WWDC 2026 मध्ये Apple चा AI धमाका! iOS 27, Siri AI आणि Gemini इंटिग्रेशनची मोठी घोषणा

Apple ने सोमवारी वार्षिक वर्ल्डवाइड डेव्हलपर्स कॉन्फरन्स (WWDC 2026) ची सुरुवात केली. यावेळी WWDC 2026 मध्ये Apple ने आपले संपूर्ण लक्ष AI वर केंद्रित केले. नवीन Siri AI ची घोषणा आणि Apple च्या संपूर्ण इकोसिस्टममध्ये Google Gemini चे इंटिग्रेशन करून कंपनीने आपल्या सिस्टीममध्ये मोठे बदल केले आहेत. जनरेटिव्ह AI क्षेत्रातील Apple चा हा आतापर्यंतचा सर्वात मोठा प्रयत्न मानला जात आहे. आज आपण WWDC 2026 मध्ये Apple ने केलेल्या 10 प्रमुख घोषणांबद्दल जाणून घेणार आहोत.याबद्दल सविस्तर माहिती घेऊया.

iOS 27 ची घोषणा
Apple ने परफॉर्मन्समध्ये सुधारणा, AI-आधारित फीचर्स आणि अधिक चांगल्या Apple Intelligence इंटिग्रेशनसह iOS 27 सादर केले आहे.

Siri AI लॉन्च
Apple ने पूर्णपणे नव्याने डिझाइन केलेला AI-आधारित Siri सादर केला आहे. यामध्ये संवाद साधण्याची क्षमता, संदर्भ समजून घेण्याची क्षमता आणि अॅप्ससोबत अधिक चांगले इंटिग्रेशन समाविष्ट करण्यात आले आहे.

Google Gemini इंटीग्रेशन
नवीन Siri AI हे Google च्या Gemini मॉडेलवर आधारित कार्य करते. ही Apple ची आतापर्यंतची सर्वात मोठी AI  पार्टनरशिप असून यामुळे वापरकर्त्यांना अनेक फायदे मिळणार आहेत.

स्वतंत्र Siri AI अॅप
Siri आता केवळ व्हॉइस असिस्टंट राहिलेला नाही. आता त्याला चॅटबॉट-स्टाइल इंटरफेस मिळाला आहे, ज्यामध्ये कन्व्हर्सेशन हिस्ट्री आणि अधिक चांगला संवाद साधण्याचा अनुभव प्रदान केला आहे.

विजुअल इंटेलिजेंस अपग्रेड
आता Siri वापरकर्त्यांच्या स्क्रीनवर किंवा कॅमेऱ्यात दिसणाऱ्या गोष्टी समजू शकतो आणि त्या माहितीच्या आधारे आवश्यक कृती करण्यास मदत करू शकतो.

अॅडव्हान्स AI फोटो एडिटिंग
Apple ने फोटोंमधील ऑब्जेक्ट हटवणे, सीन एक्सपँशन, रीफ्रेमिंग आणि सुधारित क्लीनअप फीचर्ससारखी प्रगत AI साधने सादर केली आहेत.

लिक्विड ग्लास फीचर अधिक सक्षम
Apple ने अधिक चांगल्या गोपनीयतेसाठी कस्टमायझेशन आणि ट्रान्सपरन्सी कंट्रोलमध्ये सुधारणा करून आपल्या लिक्विड ग्लास डिझाइनला अपडेट केले आहे.

नैसर्गिक भाषेत शॉर्टकट्स
वापरकर्ते आता दैनंदिन भाषेत आपल्या गरजा सांगून सहजपणे ऑटोमेशन आणि शॉर्टकट्स तयार करू शकतात.

चाइल्ड सेफ्टी फीचर्स
Apple ने यावेळी अधिक प्रभावी पॅरेंटल कंट्रोल्स, कंटेंट फिल्टरिंग, सुधारित स्क्रीन टाइम आणि सुरक्षित ब्राउझिंग टूल्सची घोषणा केली आहे.

सर्व अॅप्समध्ये अॅपल इंटेलिजेंस
AI फीचर्स आता Safari, Mail, Photos, Passwords, Notes, Reminders आणि Spotlight Search यांसारख्या अॅप्समध्ये अधिक इंटिग्रेट करण्यात आले आहेत.

हे सुद्धा वाचा : 

https://marathi.gadgets360.com/apple/apple-wwdc-2026-announcements-with-siri-upgrade-apple-intelligence-camera-customization-ios-27-more-news-11610545