पहिल्यांदाच समोर आले Nothing Ear 3 चे डिझाइन; पहा अपडेट्स

Nothing ने गुरुवारी (11 सप्टेंबर) त्यांच्या नवीन Ear 3 इअरबड्सचा डिझाइन जाहीर केला. या वेळी कंपनीने केससह संपूर्ण डिझाइन दाखवले, जे काही दिवसांपूर्वी केवळ झलक स्वरूपात टीझ करण्यात आले होते. Ear 3 चे अधिकृत लाँच 18 सप्टेंबर रोजी होणार असल्याची पुष्टी करण्यात आली आहे. नवीन डिझाइनमध्ये केसला मेटॅलिक फिनिश देण्यात आला आहे, ज्यामुळे Ear 2 मधील ट्रान्सपॅरंट प्लास्टिक फ्रेम हटवण्यात आली आहे. तसेच या डिव्हाईसमध्ये नवीन 'Talk' बटण दिले गेले आहे, मात्र त्याचे फंक्शन अजून स्पष्ट करण्यात आलेले नाही.Nothing ने X सोशल मीडीया प्लॅटफॉर्मवर Ear 3 चे पहिले अधिकृत फोटो शेअर केले. Ear 2 सारखीच एकूण डिझाइन लॅग्वेज ठेवली असली तरी Ear 3 मध्ये काही महत्त्वाचे बदल करण्यात आले आहेत.Nothing Ear 3 च्या केस डिझाइनमध्ये मोठा बदल करण्यात आला आहे. आधी इअरबड्स ठेवण्यासाठी असलेल्या ट्रान्सपॅरंट ग्रूव्ह्सऐवजी आता मेटॅलिक ग्रूव्ह्स देण्यात आले आहे. ज्यामुळे डिव्हाइसचा लूक थोडा चौकोनी वाटतो. मात्र केसचा वरचा झाकण भाग अद्याप ट्रान्सपॅरंट ठेवला असून, ब्रँडच्या डिझाइन ओळखीला अनुसरून आहे. इअरबड्सच्या स्टेममध्ये ट्रान्सपॅरंट डिझाइन कायम ठेवले गेले आहे, परंतु आता त्यात मेटॅलिक घटकांचाही समावेश दिसून येतो.

The Verge च्या माहितीनुसार, Nothing ने ऑगस्टमध्ये जाहीर केले होते की Ear 3 च्या केसचा काही भाग “100% रिसायकल केलेल्या ॲनोडाइज्ड अॅल्युमिनियम” पासून बनवला जाईल. या मेटॅलिक घटकांचा उपयोग डिव्हाईसची टिकाऊपणा वाढवण्यासाठी तसेच त्याला प्रीमियम लूक आणि फील देण्यासाठी करण्यात आला आहे. कंपनीने इअरबड्समधील मेटल अँटेना नव्याने डिझाइन केला असून त्यामुळे इअरबड्स आणखी स्लिम झाले आहेत.

Ear 3 मधील सर्वात वेगळे फीचर म्हणजे समोरील बाजूस दिलेले ‘Talk' बटण. हे पॅरिंगसाठी नसून, पॅरिंग बटण आतल्या बाजूसच ठेवण्यात आले आहे. या नवीन बटणाचे कार्य काय असेल याबाबत कंपनीने काहीही स्पष्ट केलेले नाही. मात्र, रिपोर्टनुसार कंपनीने चार्जिंग केसमध्ये “Super Mic” मायक्रोफोनचा समावेश असल्याची पुष्टी केली आहे.

Nothing Ear 3 मधील नवीन ‘Talk' ची चर्चा

Nothing Ear 3 मधील ‘Talk' बटणाबाबत विविध अंदाज वर्तवले जात आहेत. हे बटण वायरलेस मायक्रोफोन अ‍ॅक्टिव्ह करून गोंगाटाच्या वातावरणातही यूजर्सना स्पष्टपणे बोलण्यास मदत करू शकते. इतर अंदाजांनुसार, या बटणाचा वापर दोन इअरबड्समध्ये वॉकी-टॉकी मोडसाठी किंवा CMF Buds Pro 2 मधील ‘Smart Dial' सारख्या फिचरसाठी केला जाऊ शकतो.