबाइल) सब्सक्राइबर बेसमध्ये 5.38 दशलक्ष (5,383,415) ग्राहकांची वाढ झाली. Airtel ने या महिन्यात 2,989,976 नवीन वायरलेस (मोबाइल) ग्राहक जोडले. तर Reliance Jio ने 2,146,980 नवीन ग्राहक जोडले. Vodafone Idea नेही वाढ नोंदवत याच कालावधीत 163,757 ग्राहक जोडले. सरकारी मालकीची BSNL कंपनीने 94,006 नवीन वायरलेस (मोबाइल) ग्राहक जोडले. मात्र, सरकारी कंपनी MTNL ने 11,284 ग्राहक गमावले. या कालावधीत सर्वाधिक नवीन ग्राहक Airtel ने जोडले असून Jio दुसऱ्या क्रमांकावर राहिले आहे. 

Jio कडे सर्वाधिक ग्राहक

मागील महिन्याच्या अखेरीस खासगी टेलिकॉम कंपन्यांचा वायरलेस (मोबाइल)  मार्केट शेयर 92.73% होता. तर सरकारी कंपन्या BSNL आणि MTNL यांचा एकत्रित  मार्केट शेयर 7.27% होता.

Reliance Jio कडे 503.58 दशलक्ष (503,583,616) वायरलेस ग्राहक असून कंपनीचा  मार्केट शेयर 39.27% आहे. त्यामुळे Jio पहिल्या क्रमांकावर आहे.
Bharti Airtel कडे 486.80 दशलक्ष (486,799,957) वायरलेस ग्राहक असून  मार्केट शेयर 37.96% आहे. Airtel दुसऱ्या क्रमांकावर आहे.
Vodafone Idea कडे 198.82 दशलक्ष (198,823,098) वायरलेस ग्राहक असून  मार्केट शेयर 15.50% आहे. कंपनी तिसऱ्या क्रमांकावर आहे.
Bharat Sanchar Nigam Limited (BSNL) कडे 93.01 दशलक्ष (93,008,994) वायरलेस ग्राहक असून  मार्केट शेयर 7.25% आहे. BSNL चौथ्या क्रमांकावर आहे.
Mahanagar Telephone Nigam Limited (MTNL) कडे 166,477 वायरलेस ग्राहक असून  मार्केट शेयर 0.01% आहे. MTNL शेवटच्या क्रमांकावर आहे.
सातत्याने वाढत आहेत सब्सक्राइबर

वायरलेस (मोबाइल आणि फिक्स्ड वायरलेस अॅक्सेस) ग्राहकांची संख्या जून 2026 मध्ये 0.45% मासिक वाढीसह 1,300.25 दशलक्ष झाली, जी मे 2026 मध्ये 1,294.46 दशलक्ष होती.

याच कालावधीत वायरलेस (मोबाइल) ग्राहकसंख्या 1,277.00 दशलक्ष वरून वाढून 1,282.38 दशलक्ष झाली असून यात 0.42% वाढ नोंदवली गेली.

भारतातील वायरलेस टेली-डेन्सिटी 90.61% वरून वाढून 90.96% झाली आहे. (म्हणजेच सब्सक्राइबरसातत्याने वाढत आहे.)

FWA सब्सक्राइबर – 5G आणि UBR

भारतातील एकूण वायरलेस 5G Fixed Wireless Access (FWA) ग्राहकसंख्या मे 2026 मध्ये 12.73 दशलक्ष होती, जी जून 2026 अखेरीस वाढून 12.94 दशलक्ष झाली. यापैकी 6.44 दशलक्ष (49.80%) ग्राहक शहरी भागातील तर 6.49 दशलक्ष (50.20%) ग्राहक ग्रामीण भागातील आहेत.

जून 2026 पर्यंत Airtel च्या 5G Fixed Wireless Access ग्राहकसंख्येत 56,773 ची वाढ होऊन ती 3,821,035 झाली. तर Reliance Jio च्या ग्राहकसंख्येत 145,790 ची वाढ होऊन ती 9,114,357 झाली. यानंतर एकूण 5G FWA ग्राहकसंख्या 12,935,392 वर पोहोचली.

Reliance Jio चा UBR FWA ग्राहक बेस मे महिन्यात 2026 मध्ये 4,732,703 होता, जो जून 2026 मध्ये वाढून 4,934,005 झाला. म्हणजेच कंपनीने 201,302 नवीन UBR FWA ग्राहक जोडले. UBR FWA सब्सक्राइबरची माहिती देणारी Jio ही एकमेव कंपनी आहे.