750W हब मोटर आणि 802Wh बॅटरीसह Urtopia Carbon Atom ई-बाईक लॉन्च, किंमत सुमारे ₹2.15 लाखांपासून

Urtopia कडून नवीन Carbon Atom इलेक्ट्रिक बाईक लॉन्च करण्यात आली आहे. ही कंपनीची हाय-परफॉर्मन्स इलेक्ट्रिक बाईक आहे. वजनाने हलकी असली तरी तिची बिल्ड क्वालिटी मजबूत असल्याचा दावा कंपनीने केला आहे. या ई-बाईकमध्ये 750 W ची मोटर देण्यात आली आहे. ती 802Wh क्षमतेच्या बॅटरीसह येते. यात 8-स्पीड सिस्टम देण्यात आली असून, स्पीड नियंत्रणासाठी Tektro हायड्रॉलिक डिस्क ब्रेक्स देण्यात आले आहेत. चला जाणून घेऊया या इलेक्ट्रिक बाईकची किंमत आणि इतर खास फीचर्स.

Urtopia Carbon Atom ई-बाईकची किंमत

Urtopia Carbon Atom ई-बाईकची किंमत 2,499 डॉलर (सुमारे 2,35,000 रुपये) आहे. कंपनी या बाईकसोबत मडगार्ड आणि किकस्टँड मोफत देत आहे. ही इलेक्ट्रिक बाईक सध्या अमेरिकन बाजारात लॉन्च करण्यात आली आहे. ती Moonlight, Copper आणि Olive या तीन रंगांमध्ये उपलब्ध आहे. ही बाईक कंपनीच्या अधिकृत वेबसाइटवरून खरेदी करता येईल.

Urtopia Carbon Atom  ई-बाईकची किंमत

Urtopia Carbon Atom बाईकमध्ये 750 वॅट क्षमतेची सतत आउटपुट देणारी हब मोटर देण्यात आली आहे. ही मोटर 1,250 वॅट पीक आउटपुट आणि 90 Nm पर्यंत टॉर्क निर्माण करते. याला पॉवर देण्यासाठी 802 Wh क्षमतेची मोठी बॅटरी देण्यात आली आहे. कंपनीच्या म्हणण्यानुसार ही हलक्या वजनाची ई-बाईक असून, कोणत्याही अॅक्सेसरीजशिवाय तिचे वजन 58 पाउंड (सुमारे 26 किलोग्रॅम) आहे. Carbon Atom ई-बाईकमध्ये 8-स्पीड Shimano Acera डिरेलियर देण्यात आले आहे. ब्रेकिंगसाठी Tektro हायड्रॉलिक डिस्क ब्रेक्स देण्यात आले आहेत. यामध्ये 80 मिमी ट्रॅव्हल असलेला फ्रंट सस्पेंशन फोर्क आहे. याचे कार्बन फ्रेम कंपन कमी करण्यास मदत करते.

या इलेक्ट्रिक बाईकमध्ये रिअर सस्पेंशन देण्यात आलेले नाही. मात्र अधिक आरामदायी राइडसाठी सस्पेंशन सीटपोस्ट देण्यात आला आहे. ही इलेक्ट्रिक बाईक 3.5 इंचाच्या रंगीत LCD डिस्प्लेसह येते. यामध्ये 26 इंचाचे Kenda टायर्स देण्यात आले आहेत. तसेच इंटिग्रेटेड रिअर लाईट आणि हँडलबारवर हेडलाईट देखील देण्यात आली आहे. कंपनीच्या दाव्यानुसार, ही ई-बाईक एका चार्जमध्ये 95 किलोमीटरपर्यंतची रेंज देते.